തണുപ്പില്‍ കൊഴുപ്പുള്ള ഭക്ഷണം ഒഴിവാക്കുക

തണുപ്പത്ത് ഒരു ചൂടുകാപ്പി പലര്‍ക്കും ഇഷ്ടമായിരിക്കും. എന്നാല്‍ പാല്‍, ക്രീം, മധുരം എന്നിവ അടങ്ങിയ കാപ്പി തടി കൂട്ടും. കട്ടന്‍ കാപ്പിയോ ഗ്രീന്‍ടീയോ കുടിക്കുകയാണ് ആരോഗ്യത്തിന് നല്ലത്.

ഫിംഗര്‍ ചിപ്‌സ്, ഉള്ളി ബജി, പക്കോഡ എന്നിവ തണുപ്പുള്ളപ്പോള്‍ കഴിയ്ക്കാന്‍ നല്ല രസമുണ്ടാകും. ഇവയിലെ എണ്ണയും കൊഴുപ്പും ശരീരത്തിന് നല്ലതല്ല.

തണുപ്പത്ത് സൂപ്പു കുടിയ്ക്കുന്നത് ആരോഗ്യത്തിന് നല്ലതാണെന്ന്് പൊതുവെ വിശ്വാസമുണ്ട്. എന്നാല്‍ കൂപ്പുകള്‍ തെരഞ്ഞെടുക്കുമ്പോള്‍ ശ്രദ്ധ വേണം. ക്രീം ചേര്‍ക്കാത്ത സൂപ്പുകളേ ഉപയോഗിക്കാവൂ. അല്ലാത്തവ കൊഴുപ്പുണ്ടാക്കും.

വിശക്കുമ്പോള്‍ കേക്കുകളും ബട്ടര്‍ ബിസ്‌ക്കറ്റുകളും കഴിയ്ക്കുന്നവര്‍ ധാരാളം. ഇവയിലെ ബട്ടര്‍ ആരോഗ്യത്തിന് ദോഷം ചെയ്യും.

മട്ടന്‍, ബീഫ് എന്നിവയുടെ ഉപയോഗം തണുപ്പില്‍ കുറയ്ക്കുന്നതാണ് നല്ലത്. ഇവ ശരീരത്തിന് ചൂടു നല്‍കുമെങ്കിലും ശരീരത്തില്‍ ധാരാളം കൊഴുപ്പുണ്ടാക്കുകയും ചെയ്യും. പ്രത്യേകിച്ചും തണുപ്പു കാലത്ത്.

ഡെസേര്‍ട്ടുകളും ഐസ്‌ക്രീമുകളും വല്ലപ്പോഴും മാത്രം കഴിയ്ക്കുക. മഞ്ഞുള്ള ഡിസംബറിലാണ് ക്രിസ്മസ് എന്നതിനാല്‍ ഈ സമയത്ത് കേക്കും മധുരവും ലഭിക്കാനും കഴിക്കാനും സാധ്യത കൂടുതലാണ്. തണുപ്പില്‍ ഐസ്‌ക്രീം കഴിയ്ക്കുവാന്‍ താല്‍പര്യമുള്ളവരുമുണ്ട്. ഇവയെല്ലാം തടി കൂട്ടുമെന്നോര്‍ക്കുക.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.