മമിത ബൈജുവിന്റെ 4 കിടിലൻ സാരി ലുക്കുകൾ

യുവ നായികമാരിൽ ഏറ്റവും കൂടുതൽ ആരാധകരുള്ള ഒരു നടിയാണ് മമിത ബൈജു. അഭിയത്തിൽ മാത്രമല്ല, തന്റെ ഫാഷൻ സെൻസിലും വളരെ ലാളിത്യം കാത്തു സൂക്ഷിക്കുന്ന ഒരു നടികൂടിയാണ് മമിത ബൈജു(Mamitha Baiju). അമിതമായി മേയ്ക്കപ്പില്ലാതെ, നാച്വറൽ ബ്യൂട്ടി എടുത്ത് കാണിക്കുന്ന മേയ്ക്കപ്പും, ഡ്രെസ്സിം​ഗ് സെൻസുമാണ് മമിതയുടെത്. ഏത് മേയ്ക്കോവറിലും തന്റെതായ ഒരു ഐഡന്റിറ്റി നിലനിർത്താൻ ഈ താരത്തിന് സാധിക്കാറുണ്ട്. ഏത് ലുക്കിലും അതിമനോഹരിയാകുന്ന മമിതയുടെ നാല് സാരിലുക്കുകളിതാ!

ബ്ലാക്കിന്റെ റാണി

ബ്ലാക്കിൽ ഓഫ് വൈറ്റ് ത്രെഡ് വർക്കും, ഇതിനിടയിൽ പിങ്ക് ബീഡ്സ് വർക്കും ചെയ്തെടുത്തിരിക്കുന്ന സാരിയിൽ ഒരു എല​ഗന്റ് ലുക്കാണ് താരത്തിനുള്ളത്. സാരിയിലെ വർക്ക് ഹെവിയായതിനാൽ തന്നെ വളരെ ലളിതമായ മേയ്ക്കപ്പാണ് ഇവിടെ താരം തിരഞ്ഞെടുത്തിരിക്കുന്നത്. കമ്മലും വളകളൊന്നും ഇല്ലാതെ, ഇരു കൈവിരലുകളിലും ഒരു ഹെവി എന്ന് തോന്നിപ്പിക്കുന്ന മോതിരം മാത്രം അണിഞ്ഞിരിക്കുന്നു. സാരിയുടെ ഭം​ഗി ഒട്ടും ചോരാത്ത വിധത്തിലാണ് ഹെയറും സ്റ്റൈൽ ചെയ്തിരിക്കുന്നത്. സാരിക്ക് ചേരുന്ന വിധത്തിൽ ന്യൂഡ് മേയ്ക്കപ്പാണ് തിരഞ്ഞെടുത്തിരിക്കുന്നത്. നെയിൽ പോളീഷും പേസ്റ്റൽ ഷേയ്ഡാണ് തിരഞ്ഞെടുത്തിരിക്കുന്നത്.

ബ്രൈഡൽ ലുക്ക്

ഇതിൽ താരം ഒരു ഹെവി ബ്രൈഡൽ ഓർ​ഗൻസ സാരിയാണ് അണിഞ്ഞിരിക്കുന്നത്. ഇളം പിങ്ക് നിറത്തിലുള്ള സാരിയിൽ ഫ്ലോറൽ പ്രിന്റിം​ഗും ബീഡ്സ് വർക്കും ചെയ്തിരിക്കുന്നു. സാരിക്ക് ചേരുന്ന വിധത്തിലാണ് മുടി സ്റ്റൈൽ ചെയ്തിരിക്കുന്നത്. ഹൈനെക്ക് ബ്ലൈസായതിനാൽ തന്നെ ആഭരണങ്ങളുടെ ആഭരണങ്ങളും പരിമിതമാണ്. സാരിയുടെ ഭം​ഗി ഹൈലൈറ്റ് ചെയ്യുന്ന വിധത്തിലുള്ള ന്യൂഡ് മേയ്ക്കപ്പാണ് താരണം തിരഞ്ഞെടുത്തിരിക്കുന്നത്. ഇതിനു ചേരുന്ന പേസ്റ്റൽ ഷേയ്ഡ് ലിപ്സ്റ്റിക്കും ഭം​ഗി വർദ്ധിപ്പിക്കുന്നു.

ട്രെഡീഷ്ണൽ ലുക്ക്

ചുവപ്പും വെള്ളയും കളർ കോമ്പിനേഷൻ ട്രെഡീഷ്ണൽ ലുക്കിനെ ഹൈലൈറ്റ് ചെയ്യുന്നു. സാരിയിലെ പാറ്റേണും അതിനൊത്ത് സിംപിളായിട്ടുള്ള പ്ലെയിൻ വൈറ്റ് കളർ ബ്ലൗസുമാണ് ഇതിൽ തിരഞ്ഞെടുത്തിരിക്കുന്നത്. സാരിയ്ക്ക് ചേരുന്ന വിധത്തിൽ ലോം​ഗ് ബ്ലാക്ക്മെറ്റൽ ജുംക്കയും അണിഞ്ഞിരിക്കുന്നു. മുടി വളരെ നാച്വറൽ ഫീലിൽ പുറകിലോട്ട് കെട്ടി അതിൽ പൂവ് ചൂടിയിരിക്കുന്നു. കൂടാതെ, ഈ ലുക്കിന് ചേരുന്ന മേയ്ക്കപ്പാണ് താരം തിരഞ്ഞെടുത്തിരിക്കുന്നത്. കണ്ണിന്റെ ഭം​ഗി കൂട്ടാൻ കണ്ണെഴുതിയിട്ടുണ്ട്. ഇത് ഈ ലുക്കിന്റെ സൗന്ദര്യം വർദ്ധിപ്പിക്കുന്നു. ഒപ്പം സാരിയ്ക്ക് ചേരുന്ന ചുവപ്പ് പൊട്ടും സൗന്ദര്യം വർദ്ധിപ്പിക്കുന്നു.

ഡബിൾ ഷേയ്ഡ്

ഡബിൾ ഷേയ്ഡിലും പാറ്റേണിലുമുള്ള ഒരു ഹാഫ് സാരി ഫീൽ നൽകുന്ന സാരിയാണ് താരം ഇതിൽ അണിഞ്ഞിരിക്കുന്നത്. ലൈറ്റ് പച്ചയും ഡാർക്ക് പച്ചയും ഇടകലർന്ന ഒരു കോമ്പിനേഷൻ. ഈ രണ്ട് പച്ചകളിൽ നിന്നും വ്യത്യസ്തമായി ഒരു എമറാൾഡ് ​ഗ്രീൻ എന്ന് വിശേഷിപ്പിക്കാവുന്ന നിറത്തിലുള്ള ഫുൾ സ്ലീവ് ബ്ലൗസാണ് ഇതിന്റെ കൂടെ പെയർ ചെയ്തിരിക്കുന്നത്. പച്ച നിറത്തിലുള്ള ​ഗോൾഡൻ മാലയും ഇതിന്റെ കൂടെ അണിഞ്ഞിരിക്കുന്നു. സാരിയ്ക്ക് ചേരുന്ന വിധത്തിലുള്ള ഹെയർ സ്റ്റൈലും മേയ്ക്കപ്പുമാണ് ഇതിലും താരം തിരഞ്ഞെടുത്തിരിക്കുന്നത്.

Image Credit: Instagram