ഗോബി 65 തയ്യാറാക്കാം

ഗോബി അഥവാ കോളിഫളവര്‍ പലതരം വിഭവങ്ങളുണ്ടാക്കാവുന്ന ഒന്നാണ്‌. ഗോബി 65 ഒരു ഡ്രൈ വിഭവമാണ്‌. ഒരു ചൈനീസ്‌ വിഭവമാണിത്‌.

ഗോബി 65 എങ്ങനെ തയ്യാറാക്കാമെന്നു നോക്കൂ,

കോളിഫ്‌ളവര്‍-കഷ്‌ണങ്ങളാക്കി മുറിച്ചത്‌
തൈര്‌-100എംഎല്‍
ഇഞ്ചി-വെളുത്തുള്ളി പേസ്റ്റ്‌-2 ടീസ്‌പൂണ്‍
കോണ്‍ഫ്‌ളോര്‍-2 ടേബിള്‍ സ്‌പൂണ്‍
ഗരം മസാല പൗഡര്‍-1 ടേബിള്‍ സ്‌പൂണ്‍
മുളകുപൊടി-1 ടീസ്‌പൂണ്‍
കുരുമുളകുപൊടി-അര ടീസ്‌പൂണ്‍
ഉപ്പ്‌
എണ്ണ

കോളിഫ്‌ളര്‍ വെള്ളത്തിലിട്ടു പകുതി വേവിയ്‌ക്കുക.

കോണ്‍ഫ്‌ളോര്‍, തൈര്‌, ഇഞ്ചി-വെളുത്തുള്ളി പേസ്റ്റ്‌, മുളകുപൊടി, ഗരം മസാല പൗഡര്‍, കുരുമുളകുപൊടി എന്നിവ കലര്‍ത്തുക. ഇത്‌ പാകത്തിനു വെള്ളമൊഴിച്ചു മിശ്രിതമാക്കണം.

കോളിഫ്‌ളവര്‍ ഇതില്‍ മുക്കി വറുത്തെടുക്കുക.

ഇതില്‍ സെലറി, മല്ലിയില എന്നിവ ചേര്‍ക്കാം.