നിങ്ങളുടെ സിൽക്ക് സാരിയുടെ ചാരുത നിലനിർത്തുന്നതിനുള്ള അവശ്യ പരിചരണ നുറുങ്ങുകൾ

സില്‍ക്ക് സാരികള്‍ പലര്‍ക്കും അമൂല്യ നിധിയാണ്. അവ സുന്ദരവും കാലാതീതവുമാണ്. എന്നിരുന്നാലും, അവയുടെ സൗന്ദര്യം നിലനിര്‍ത്താന്‍ പ്രത്യേക ശ്രദ്ധ ആവശ്യമാണ്. നിങ്ങളുടെ സില്‍ക്ക് സാരി പരിപാലിക്കുന്നതിനുള്ള ചില ടിപ്പുകള്‍ ഇതാ.

സില്‍ക്ക് സാരി എപ്പോഴും തണുത്തതും ഉണങ്ങിയതുമായ സ്ഥലത്ത് സൂക്ഷിക്കുക. നേരിട്ട് സൂര്യപ്രകാശം ഏല്‍ക്കുന്നത് ഒഴിവാക്കുക, കാരണം ഇത് നിറം മങ്ങാന്‍ ഇടയാക്കും. സാരി പൊതിഞ്ഞുവെക്കാന്‍ കോട്ടണ്‍ അല്ലെങ്കില്‍ മസ്ലിന്‍ തുണി ഉപയോഗിക്കുക. പൊടിയില്‍ നിന്നും ഈര്‍പ്പത്തില്‍ നിന്നും സംരക്ഷിക്കാന്‍ ഇത് സഹായിക്കുന്നു.

നിങ്ങളുടെ സില്‍ക്ക് സാരി പ്ലാസ്റ്റിക് ബാഗുകളില്‍ സൂക്ഷിക്കരുത്. പ്ലാസ്റ്റിക്കിന് ഈര്‍പ്പം ഉണ്ടാക്കും, ഇത് പൂപ്പലിനും നാശത്തിനും ഇടയാക്കും. പകരം, വായുസഞ്ചാരമുള്ള, തുണികൊണ്ടുള്ള കവറുകള്‍ ഉപയോഗിക്കുക.

ചുളിവുകള്‍ ഒഴിവാക്കാന്‍ നിങ്ങളുടെ സില്‍ക്ക് സാരി ശ്രദ്ധാപൂര്‍വ്വം മടക്കുക. സ്ഥിരമായ വകരള്‍ തടയാന്‍ ഓരോ മാസവും മടക്കുകള്‍ മാറ്റുക.

സില്‍ക്ക് സാരികള്‍ വൃത്തിയാക്കുന്നതിനുള്ള ഏറ്റവും നല്ല ഓപ്ഷന്‍ ഡ്രൈ ക്ലീനിംഗ് ആണ്. വെള്ളം തുണി് കേടുവരുത്തും എന്നതിനാല്‍ അവ വീട്ടില്‍ കഴുകുന്നത് ഒഴിവാക്കുക. കഴുകുകയാണെങ്കില്‍, തണുത്ത വെള്ളവും വീര്യം കുറഞ്ഞ ഡിറ്റര്‍ജന്റും ഉപയോഗിക്കുക.

നേരിട്ടുള്ള ചൂട് ഒഴിവാക്കുക

നിങ്ങളുടെ സില്‍ക്ക് സാരിയില്‍ നേരിട്ട് ചൂടേല്‍ക്കരുത്. ഇരുമ്പുമായി നേരിട്ട് സമ്പര്‍ക്കം വരാതിരിക്കാന്‍ ഒരു തുണി മുകളിലിട്ട് ഇത് അയേണ്‍ ചെയ്യുക. ഇത് ഫാബ്രിക്ക് കത്തുന്നതോ കേടുവരുത്തുന്നതോ തടയുന്നു.

പെര്‍ഫ്യൂമുകളും ഡിയോഡറന്റുകളും ഒഴിവാക്കുക

നിങ്ങളുടെ സില്‍ക്ക് സാരിയില്‍ നേരിട്ട് പെര്‍ഫ്യൂമുകളോ ഡിയോഡറന്റുകളോ സ്‌പ്രേ ചെയ്യരുത്. രാസവസ്തുക്കള്‍ തുണിക്ക് കേടുവരുത്തുകയും നിറവ്യത്യാസത്തിന് കാരണമാവുകയും ചെയ്യും. സാരി ധരിക്കുന്നതിന് മുമ്പ് ശരീരത്തില്‍ ഇവ ഉപയോഗിക്കാം.

്പുതുമ നിലനിര്‍ത്താന്‍ സില്‍ക്ക് സാരി ഇടക്കിടെ അലമാരയില്‍ നിന്നും പുറത്തെടുത്ത് ഷേഡുള്ള സ്ഥലത്ത് കുറച്ച് മണിക്കൂറുകള്‍ തൂക്കിയിടുക. ഇത് ദുര്‍ഗന്ധം ഉണ്ടാക്കുന്നത് തടയുന്നു.

സിലിക്ക ജെല്‍ പായ്ക്കുകള്‍

ഈര്‍പ്പം ആഗിരണം ചെയ്യാന്‍ നിങ്ങളുടെ സ്റ്റോറേജ് ഏരിയയില്‍ സിലിക്ക ജെല്‍ പായ്ക്കുകള്‍ സ്ഥാപിക്കുക. ഇത് പൂപ്പല്‍ തടയാനും നിങ്ങളുടെ സില്‍ക്ക് സാരി ഫ്രഷ് ആയി നിലനിര്‍ത്താനും സഹായിക്കുന്നു.

കനത്ത ആഭരണങ്ങള്‍ ഒഴിവാക്കുക

പട്ടുസാരിയോടൊപ്പം കനത്ത ആഭരണങ്ങള്‍ ധരിക്കുമ്പോള്‍ ശ്രദ്ധിക്കുക. ആഭരണങ്ങളുടെ മൂര്‍ച്ചയുള്ള അരികുകള്‍ അതിലോലമായ തുണിയില്‍ നൂലുപൊന്താന്‍ കാരണമാകും. അല്ലെങ്കില്‍ കൊളുത്തിവലിഞ്ഞ് കീറുകയും ചെയ്യാം.