സ്ത്രീകള്‍ക്കിടയില്‍ തരംഗമായി മോഡേണ്‍ ക്യാറ്റ്-ഐ സണ്‍ഗ്‌ളാസ്

ചൂട് കനത്തതോടെ സണ്‍ഗ്ലാസ് ധരിക്കുന്നവരുടെ എണ്ണം വര്‍ധിച്ചു. ചൂട് ഒരു കാരണം മാത്രം, അല്ലെങ്കിലും സണ്‍ഗ്‌ളാസ്സ് പ്രേമികളുടെ എണ്ണം വളരെ കൂടുതലാണ്. ഫാഷന്റെ പ്രധാന പ്രതീകങ്ങളിലൊന്നാണ് സണ്‍ഗ്ലാസുകള്‍. അതിനാല്‍ തന്നെ ബ്രാന്‍ഡഡ് സണ്‍ഗ്ലാസുകള്‍ ഓഫ്ലൈനിലും ഓണ്‍ലൈനിലും ഒരുപോലെ വിപണി പിടിച്ചു മുന്നേറുകയാണ്. സണ്‍ഗ്ലാസുകള്‍ പല തരത്തിലും ഭാവത്തിലും ഉണ്ടെങ്കിലും 2024 ലെ താരം മോഡേണ്‍ ക്യാറ്റ്-ഐ സണ്‍ഗ്ലാസ് ആണ്.

ക്യാറ്റ്-ഐ സണ്‍ഗ്ലാസ്

മോഡേണ്‍ ക്യാറ്റ്-ഐ സണ്‍ഗ്ലാസ് എന്നാല്‍ പൂച്ചയുടെ തീഷ്ണമായ കണ്ണുകള്‍ക്ക് തുല്യമായ സണ്‍ഗ്ലാസ് എന്നര്‍ത്ഥം. ഒരേ സമയം സ്‌റ്റൈലും പ്രൗഢിയും നല്‍കുന്ന ഒന്നാണിത്. കറുത്ത ക്യാറ്റ്-ഐ സണ്‍ഗ്ലാസും ലെതര്‍ ജാക്കറ്റും ധരിച്ച അനിയ ടെയ്ലര്‍-ജോയ് എന്ന മോഡലിന്റെ ചിത്രങ്ങള്‍ അതിവേഗമാണ് ഇന്റര്‍നെറ്റില്‍ തരംഗമായി മാറിയത്.1920-കളില്‍ ആര്‍ട്ടിസ്റ്റ് അല്‍റ്റിന ഷിനാസി മിറാന്‍ഡ ആദ്യമായി കണ്ടുപിടിച്ച നീണ്ട കണ്ണുകളുടെ ആകൃതിയുള്ളതും അറ്റം മുകളിലേക്ക് ഉയര്‍ന്നതുമായ ക്യാറ്റ്-ഐ ഫ്രേമുകള്‍ക്ക് പതിറ്റാണ്ടുകളുടെ പാരമ്പര്യമുണ്ട്.

എന്നാല്‍ കാല്‍നൂറ്റാണ്ടുകള്‍ക്ക് ശേഷം ഇപ്പോഴാണ് ക്യാറ്റ്-ഐ ഫ്രേമുകള്‍ തരംഗമാകുന്നത്. പ്രിയങ്ക ചോപ്ര, ദീപിക പദുകോണ്‍ എന്നിവര്‍ ഇന്ത്യയില്‍ ക്യാറ്റ്-ഐ സണ്‍ഗ്ലാസിന്റെ ആരാധകരാണ്.ഏത് തരാം മുഖാകൃതി ഉള്ളവര്‍ക്കും ചേരും എന്നതാണ്.ഏത് കാലാവസ്ഥയ്ക്കും അനുയോജ്യമായ ഒരു സ്‌റ്റൈല്‍ കൂടി ഇതിനുണ്ട്. ലെതര്‍ വസ്ത്രങ്ങള്‍, ആക്സസറീസ് എന്നിവയ്ക്ക് ചേരുന്ന ഒന്നാണ് ഇത്.

സൂര്യപ്രകാശത്തില്‍ നിന്ന് സംരക്ഷണം

സൂര്യപ്രകാശത്തില്‍ നിന്ന് സംരക്ഷണം നല്‍കുന്നതിന് പുറമെ, പൂച്ച കണ്ണടകള്‍ ഇഷ്ടപ്രകാരം കസ്റ്റമൈസ് ചെയ്‌തെടുക്കുന്നതിനുള്ള അവസരങ്ങളും ഇന്ന് ലഭ്യമാണ്. പല ബ്രാന്‍ഡുകളും അതിനുള്ള സൗകര്യം ഒരുക്കി നല്‍കുന്നു. സ്ത്രീകള്‍ക്കിടയില്‍ മാത്രമാണ് ക്യാറ്റ്-ഐ സണ്‍ഗ്‌ളാസ് തരംഗമാകുന്നത്. പുരുഷന്മാര്‍ക്ക് ചേരുന്ന ഒരു സ്‌റ്റൈല്‍ അല്ല ഇതിനുള്ളത്. 80-കളുടെ അവസാനത്തിലും 90-കളിലും ജനിച്ചവര്‍ക്ക് വിന്റേജ് ഗ്ലാസുകള്‍ ധരിക്കുന്നത് വ്യോപകമായിരുന്നു. അടക്കിന്റെ ഒരു തുടര്‍ച്ചയായി വേണം ഇതിനെ കാണാന്‍.

മറ്റു സണ്‍ഗ്‌ളാസുകളില്‍ നിന്നും വ്യത്യസ്തമായി, ശുഭാപ്തിവിശ്വാസം, ആത്മവിശ്വാസം എന്നിവ പ്രദാനം ചെയ്യുന്ന ഒന്നാണ് മോഡേണ്‍ ക്യാറ്റ്-ഐ സണ്‍ഗ്‌ളാസ്. പൂച്ചയുടെ കണ്ണ് ഇപ്പോഴും സന്തോഷവും ശാന്തതയും നിറഞ്ഞതാണ് അതിനാല്‍ അതിന്റെ പ്രതിഫലനം അതെ മാതൃകയിലുള്ള സണ്‍ഗ്‌ളാസിലും കാണാം എന്നാണ് ഫാഷന്‍ പ്രേമികള്‍ പോലും വിശ്വസിക്കുന്നത് .മാത്രമല്ല, സര്‍ഗ്ഗാത്മകതയും ദയയും വര്‍ദ്ധിപ്പിക്കാന്‍ ഇതിന് കഴിയും എന്നുമൊക്കെ ചില ഫാഷന്‍ പ്രേമികള്‍ പറയുന്നുണ്ട്. എന്നാല്‍ അതില്‍ എത്രമാത്രം കാര്യമുണ്ടെന്നു അറിയില്ല. . പരമ്പരാഗതമായി, പൂച്ചയുടെ കണ്ണ് ധരിക്കുന്നയാളെ ദുരാത്മാക്കളില്‍ നിന്ന് സംരക്ഷിക്കുമെന്ന് വിശ്വസിക്കപ്പെടുന്നത് കൊണ്ട് മാത്രം ഈ ആകൃതിയുള്ള കണ്ണടകള്‍ ഇഷ്ടപ്പെടുന്നവരുമുണ്ട്. വൃത്താകൃതിയിലുള്ള മുഖത്തിന് ആണ് ഈ കണ്ണടകള്‍ കൂടുതല്‍ അനുയോജ്യം. ഇത്തരം മുഖം ഉള്ളവര്‍ക്ക് ബോള്‍ഡ് ലുക്ക് ലഭിക്കാന്‍ ഈ കണ്ണട സഹായിക്കുന്നു.

Disclaimer : ഇവിടെ നല്‍കിയിരിക്കുന്ന വിവരങ്ങള്‍ ഇന്റര്‍നെറ്റില്‍ നിന്ന് ലഭിച്ച പൊതുവായ അനുമാനങ്ങളുടെയും വിവരങ്ങളുടെയും അടിസ്ഥാനത്തിലാണ്. മലയാളം ബോള്‍ഡ്സ്‌കൈ ഇത് സ്ഥിരീകരിക്കുന്നില്ല. ഇത്തരം കാര്യങ്ങള്‍ ചെയ്യുന്നതിന് മുന്‍പ് വിദഗ്ധന്റെ ഉപദേശം സ്വീകരിക്കേണ്ടതാണ്.