ഭക്ഷണത്തിലെ മായം തിരിച്ചറിയൂ

Health

oi-Saritha

By Veena

Published: Monday, November 7, 2011, 15:53 [IST]

ചില ഭക്ഷണസാധനങ്ങളുടെ നിറം കണ്ടാല്‍ 'ഹായ്' എന്നു തോന്നാറുണ്ടോ, മണം കേട്ടാല്‍ വായില്‍ വെള്ളമൂറാറുണ്ടോ. വരട്ടെ, ഇവ മായം കലര്‍ത്തിയവയുമാകാം. എന്നാല്‍ ഇത് തിരിച്ചറിയാന്‍ നമ്മള്‍ ഉപഭോക്താക്കള്‍ക്ക് കഴിയുന്നില്ലെന്നതാണ് വാസ്തവം.

സാധാരണയായി മായം കലര്‍ത്തുവാന്‍ സാധ്യത കൂടുതലുള്ള ചില സാധനങ്ങളുണ്ട്. മഞ്ഞള്‍പ്പൊടി നല്ല മഞ്ഞയായിരിക്കുന്നത് ചിലപ്പോള്‍ അതിന്റെ ഗുണക്കേടുമാകാം. മെറ്റാനില്‍ യെല്ലോ എന്നൊരു രാസപദാര്‍ത്ഥമായിരിക്കും ഈ നിറത്തിനു പുറകില്‍

നാം കുടിയ്ക്കുന്ന കാപ്പിയിലും മായമുണ്ടാകാം. ചിക്കറി എന്നറിയപ്പെടുന്ന സസ്യത്തിന്റെ വേര് ഉണക്കി പൊടിച്ച് കാപ്പിപ്പൊടിയില്‍ ചേര്‍ക്കാറുണ്ട്. ഇത് ചിലരില്‍ ചര്‍മത്തിന് അലര്‍ജി ഉണ്ടാക്കാറുണ്ട്. ആര്‍ത്തവ പ്രശ്‌നങ്ങളും ചിക്കറി കാരണമുണ്ടാകുന്ന പാര്‍ശ്വഫലങ്ങളാണ്. ഗോതമ്പു പൊടി, കടലമാവ് എന്നിവയിലും ചിക്കറി ചേര്‍ക്കാറുണ്ട്.

നാം വാങ്ങിക്കുന്ന പശുവിന്‍ നെയ്യില്‍ പോത്തിന്റെ കൊഴുപ്പില്‍ നിന്നെടുക്കുന്ന ഒലിയോമാര്‍ഗ്രെയ്ന്‍ എന്ന പദാര്‍ത്ഥം ചേര്‍ക്കാറുണ്ട്. ഇത് കൊളസ്‌ട്രോള്‍ വര്‍ദ്ധിപ്പിക്കും.

കടുകിന്റെ കൂടെ എരുമക്കള്ളി എന്ന് അറിയപ്പെടുന്ന ആര്‍ഗിമോണ്‍ സീഡുകള്‍ ചേര്‍ക്കാറുണ്ട്. കടുകിനെപ്പോലെ തന്നെയുള്ള ഇവയില്‍ വിഷാംശം അടങ്ങിയിട്ടുണ്ട്.

പാലില്‍ നിലവധി മായങ്ങള്‍ കലര്‍ത്താറുണ്ട്. പാലില്‍ ചിലപ്പോള്‍ പാല്‍പ്പൊടി ചേര്‍ക്കാറുണ്ട്. സോയാബീന്‍, നിലക്കടല എന്നിവ കൊഴുപ്പു ലഭിക്കുവാനായി പാലില്‍ കലര്‍ത്തുന്നത് സാധാരണമാണ്. ഇത് കൂടാതെ യൂറിയ, എണ്ണ, സോപ്പുപൊടി എന്നിവയും പാലില്‍ ചേര്‍ക്കാറുണ്ട്. ഗോതമ്പുപൊടിയും റവയും പാലില്‍ ചേര്‍ക്കുന്നത് സാധാരണമാണ്.

നല്ല അരിയുടേയും ഗോതമ്പിന്റേയും കൂടെ കേടായ അരിയും ഗോതമ്പും ചേര്‍ക്കുന്നതും സാധാരണമാണ്.

ഭക്ഷണത്തിന് ഉപയോഗിക്കുന്ന ഇലകളില്‍ കീടനാശിനികള്‍ അടിക്കാറുണ്ട്. ഇവ കണ്ടുപിടിക്കുവാന്‍ ബുദ്ധിമുട്ടാണ്.

ഇത്തരം മായങ്ങള്‍ ശരീരത്തിന് ഏറെ ദോഷം ചെയ്യും. ചിലരില്‍ ശാരീരിക വൈകല്യങ്ങളും ക്യാന്‍സര്‍ തുടങ്ങിയ അസുഖങ്ങളും ഭക്ഷണത്തില്‍ മായം കലര്‍ത്തുന്നത് വഴി വരാറുണ്ട്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.