തേനൂറുന്ന ചില കാര്യങ്ങള്‍

പ്രമേഹരോഗികള്‍ക്ക്‌ മധുരമുളള എന്തെങ്കിലും കഴിക്കാമെങ്കില്‍ അത്‌ ശുദ്ധമായ തേന്‍ മാത്രമാണ്‌. തേന്‍ ഒരു ആഹാര പദാര്‍ത്ഥമായും ഔഷധമായും ഉപയോഗിക്കുന്നു. ഫ്രൂട്ട്ക്കോസ്-38% ,ഗ്ലൂക്കോസ്-31%, സുക്രോസ്-1% ജലം-17% തുടങ്ങിയവയാണ് തേനിലെ പ്രധാന ഘടകങ്ങള്‍.

ഇതിനു പുറമേ, തേനില്‍ ഇരുന്പ്, ചെന്പ്, മാംഗനീസ്‌, പൊട്ടാഷ്യം, സോഡിയം, ഫോസ്‌ഫറസ്‌, പ്രോട്ടീന്‍സ്‌, വൈറ്റാമിനുകള്‍ എന്നിവ അടങ്ങിയിരിക്കുന്നു. തേനീച്ച വിവിധ തരം ഔഷധ ഗുണമുളള പൂക്കളുടെ തേന്‍ സംഭരിക്കുന്നതിനാല്‍ തേനിന്നും ഈ ഗുണങ്ങള്‍ കണ്ടുവരുന്നു.

തേന്‍ എട്ടു തരമുണ്ട്‌. മാഷിക്‌(കട്ടീച്ചത്തേന്‍), ഭ്രാമരം (കടന്നല്‍ തേന്‍), കഷൗദ്രം(ഈച്ചത്തേന്‍), പൗത്തികം(ചീറ്റിച്ചത്തേന്‍),ഛിത്രം, ആര്‍ഘ്യം, ഔദ്ദാര്‍ലകം, ദാലം എന്നിവയാണിവ.

തേനിന്റെ ഫലപ്രദവും ചെലവു കുറഞ്ഞതുമായ പ്രയോഗങ്ങള്‍ നോക്കൂ.

രക്തസമ്മര്‍ദ്ദത്തിന്‌- കൈകൊണ്ട ഔഷധമാണ്‌ തേന്‍. തലക്കറക്കം അനുഭവപ്പെട്ടാല്‍ ഉടന്‍ അര ഔണ്‍സ്‌ ശുദ്ധമായ തേനില്‍ അത്രയും വെളളവും ചേര്‍ത്ത്‌ ഉപയോഗിച്ചാല്‍ തലകറക്കം ഉടന്‍ മാറുകയും ഉന്മേഷം കൈവരിക്കുകയും ചെയ്യും. ഇങ്ങനെ ദിവസവും രണ്ടു പ്രാവശ്യം-അതിരാവിലെയും രാത്രി ആഹാരത്തിനു ശേഷവും കഴിച്ചു കൊണ്ടിരുന്നാല്‍ പ്രഷര്‍ ഉണ്ടാകില്ല. ഇനി ഉണ്ടായാലും അത്‌ സഹിക്കാനുളള കരുത്ത്‌ രോഗിക്കുണ്ടാവും.

പ്രമേഹത്തിന്‌- അര ഔണ്‍സ്‌ നെല്ലിക്കാനീരില്‍ അര ഔണ്‍സ്‌ തേനൊഴിച്ച്‌ ഒരു നുളളു മഞ്ഞള്‍പ്പൊടിയും ചേര്‍ത്ത്‌ അതിരാവിലെ സേവിച്ചാല്‍ പ്രമേഹരോഗികള്‍ക്ക്‌ ഒരു ടോണിക്കിന്റെ ഫലം ചെയ്യും.

മുഖസൗന്ദര്യത്തിന്‌-തേന്‍ ദിവസവും കാലത്ത്‌ മുഖത്തു പുരട്ടി വെയില്‍ കൊണ്ടാല്‍ മുഖത്തെ കറുപ്പ്‌, ചൊറി മുതലായവ മാറി സനന്ദര്യം വര്‍ദ്ധിക്കും.

തീപ്പൊളളലിന്‌- തീപൊളളിയാലുടന്‍ ശുദ്ധമായ തേന്‍ ധാര ചെയ്യുക, പൊളളുകയില്ല. കൂടാതെ 15 മിനിട്ടിനകം നീറ്റലും അവസാനിക്കും.തീപൊളളിയ ശേഷവും തേന്‍ ഉപയോഗിക്കാം. വ്രണം കഴുകി വെടിപ്പാക്കി ഉണക്കി തുടച്ച്‌ നീക്കിയശേഷം തേന്‍ ഇടുക.

കാന്‍സറിന്‌-തേന്‍ നിത്യവും ഉപയോഗിച്ചാല്‍ കാന്‍സര്‍ ഉണ്ടാക്കില്ലെന്നാണ്‌ ഗവേഷക ഫലങ്ങള്‍ വെളിപ്പെടുത്തുന്നത്‌.

തേന്‍ കൊണ്ട്‌ സ്വാദിഷ്ടമായതും എളുപ്പം തയ്യാറാക്കാവുന്നതുമായ ഒരു വിഭവം ചുവടെ ചേര്‍ക്കുന്നു. പ്രമേഹ രോഗികള്‍ക്കും ഇത്‌ കഴിക്കാം.

മില്‍ക്ക്‌ ആന്റ്‌ ഹണി ബ്രഡ്‌

ചേരുവകള്‍

• പാല്‍-ഒരു കപ്പ്‌
• തേന്‍-2/3 കപ്പ്‌
• വെണ്ണ-1/4 കപ്പ്‌
• ബേക്കിങ്‌ പൗഡര്‍-1 കപ്പ്‌
• മൈദ-1 1/2 കപ്പ്‌
• മുട്ട-2 എണ്ണം
• ഗോതമ്പ്‌-1 കപ്പ്‌
• ടോസ്റ്റഡ് വീറ്റ് ജേം -1/2 കപ്പ്‌
• നെടുകെ പിളര്‍ന്ന വാള്‍നട്ട് -1 കപ്പ്‌

തയ്യാറാക്കുന്ന വിധം
പാലില്‍ തേന്‍ ചേര്‍ത്ത്‌ ചൂടാക്കുക. തേന്‍ പാലില്‍ നല്ലവണ്ണം അലിഞ്ഞതിനു ശേഷം വെണ്ണ ചേര്‍ത്ത് ഇളക്കുക. പിന്നീട്‌ ഈ കൂട്ട്‌ ചൂടാറി തുടങ്ങുമ്പോള്‍ മുട്ട ചേര്‍ത്ത്‌ നന്നായി പതപ്പിക്കുക. മൈദയും ഗോതമ്പും ബേക്കിങ്‌ പൗഡറും ്‌അരിപ്പയിലിട്ട്‌ തെളളിയെടുക്കുക. ഇതിലേയ്‌ക്ക്‌ വീറ്റ്‌ ജെര്‍ം ഇട്ടശേഷം ഈ കൂട്ട്‌ പാല്‍ മിശ്രതിതത്തിലേയ്‌ക്ക്‌ ചേര്‍ക്കുക, ഇതോടൊപ്പം വാള്‍നട്ട് കൂട്ടി എല്ലാം നന്നായി കലര്‍ത്തിയ ശേഷം വെണ്ണ പുരട്ടിയ പാത്രത്തിലേയ്‌ക്ക്‌ ഒഴിക്കുക. 325 ഡിഗ്രി ചൂടില്‍ ഒരു മണിക്കൂര്‍ നേരം കേക്ക്‌ പാനില്‍ വേവിക്കുക.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.