ഭക്ഷണം കഴിച്ചും പ്രായം കുറക്കാം

നല്ല ത്വക്ക് പ്രായം കുറവു തോന്നിക്കും. നാരങ്ങയിലെ ആന്റിഓക്‌സൈഡുകളും വിറ്റാമിന്‍ സിയും ത്വക്കിന് ഏറെ നല്ലതാണ്. ശരീരത്തുള്ളിലെ അഴുക്കുകള്‍ നീക്കം ചെയ്യുന്നതിനും കൊഴുപ്പു കട്ട പിടിക്കാതിരിക്കാനും നാരങ്ങ ഏറെ നല്ലതാണ്. ചൂടുവെള്ളത്തില്‍ രണ്ടുതുള്ളി ചെറുനാരങ്ങാനീരൊഴിച്ച് രണ്ടുനേരം കുടിക്കുന്നത് നല്ലതാണ്.

ഇലക്കറികള്‍ ഹൃദയസംബന്ധമായ രോഗങ്ങള്‍ക്കും ദഹന, ശ്വസന സംബന്ധമായ രോഗങ്ങള്‍ക്കും ഏറെ നല്ലതാണ്. അസുഖങ്ങളില്ലാതിരുന്നാല്‍ തന്നെ ചെറുപ്പം തോന്നും. കാരറ്റ്, വെള്ളരി തുടങ്ങിയവ ത്വക്കിന് തിളക്കം നല്‍കാന്‍ നല്ലതാണ്. കണ്ണുകള്‍ക്ക് ഏറെ നല്ലതാണ് കാരറ്റ്.

ആപ്പിള്‍, തണ്ണിമത്തന്‍ തുടങ്ങിയ എല്ലാ പഴവര്‍ഗങ്ങളും പ്രായക്കുറവു തോന്നിക്കുന്നതില്‍ മുഖ്യപങ്കു വഹിക്കുന്നു. ശരീരത്തിലെ വിഷാംശങ്ങള്‍ കളയാനും ശരീരത്തിലെ ജലാംശം നിലനിര്‍ത്താനും ആപ്പിള്‍ നല്ലതാണ്.

ഉണക്കമുന്തിരി, ബദാം, വാള്‍നട്ട് തുടങ്ങിയവ ശരീരത്തില്‍ ലൂബ്രിക്കേറ്ററുകളായി പ്രവര്‍ത്തിക്കുന്നു. ഇവയിലെ വൈറ്റമിന്‍ ഇ ത്വക്കിന് തിളക്കം നല്‍കുകയും ശരീരകോശങ്ങള്‍ക്ക് കൊഴുപ്പു നല്‍കുകയും നല്‍കുന്നു.

ഗ്രീന്‍ടീ പ്രായക്കുറവു തോന്നിക്കുന്നതില്‍ ഒരു പ്രധാന ഘടകമാണ്. ശരീരത്തിന് ഊര്‍ജം നല്‍കാനും മനസിനും ശരീരത്തിനും ഉണ്‍വു നല്‍കാനും ഗ്രീന്‍ടീ നല്ലതാണ്.

ശരീരത്തിന്റെ പ്രവര്‍ത്തനങ്ങള്‍ക്ക് വെള്ളം അത്യാവശ്യമായതു കൊണ്ട് ആറു മുതല്‍ എട്ടു വരെ ഗ്ലാസ് വെള്ളം ദിവസവും കുടിക്കണം. ത്വക്ക് ആരോഗ്യത്തോടെയിരിക്കാന്‍ വെള്ളം അത്യാവശ്യമാണ്.

വറുത്തതും പൊരിച്ചതുമായ ഭക്ഷണങ്ങള്‍ ത്വക്കിന് നല്ലതല്ല. പച്ചക്കറികളും പാചകം ചെയ്യാതെ കഴിക്കുന്നത് ആരോഗ്യത്തിനും സൗന്ദര്യത്തിനും ഏറെ നല്ലതാണ്.