മട്ടന്‍ ആരോഗ്യത്തിനു ദോഷമോ, നന്നോ ?

Updated: Tuesday, July 28, 2015, 12:14 [IST]

മട്ടന്‍ നോണ്‍ വെജ്‌ കഴിയ്‌ക്കുന്ന പലരുടേയും ഇഷ്ടവിഭവമാണ്‌.

ചുവന്ന ഇറച്ചിയെങ്കിലും ഇത്‌ ബീഫ്‌, പോര്‍ക്ക്‌ പോലുള്ള മറ്റു ചുവന്ന മാംസങ്ങളേക്കാള്‍ ആരോഗ്യകരമാണ്‌.

വൈറ്റമിനുകള്‍, മിനറലുകള്‍ തുടങ്ങിയ ധാരാളം ഘടകങ്ങള്‍ ഇതിലുണ്ട്‌. അണ്‍സാച്വറേറ്റഡ്‌ ഫാറ്റ്‌ അടങ്ങിയിരിയ്‌ക്കുന്നതു കൊണ്ട്‌ നല്ല കൊളസ്‌ട്രോള്‍ തോതുയര്‍ത്താനും ഇത്‌ ഗുണകരമാണ്‌.

ആട്ടിറച്ചിയുടെ ആരോഗ്യഗുണങ്ങളെക്കുറിച്ചു കൂടുതലറിയൂ

ഹൃദയാരോഗ്യത്തിന്

ഇതില്‍ സാച്വറേറ്റഡ് ഫാറ്റ് കുറവും അണ്‍സാച്വറേറ്റഡ് ഫാറ്റ് കൂടുതലുമാണ്. ഇതുകൊണ്ടുതന്നെ ഹൃദയാരോഗ്യത്തിന് നല്ലതാണ്.

നല്ല കൊളസ്‌ട്രോള്‍

അണ്‍സാച്വറേറ്റഡ് ഫാറ്റ് അടങ്ങിയിരിയ്ക്കുന്നതു കൊണ്ടുതന്നെ ഇത് നല്ല കൊളസ്‌ട്രോള്‍ ഉയര്‍ത്താന്‍ ഏറെ നല്ലതാണ്.

തടി കുറയ്ക്കാന്‍

ഇതിലെ കൊഴുപ്പിന്റെ തോത് കുറവാണ്. മാത്രമല്ല, പ്രോട്ടീന്‍ അടങ്ങിയിരിയ്ക്കുന്നതു കൊണ്ടുതന്നെ ഇത് വിശപ്പു കുറയ്ക്കാന്‍ സഹായിക്കുകയും ചെയ്യും. ഇതുവഴി ആട്ടിറച്ചി തടി കുറയ്ക്കാന്‍ സഹായിക്കും.