ബേബി കോണ്‍ പെപ്പര്‍ ഫ്രൈ

ബേബി കോണ്‍ പെപ്പര്‍ ഫ്രൈ എളുപ്പം ഉണ്ടാക്കാവുന്ന ഒരു സൈഡ് ഡിഷാണ്. കുരുമുളകാകട്ടെ, ആരോഗ്യത്തിനും നല്ലതാണ്.

ഫ്രൈ ആണെങ്കിലും എണ്ണയില്‍ വറുത്തു കോരിയുണ്ടാക്കുന്ന വിഭവമമല്ലിത്.

ബേബി കോണ്‍ പെപ്പര്‍ ഫ്രൈ എങ്ങനെയുണ്ടാക്കാമെന്നു നോക്കൂ,

ബേബി കോണ്‍-10
സവാള-1
വെളുത്തുള്ളി-6
മുളകുപൊടി-അര ടീസ്പൂണ്‍
കുരുമുളകുപൊടി-ഒന്നര ടേബിള്‍ സ്പൂണ്‍
ഉപ്പ്
കടുക്
ജീരകം
എണ്ണ
മല്ലിയില

ബേബി കോണ്‍ കഴുകി വട്ടത്തിലോ നീളത്തിലോ മുറിയ്ക്കുക

അല്‍പം ഉപ്പു ചേര്‍ത്ത് ഇത് വേവിച്ചെടുക്കണം.കുക്കറിലാണെങ്കില്‍ രണ്ടു വിസില്‍ വന്നാല്‍ മതി.

ഒരു പാനില്‍ എണ്ണ ചൂടാക്കുക. ഇതില്‍ കടുകും ജീരകവും പൊട്ടിയ്ക്കുക.

വെളുത്തുള്ളി ചതച്ചോ ചെറുതായി അറിഞ്ഞോ ചേര്‍ക്കാം.

ഇതിലേയ്ക്കു സവാള ചേര്‍ത്തു വഴറ്റുക. പിന്നീട് മസാലപ്പൊടികള്‍ ചേര്‍ത്തിളക്കാം.

ഇതിലേയ്ക്ക് വേവിച്ചു വച്ചിരിയ്ക്കുന്ന ബേബി കോണ്‍ ചേര്‍ത്തിളക്കുക.

അല്‍പം കഴിഞ്ഞ് മല്ലിയില ചേര്‍ത്തിളക്കി വാങ്ങാം. മലബാര്‍ സ്റ്റൈല്‍ ചിക്കന്‍ കറി തയ്യാറാക്കൂ