ആലിയ ഭട്ട്, കോസ്‌മോപോളിറ്റന്‍ കവറില്‍

By Super

Updated: Friday, November 6, 2015, 10:31 [IST]

ബോളിവുഡിന്‍റെ പ്രിയങ്കരിയായ ആലിയ ഭട്ട് വിചിത്ര സ്വഭാവിയായ സ്കൂള്‍ കുട്ടിയുടെ വേഷത്തില്‍ പ്രശസ്തയാണ്. തന്‍റെ പതിനെട്ടാമത്തെ വയസിലാണ് ആലിയ ബോളിവുഡിലെ താരമായി മാറിയത്.

ആലിയയുടെ സംവിധായകനായ പിതാവും, സിനിമാ പശ്ചാത്തലവും സിനിമ പ്രവേശനത്തിന് കാരണമായെങ്കിലും ഹൈവേ, 2 സ്റ്റേറ്റ്സ് തുടങ്ങിയ ചിത്രങ്ങളില്‍‌ ആലിയയുടെ അഭിനയ മികവ് കാണാനാവും. കരണ്‍ ജോഹറിന്‍റെ നിര്‍മ്മാണവും, ഉന്മാദകരമായ പശ്ചാത്തല സംഗീതവും ആലിയയുടെ ആദ്യ ചിത്രമായ സ്റ്റുഡന്‍റ് ഓഫ് ദി ഇയറിന് ഏറെ ശ്രദ്ധ നേടിക്കൊടുത്തു.

ഈ ചിത്രത്തില്‍ ആലിയ സുന്ദരിയായി കാണപ്പെട്ടെങ്കിലും, ഒരു നടിയെന്ന നിലയില്‍ ആലിയക്ക് സ്ഥാനം നേടിക്കൊടുത്തത് ഹൈവേയാണ്. ഒരു പെണ്‍കുട്ടിയുടെ വ്യക്തി സ്വഭാവങ്ങളും, ലളിതമായ അഭിമുഖങ്ങളും ആലിയയെ ഒരു കുട്ടിയെപ്പോലെയാണ് തോന്നിപ്പിക്കുക. എന്നാല്‍ കോസ്മോപൊളിറ്റന്‍ മാസികയുടെ ഒക്ടോബറിലെ കവര്‍ ചിത്രം കണ്ടതോടെ ഇതില്‍ മാറ്റം വന്നു.

മുഖചിത്രത്തില്‍ ആലിയ തികച്ചും ആകര്‍ഷകയായി കാണപ്പെടുന്നു. ഒറ്റവരിയില്‍ ഒതുക്കിപ്പറഞ്ഞാല്‍ ആലിയ ആത്മവിശ്വാസത്തിന്‍റെയും സൗന്ദര്യത്തിന്‍റെയും തികഞ്ഞ ഉദാഹരണമായി കാണപ്പെടുന്നു.