സിപിംള്‍ തക്കാളി-സവാള കറി

എളുപ്പത്തില്‍ ഒരു കറിയുണ്ടാക്കേണ്ടി വരുമ്പോള്‍ പലരുടേയും മനസില്‍ വരുന്ന ആദ്യഭക്ഷണ വസ്തുക്കള്‍ തക്കാളിയും സവാളയുമായിരിയ്ക്കും. ദേശഭേദമന്യേ എല്ലാവരും ഉപയോഗിയ്ക്കുന്ന രണ്ടു ഭക്ഷ്യവസ്തുക്കള്‍.

തക്കാളിയും സവാളയും ഉപയോഗിച്ച് വളരെ എളുപ്പത്തില്‍ തയ്യാറാക്കാവുന്ന ഒരു പാചകക്കുറിപ്പു നോക്കൂ, അല്‍പം എരിവുള്ള കറിയാണിത്.

സവാള-2
തക്കാളി-3
പച്ചമുളക്-2
മഞ്ഞള്‍പ്പൊടി-അര ടീസ്പൂണ്‍
മുളകുപൊടി-1 ടീസ്പൂണ്‍
മല്ലിപ്പൊടി-അര ടീസ്പൂണ്‍
ജീരകം-ഒരു നുളള്
ഉപ്പ്
എണ്ണ
കറിവേപ്പില

സവാള, തക്കാളി, പച്ചമുളക് എന്നിവ നുറുക്കി വയ്ക്കുക.

ഒരു പാനില്‍ എണ്ണ തിളപ്പിയ്ക്കണം. ഇതില്‍ ജീരകം പൊട്ടിയ്ക്കുക.

ഇതിലേയ്ക്ക് സവാള ചേര്‍ത്തു വഴറ്റണം. പിന്നീട് തക്കാളിയും പച്ചമുളകും ഉപ്പും കറിവേപ്പിലയും ചേര്‍ത്തിളക്കണം.

ഇത് ഒരുവിധം വഴന്നു വരുമ്പോള്‍ മസാലപ്പൊടികള്‍ ചേര്‍ത്തിളക്കുക.

വേണമെങ്കില്‍ അല്‍പം വെള്ളം ചേര്‍ത്ത് നല്ലപോലെ വേവിച്ചു കുറുക്കിയെടുക്കാം.

കൂടുതല്‍ വിഭവങ്ങള്‍ക്ക് പാചകം പേജിലേയ്ക്കു പോകൂ