പാലക് റെയ്ത്ത തയ്യാറാക്കാം

ഇലക്കറികള്‍ ആരോഗ്യത്തിന് മികച്ചവയാണ്. ഇലക്കറികളില്‍ പെട്ട ഒന്നാണ് പാലക്.

പാലക് ഉപയോഗിച്ച് പല വിഭവങ്ങളും തയ്യാറാക്കാം. പാലക് റെയ്ത്ത പാലക് ഉപയോഗിച്ചു തയ്യാറാക്കാവുന്ന ഒരു സിംപിള്‍ വിഭവമാണ്. ഇത് എങ്ങനെയുണ്ടാക്കാമെന്നു നോക്കൂ,

പാലക്-അര കപ്പ്
തൈര്-ഒന്നര കപ്പ്
പച്ചമുളക്-2
പഞ്ചസാര-ഒരു നുള്ള്
കുരുമുളകുപൊടി-അര ടീസ്പൂണ്‍
ഉപ്പ്

പാലക് ചൂടുവെള്ളത്തില്‍ നല്ലപോലെ കഴുകണം. പിന്നീട് ചെറുതായി അരിയുക.

തൈര് നല്ലപോലെ കലക്കി ബാക്കിയുള്ള എല്ലാ ചേരുവകയും ചേര്‍ത്തിളക്കുക. ഇതിലേയ്ക്ക് അരിഞ്ഞു വച്ചിരിയ്ക്കുന്ന പാലക് ഇലകള്‍ ചേര്‍ത്തിളക്കുക.

തണുപ്പിച്ച ശേഷം ഉപയോഗിച്ചാല്‍ വേനലിന് ചേര്‍ന്നൊരു വിഭവമാണിത്.