സ്റ്റഫ്ഡ് മഷ്‌റൂം തയ്യാറാക്കാം

ആരോഗ്യത്തിന് ചേര്‍ന്ന നല്ലൊന്നാന്തരം ഭക്ഷണമാണ് കൂണ്‍ അഥവാ മഷ്‌റൂം. ഇതുകൊണ്ട് പലതരം വിഭവങ്ങളുമുണ്ടാക്കാം.

സ്റ്റഫ്ഡ് മഷ്‌റൂം ഇതുകൊണ്ടുണ്ടാക്കാവുന്ന വ്യത്യസ്തമായ ഒരു വിഭവമായിരിക്കും. ഇതെങ്ങനെയുണ്ടാക്കാമെന്നു നോക്കൂ,

ബട്ടന്‍ മഷ്‌റൂം-10
സവാള-2
ക്യാപ്‌സിക്കം-1
പച്ചമുളക്-2
വെളുത്തുള്ളി-2
ചീസ്-2 ടീസ്പൂണ്‍
ഇറ്റാലിയന്‍ സീസണിംഗ്-1 ടീസ്പൂണ്‍
ബട്ടര്‍-2 ടീസ്പൂണ്‍

സവാള, പച്ചമുളക്, ക്യാപ്‌സിക്കം, വെളുത്തുള്ളി എന്നിവ ചെറുതായി അരിയുക.

മഷ്‌റൂം തണ്ടുകള്‍ നീക്കം ചെയ്ത് നല്ലപോലെ കഴുകിയെടുക്കുക.

തണ്ടുകള്‍ ചെറുതായി അരിയുക.

ഒരു പാന്‍ ചൂടാക്കി ഇതില്‍ ബട്ടര്‍ ഉരുക്കുക. അരിഞ്ഞു വച്ചിരിയ്ക്കുന്ന കൂണ്‍ തണ്ട് ഇതിലിട്ട് 2 മിനിറ്റ് ഇളക്കുക. പിന്നീട് അരിഞ്ഞു വച്ചിരിയ്ക്കുന്ന ബാക്കി ചേരുവകള്‍ ചേര്‍ത്തിളക്കണം.

പച്ചക്കറികള്‍ ഒരുവിധം വെന്തു പാകമാകുമ്പോള്‍ ചീസ്, ഇറ്റാലിയന്‍ സീസണിംഗ് എന്നിവ ചേര്‍ക്കണം. ഇവ നല്ലപോലെ വെന്ത് വെള്ളം വലിഞ്ഞു കഴിയുമ്പോള്‍ വാങ്ങി വയ്ക്കുക.

മൈക്രോവേവ് 400 ഫാരെന്‍ഹീറ്റില്‍ ചൂടാക്കണം.

മഷ്‌റൂം ഈ കൂട്ടില്‍ സ്റ്റഫ് ചെയ്ത് മൈക്രോവേവില്‍ വച്ച് 15-20 മിനിറ്റ് ബേക്ക് ചെയ്‌തെടുക്കുക.

സ്വാദേറിയ സ്റ്റഫ്ഡ് മഷ്‌റൂം തയ്യാര്‍.