Year - Ender 2022: നയന്‍താര- ആലിയഭട്ട് വരെ താരങ്ങള്‍ അണിഞ്ഞൊരുങ്ങിയ 2022

ആലിയ ഭട്ട്

സിനിമാ ലോകം ഏറെ പ്രതീക്ഷയോടെയാണ് ഈ ദിനത്തിന് വേണ്ടി കാത്തിരുന്നത്. രണ്‍ബീര്‍ കപൂറുമായുള്ള ആലിയ ഭട്ടിന്റെ വിവാഹം ഏറെ നാള്‍ നീണ്ട് നിന്ന പ്രണയത്തിന് അവസാനമായിരുന്നു. ഏപ്രില്‍ 14-നായിരുന്നു വിവാഹം. അടുത്ത കുടുംബാംഗങ്ങളുടേയും ബന്ധുക്കളുടേയും സാന്നിധ്യത്തില്‍ ആണ് ഇവര്‍ വിവാഹിതരായത്. ആലിയയുടെ വെഡ്ഡിംങ് ലുക്ക് എന്ത് കൊണ്ടും സോഷ്യല്‍ മീഡിയയില്‍ ട്രെന്‍ഡിംങ് തന്നെയായിരുന്നു. സബ്യസാചി മുഖര്‍ജിയുടെ എംബ്രോയ്ഡറി ചെയ്ത വെളുത്ത നിറത്തിലുള്ള സാരിയാണ് ആലി വിവാഹ ദിനത്തില്‍ തിരഞ്ഞെടുത്തത്. കൂടാതെ സ്വര്‍ണ്ണവും വെള്ളയും എംബ്രോയ്ഡറി ചെയ്ത ദുപ്പട്ടയും അതിനോട് ഇണങ്ങുന്നതായിരുന്നു. കുന്ദന്‍ ആഭരണങ്ങളും ആലിയയെ വ്യത്യസ്തയാക്കി ഈ ദിനത്തില്‍.

നയന്‍താര

തമിഴ് സിനിമാ ലോകം മാത്രമല്ല ഇന്ത്യന്‍ സിനിമ തന്നെ കാത്തിരുന്ന വിവാഹമായിരുന്നു നയന്‍താരയുടേത്. ലേഡി സൂപ്പര്‍സ്റ്റാര്‍ എന്ന പദവിക്ക് എന്തുകൊണ്ടും അര്‍ഹയെന്ന് തെളിയിച്ച വ്യക്തിയാണ് പ്രിയതാരം നയന്‍താര. ജൂണ്‍ 9 ന് നടന്ന ചടങ്ങിലാണ് നയന്‍താരയും വിഘ്നേഷ് ശിവനും വിവാഹിതരായത്. ജീവിതത്തില്‍ എന്ന പോലെ തന്നെ വിവാഹലുക്കിന്റേ കാര്യത്തിലും നയന്‍സ് കുറച്ചധികം സര്‍പ്രൈസുകള്‍ ഒരുക്കിയിരുന്നു. മോണിക്കയുടെയും കരിഷ്മയുടെയും ജെഎഡിയില്‍ നിന്നുള്ള ലെയ്‌സും സീക്വിന്‍ എംബ്രോയ്ഡറി ചെയ്ത സാരിയായിരുന്നു ഇവരുടെ വിവാഹ ലുക്കിന്റെ ഏറ്റവും വലിയ പ്രത്യേകതയും. അനുയോജ്യമായ ഫ്‌ലോര്‍ സ്വീപ്പിംഗ് ട്രെയിന്‍ ദുപ്പട്ടയും ഇവര്‍ ധരിച്ചിരുന്നു. കൂടാതെ മരതകവും വജ്രവും പതിച്ച നെക്ലേസ്, ചേരുന്ന കമ്മലുകള്‍, ടിക്ക, വളകള്‍, മോതിരങ്ങള്‍, പാദസരം എന്നിവ കൊണ്ട് അപ്‌സരസ്സിനെ പോലെ സുന്ദരിയായി നയന്‍താര വിവാഹ ദിനത്തില്‍.

കരിഷ്മ തന്ന

ഫെബ്രുവരി 5-ന് നടന്ന വളരെ ചുരുക്കം പേര്‍ പങ്കെടുത്ത ഒരു ചടങ്ങിലാണ് കരിഷ്മ വിവാഹിതയായത്. വരുണ്‍ ബംഗേരയെയാണ് കരിഷ്മ വിവാഹം കഴിച്ചത്. ഫാല്‍ഗുനി ഷെയ്ന്‍ പീക്കോക്കിന്റെ വളരെ സോഫ്റ്റായ പിങ്ക് ലെഹംഗയാണ് ഇവര്‍ വിവാഹത്തിന് ധരിച്ചത്. സാധാരണ വിവാഹങ്ങളില്‍ ഉപയോഗിക്കുന്ന ചുവപ്പ് നിറം ഒഴിവാക്കിയാണ് ഈ നിറം തിരഞ്ഞെടുത്തത്. ഇത് കൂടാതെ ചോക്കറും മാലയും ഹാത്ത് ലൂഫ് വളകളും ഇവര്‍ ധരിച്ചിരുന്നു. മിനിമല്‍ മേക്കപ്പില്‍ വളരെയധികം സുന്ദരിയായാണ് ഈ ദിനത്തില്‍ കരിഷ്മയെ കാണപ്പെട്ടത്.

മൗനി റോയ്

2022 ജനുവരി മാസത്തിലാണ് ഗോവയില്‍ വെച്ച് മൗനി റോയ് മലയാളിയായ സൂരജ് നമ്പ്യാരെ വിവാഹം കഴിച്ചത്. കേരളീയ രീതിയിലും ബംഗാളി രീതിയിലും വിവാഹം നടത്തിയിരുന്നു. അതുകൊണ്ട് തന്നെ രണ്ട് ലുക്കിലും മൗനി റോയ് അണിഞ്ഞൊരുങ്ങി. ബംഗാളി ലുക്കിനായി വധു സബ്യസാചി മുഖര്‍ജിയുടെ മനോഹരമായ ചുവന്ന ലെഹംഗയാണ് ധരിച്ചത്. എന്നാല്‍ കേരളീയത്തനിമ നിലനിര്‍ത്തുന്നതിന് വേണ്ടി ഇവര്‍ ചുവന്ന നിറത്തില്‍ ബോര്‍ഡര്‍ വരുന്ന തൂവെള്ള പട്ടു സാരിയാണ് ധരിച്ചത്. അതിനനുസരിച്ചുള്ള പരമ്പരാഗത രീതിയിലുള്ള ആഭരണങ്ങളും ഇവര്‍ ധരിച്ചിരുന്നു.

ഷിബാനി ദണ്ഡേക്കര്‍

ഷിബാനി ദണ്ഡേക്കറും ഫര്‍ഹാന്‍ അക്തറും ഫെബ്രുവരി 19 ന് അവരുടെ അടുത്ത സുഹൃത്തുക്കളുടെയും കുടുംബാംഗങ്ങളുടെയും സാന്നിധ്യത്തിലാണ് വിവാഹിതരായത്. ഷിബാനിയുടെ വിവാഹ വസ്ത്രം അപ്പോള്‍ തന്നെ വാര്‍ത്തകളിലും ഇന്റര്‍നെറ്റിലും തരംഗമായിരുന്നു. ചുവപ്പും ബീജ്‌ലെയ്‌സ് എംബ്രോയ്ഡറിയും ചേര്‍ന്ന ഈ വസ്ത്രത്തിന് ആരാധകര്‍ വളരെ കൂടുതലായിരുന്നു. പിന്നീട് ഫാഷന്‍ ട്രെന്‍ഡില്‍ മികച്ച ഒരു സ്ഥാനം തന്നെ ഈ വസ്ത്രത്തിന് ലഭിച്ചു. നീളമുള്ള ചുവന്ന ദുപ്പട്ടയും ഇവര്‍ ധരിച്ചിരുന്നു. മിനിമല്‍ ലുക്കില്‍ വളരെ കുറച്ച് ആഭരണങ്ങള്‍ മാത്രം ധരിച്ച് ഷിബാനി തന്റെ സ്‌പെഷ്യല്‍ ദിനത്തില്‍ കൂടുതല്‍ സുന്ദരിയായി.

റിച്ച ചദ്ദ

ഈ വര്‍ഷം ഒക്ടോബറിലാണ് റിച്ച ചദ്ദയും അലി ഫസലും വിവാഹിതരായത്. അബു ജാനി സന്ദീപ് ഖോസ്ല ഒരുക്കിയ രാജകീയ ഷരാരയില്‍ വളരെയധികം സുന്ദരിയായി കാണപ്പെട്ടു. അതിന് ഇണങ്ങുന്ന മനോഹരമായ ദുപ്പട്ടയും വസ്ത്രത്തിന്റെയും വധുവിന്റേയും മാറ്റുകൂട്ടി. കൂടാതെ മിനിമല്‍ മേക്കപ്പിലും ഒരു ക്ലാസിക് ഹെയര്‍ ബണ്‍ ലുക്കിലും വളരെ പ്രത്യേകതയോടെ റിച്ച കാണപ്പെട്ടു.. പരമ്പരാഗതമായ മൂക്കുത്തി,, കമ്മലുകള്‍, ഒരു ചോക്കര്‍ നെക്ലേസ്, അതിനെല്ലാം ഇണങ്ങുന്ന തരത്തിലുള്ള വളകള്‍ എന്നിവയില്‍ റിച്ച വളരെ സുന്ദരിയായിരുന്നു.