കായത്തിന്റെ ഔഷധഗുണങ്ങള്‍

പുരുഷന്മാരിലെ ലൈംഗികശേഷിക്കുറവിന് കായം നെയ്യില്‍ മൂപ്പിച്ച് തേനും ഒരു സ്പൂണ്‍ അരയാല്‍ മരത്തിന്റെ തടിയില്‍ നിന്നെടുക്കുന്ന പാലും ചേര്‍ത്ത് നാല്‍പതു ദിവസം അടുപ്പിച്ച് വെറുവയറില്‍ സൂര്യോദയത്തിന് മുന്‍പ് കഴിക്കുന്നത് നല്ലതാണ്.

സ്ത്രീകളിലെ വന്ധ്യത, മാസമുറ സമയത്തുണ്ടാകുന്ന വേദന, ഗര്‍ഭമലസല്‍, മാസം തികയാതെയുള്ള പ്രസവം എന്നിവയ്ക്ക് കായം നല്ലൊരു മരുന്നാണ്. അല്‍പം 12 ഗ്രം കായം നെയ്യില്‍ ചൂടാക്കി പാലും തേനും ചേര്‍ത്തു കഴിക്കുന്നത് മേല്‍പ്പറഞ്ഞ പ്രശ്‌നങ്ങള്‍ക്കുള്ള പരിഹാരമാര്‍ഗങ്ങളിലൊന്നാണ്. ദിവസം മൂന്നുനേരം ഇത് കഴിക്കുന്നത് പ്രൊജസ്‌ട്രോണ്‍ എന്ന ഹോര്‍മോണിന്റെ ഉല്‍പാദനത്തിന് നല്ലതാണ്. പ്രസവശേഷവും സ്ത്രീകള്‍ക്ക് കായം കൊണ്ടുള്ള മരുന്നുകള്‍ നല്‍കാറുണ്ട്. ഇത് ദഹനത്തെ എളുപ്പമാക്കുന്നു.

കുട്ടികളിലെ നാഡീസംബന്ധമായ പ്രശ്‌നങ്ങള്‍ പരിഹരിക്കാന്‍ കായം നല്ലതാണ്. കുട്ടികളുടെ കഴുത്തില്‍ കായം കലര്‍ത്തിയ എണ്ണ പുരട്ടി തടവുന്നത് പല രോഗങ്ങളും ശമിപ്പിക്കും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.