Lakmé Fashion Week X FDCI 2023: ആരംഭ ദിനത്തില്‍ ഷോസ്‌റ്റോപ്പറായി നേഹധൂപിയ:

FDCI x Lakme ഫാഷന്‍ വീക്ക് മാര്‍ച്ച് 9-ന് വ്യാഴാഴ്ച ഉച്ചക്ക് 12 മണിക്ക് മുംബൈയില്‍ ആരംഭിച്ചു. Gennext 2023 വിജയികളായ KoAi, Hiro, KoyToy, രുദ്രാക്ഷ് ദ്വിവേദി എന്നിവര്‍ FDCI x Lakmé ഫാഷന്‍ വീക്കില്‍ തങ്ങളുടെ ഐക്കണിക് ബ്രാന്‍ഡുകള്‍ അവതരിപ്പിച്ച് കൊണ്ട് പ്രശസ്ത താരം നേഹ ധൂപിയയെ ഷോസ്‌റ്റോപ്പര്‍ ആയി അവതരിപ്പിച്ചു. ഇതോട് കൂടിയാണ് ഈ ഫാഷന്‍ മാമാങ്കത്തിന് തുടക്കം കുറിച്ചത്. മാര്‍ച്ച് 12 ഞായറാഴ്ച വരെ നീളുന്ന ഈ ഫാഷന്‍ മാമാങ്കത്തിന് ലോകത്തിന്റെ നിരവധി കോണില്‍ നിന്നും പ്രശസ്തരായ നിരവധി പേരാണ് എത്തിയിരിക്കുന്നത്. ഷോസ്‌റ്റോപ്പറായതിന് ശേഷം മാധ്യമങ്ങളുമായി നടത്തിയ ചര്‍ച്ചക്കിടെ തന്റെ ഫാഷന്‍ എന്നത് മാതൃത്വത്തെ ചുവട് പിടിച്ചുള്ളതാണ് എന്ന് നേഹ ധൂപിയ പറഞ്ഞു. മോഡലിംഗ് ആരംഭിച്ച സമയം എങ്ങനെയുള്ളതായിരുന്നു എന്നും, തനിക്ക് ഈ രംഗത്തേക്ക് വരാന്‍ പ്രചോദനമായവരേയും അവര്‍ അനുസ്മരിച്ചു. ഇത് കൂടാതെ വരാനിരിക്കുന്ന എല്ലാ പുതിയ ഡിസൈനര്‍മാര്‍ക്കും വിജയാശംസകള്‍ പറയുന്നതിനും അവര്‍ മറന്നില്ല.

FDCI x Lakme ഫാഷന്‍ വീക്കില്‍ INIFD ലോഞ്ച്പാഡിന്റെ ഷോസ്റ്റോപ്പറായിരുന്നു നേഹ ധൂപിയ. ഇവരുടെ ലുക്ക് തന്നെ വളരെയധികം വ്യത്യസ്തതകള്‍ നിറഞ്ഞതായിരുന്നു. സ്റ്റേറ്റ്മെന്റ് സ്ലീവ് ഉള്ള വെള്ള മാക്സി ഡ്രസ് ആയിരുന്നു അവരെ വ്യത്യസ്തയാക്കിയത്. ഇത് കൂടാതെ ഇതിനോടൊപ്പം പ്രിന്റുകളുള്ള ഹിപ് ബെല്‍റ്റ് കൂടി ഉണ്ടായിരുന്നു. ഫാഷന്‍ സെന്‍സില്‍ ഒന്നു കൂടി മുന്നിലെത്തുന്നതായിരുന്നു കഴുത്തിലെ ലെയേര്‍ഡ് നെക് പീസ്.

ഷോസ്‌റ്റോപ്പറായതിന് ശേഷം മാധ്യമങ്ങളോട് സംസാരിച്ച നേഹധൂപിയ അമ്മയായതിന് ശേഷം തന്റെ ഫാഷന്‍ സെന്‍സ് മാറിയെന്നും ഇപ്പോള്‍ തനിക്ക് ചിന്തിക്കാനാകുന്നതിനേക്കാള്‍ മാറ്റങ്ങള്‍ തനിക്ക് സംഭവിച്ചു എന്നും ഇവര്‍ പറഞ്ഞു. കൂടാതെ താന്‍ മോഡലിംഗ് രംഗത്തേക്ക് വന്നപ്പോള്‍ കാര്യങ്ങളെല്ലാം തന്നെ വ്യത്യസ്തമായിരുന്നു.

എന്നാല്‍ ഇന്നത്തെ കാര്യങ്ങള്‍ വളരെയധികം മാറ്റങ്ങള്‍ ഉള്ളതാണ്. മാത്രമല്ല താന്‍ ധരിച്ച വസ്ത്രത്തില്‍ ബെല്‍റ്റ് മാത്രം തിരികെ നല്‍കുമെന്നും ബാക്കിയുള്ളവ താന്‍ സൂക്ഷിക്കുമെന്നുമാണ് നേഹ പറഞ്ഞത്. ഹിപ് ബെല്‍റ്റ് എന്നത് ഒരു വിഭാഗത്തതിന്റെ അധ്വാനത്തിന്റേയും കഠിനാധ്വാനത്തിന്റേയും ഫലമാണ് എന്നതുകൊണ്ടാണ് അത് തിരികെ നല്‍കുന്നത് എന്നാണ് ഇവര്‍ വ്യക്തമാക്കിയത്.