പനീര്‍ കാലിമിര്‍ച് തയ്യാറാക്കാം

പനീര്‍ കാലിമിര്‍ച് കുരുമുളകു ചേര്‍ത്തുണ്ടാക്കുന്ന പനീര്‍ വിഭവമാണ്. ഉണ്ടാക്കാന്‍ എളുപ്പമായ ഈ വിഭവം സ്വാദേറിയതുമാണ്.

പനീര്‍ കാലിമിര്‍ച് എങ്ങനെയുണ്ടാക്കാമെന്നു നോക്കൂ,

പനീര്‍-കാല്‍ കിലോ
സവാള-2
ഗ്രാമ്പൂ-2
ഏലയ്ക്ക-2
കറുവാപ്പട്ട-ഒരു കഷ്ണം
ഇഞ്ചി-വെളുത്തുള്ളി-
പച്ചമുളകു പേസ്റ്റ്- 1 ടേബിള്‍ സ്പൂണ്‍
തൈര്‌-3 ടേബിള്‍ സ്പൂണ്‍
മല്ലിപ്പൊടി-1 ടീസ്പൂണ്‍
ജീരകപ്പൊടി-മുക്കാല്‍ ടീസ്പൂണ്‍
കുരുമുളകുപൊടി-1 ടീസ്പൂണ്‍
മുളകുപൊടി-അര ടീസ്പൂണ്‍
മഞ്ഞള്‍-കാല്‍ ടീസ്പൂണ്‍
ക്രീം-1 ടേബിള്‍ സ്പൂണ്‍
ഗരം മസാല-കാല്‍ ടീസ്പൂണ്‍
മല്ലിയില
ഉപ്പ്
ഓയില്‍

സവാള ബ്രൗണ്‍ നിറമാകുന്നതു വരെ വഴറ്റി അരച്ചെടുക്കുക.

ഒരു പാനില്‍ ഓയില്‍ ചൂടാക്കി ഗ്രാമ്പൂ, കറുവാപ്പട്ട, ഏലയ്ക്ക എന്നിവ വഴറ്റുക.

ഇതിലേയ്ക്ക് സവാള പേസ്റ്റ് ചേര്‍ത്തിളക്കണം. പിന്നീട് ഇഞ്ചി-വെളുത്തുള്ളി-പച്ചമുളക് പേസ്റ്റും ചേര്‍ത്തിളക്കണം.

തൈരും ചേര്‍ത്തിളക്കുക.

ഇതിലേയ്ക്ക് മസാലപ്പൊടികളും ഉപ്പും ചേര്‍ത്തിളക്കി അല്‍പസമയം ഇളക്കുക.

പനീര്‍ കഷ്ണങ്ങളാക്കി ചേര്‍ത്തിളക്കാം.

വെന്തു കഴിയുമ്പോള്‍ വാങ്ങി മല്ലിയില ചേര്‍ത്തുപയോഗിയ്ക്കാം.