കമ്പ്യൂട്ടര്‍ ഉപയോഗിക്കുന്നവര്‍ക്കിടയില്‍ ഡ്രൈ ഐ സിന്‍ഡ്രോം

ഏതാണ്ട്‌ ദിനംമുഴുവന്‍ കമ്പ്യൂട്ടറിന്‌ മുന്നിലാണോ? നടുവേദനയും പിടലിവേദനയും ഇടയ്‌ക്കിടെ ശല്യം ചെയ്യാറുണ്ടോ? എന്നാല്‍ ഏറ്റവും വിലപ്പെട്ട മറ്റൊന്നിന്‌ ആരോഗ്യവും പ്രവര്‍ത്തന ക്ഷമതയും കുറഞ്ഞുവരുന്നുണ്ട്‌! ഏതാണെന്നല്ലേ കണ്ണുകള്‍ തന്നെ.

ഏറെസമയം കമ്പ്യൂട്ടര്‍ ഉപയോഗിക്കുന്നതുമൂലം കണ്ണുകള്‍ വരണ്ടുപോകുന്ന അവസ്ഥ ആളുകള്‍ക്കിടയില്‍ കൂടിവരുന്നുവെന്നാണ്‌ ആരോഗ്യ വിദഗ്‌ധര്‍ പറയുന്നത്‌.

കമ്പ്യൂട്ടര്‍ സ്‌ക്രീനില്‍ നിന്നും പുറപ്പെടുന്ന കിരണങ്ങളാണ്‌ കണ്ണിന്‌ കേടുവരുത്തുന്നത്‌. ഡ്രൈ ഐ സിന്‍ഡ്രോം എന്നാണ്‌ ഈ രോഗാവസ്ഥ അറിയപ്പെടുന്നത്‌. ദിവസം പത്തുമണിക്കൂറില്‍ കൂടുതല്‍ കമ്പ്യൂട്ടര്‍ തുടര്‍ച്ചയായി ഉപയോഗിക്കുന്ന ഏതൊരാളുടെ കണ്ണുകളും ഈ അവസ്ഥയിലായിത്തീരുമെന്നാണ്‌ ഡോക്ടര്‍മാര്‍ പറയുന്നത്‌.

ഒപ്പം കണ്ണില്‍ നിന്നും വെള്ളം വരുക. ചുമക്കുക, ചൊറിച്ചില്‍ എന്നിവയും പതിയെ കാഴ്‌ചക്കുറവും വന്നുചേരുന്നു. ഇന്ത്യയിലെ വന്‍നഗരങ്ങളിലെ മൂന്നുശതമാനം മുതല്‍ നാലുശതമാനംവരെ ആളുകളിലും കണ്ണുകള്‍ വരളുന്നതുമൂലമുണ്ടാകുന്ന രോഗങ്ങള്‍ കാണുന്നുണ്ട്‌.

തൊഴില്‍ ജന്യരോഗമെന്ന്‌ ഈ അസുഖത്തെയും വിളിക്കാം. ഐടി മേഖല വളരാന്‍ തുടങ്ങിയതോടെയാണത്രേ ആളുകളില്‍ നേത്രസംബന്ധമായ ഇത്തരം അസുഖങ്ങളും കൂടുതലായി കാണാന്‍ തുടങ്ങിയത്‌.

അടുത്ത പേജില്‍....
രോഗം തടയാന്‍ ഇത്രയും ചെയ്യാം

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.