മൂലി കാ സാഗ് തയ്യാറാക്കാം

റാഡിഷാണ് മൂലി എന്ന ഹിന്ദി പേരില്‍ അറിയപ്പെടുന്നത്. ധാരാളം വെള്ളവും നാരും അടങ്ങിയ ഇത് ക്യാരറ്റിന്റെ വിഭാഗത്തില്‍ പെടുന്ന ഒരു ഭക്ഷ്യവസ്തുവാണ്.

റാഡിഷ് വട തയ്യാറാക്കാം

പല തരത്തിലും റാഡിഷ് കറി വയ്ക്കാം. മൂലി കാ സാഗ് പഞ്ചാബി സ്റ്റൈലിലുള്ള ഒരു കറിയാണ്. ഇതിന്റെ ഇലയോടെ വേണം ഈ കറി തയ്യാറാക്കാന്‍. ഇതെങ്ങനെ തയ്യാറാക്കാമെന്നു നോക്കൂ,

റാഡിഷ് ഇലയോടെ-4
മഞ്ഞള്‍പ്പൊടി-അര ടീസ്പൂണ്‍
മുളകുപൊടി-1 ടീസ്പൂണ്‍

പഞ്ചസാര-1 ടീസ്പൂണ്ൃ
കായം-ഒരു നുള്ള്

ജീരകം-അര ടീസ്പൂണ്‍
കടുക്-അര ടീസ്പൂണ്‍
ഡ്രൈ മാംഗോ പൗഡര്‍-1 ടീസ്പൂണ്‍
ഉപ്പ്
എണ്ണ

റാഡിഷ് കഴുകി പുറംതൊലി കളഞ്ഞ് ഇലയടക്കം തീരെ ചെറിയ കഷ്ണങ്ങളാക്കി നുറക്കുക.

ഇതില്‍ അല്‍പം ഉപ്പു ചേര്‍ത്തിളക്കുക. അല്‍പം കഴിയുമ്പോള്‍ ഇതില്‍ നിന്നും ഊറി വരുന്ന വെള്ളം ഊറ്റിക്കളയാം. കയ്പു നീക്കാനാണിത്.

ഒരു പാനില്‍ എണ്ണ തിളപ്പിയ്ക്കുക. ഇതില്‍ കടുകും ജീരകവും മൂപ്പിയ്ക്കുക.

കായം, മസാലപ്പൊടികള്‍ എന്നിവ ചേര്‍ത്തിളക്കുക.

അരിഞ്ഞു വച്ചിരിയ്ക്കുന്ന റാഡിഷ് ഇതിലേയ്ക്കു ചേര്‍ത്തിളക്കി ആവശ്യമെങ്കില്‍ അല്‍പം വെള്ളം ചേര്‍ത്തു വേവിയ്ക്കാം.

വെള്ളം വറ്റിക്കുറുകുമ്പോള്‍ വാങ്ങാം.