ആലു മട്ടര്‍ ഫ്രൈ തയ്യാറാക്കാം

ഉരുളക്കിഴങ്ങ് ഉപയോഗിച്ച് പല വിഭവങ്ങളുമുണ്ടാക്കാം. ആലു മട്ടര്‍ ഇത്തരത്തിലുള്ളൊരു വടക്കേയിന്ത്യന്‍ വിഭവമാണ്.

ഉരുളക്കിഴങ്ങ്, ഗ്രീന്‍പീസ് എന്നിവ ഉപയോഗിച്ച് എളുപ്പത്തില്‍ തയ്യാറാക്കാവുന്ന ഈ ആലു മട്ടര്‍ ഫ്രൈ ഒന്നു പരീക്ഷിച്ചു നോക്കൂ,

ഉരുളക്കിഴങ്ങ് -4
ഗ്രീന്‍പീസ്-100 ഗ്രാം
പച്ചമുളക്-6
മഞ്ഞള്‍പ്പൊടി-1 ടീസ്പൂണ്‍
എണ്ണ
ഉപ്പ്

ഉരുളക്കിഴങ്ങ് തൊലി കളഞ്ഞ് കഷ്ണങ്ങളാക്കി വേവിയ്ക്കുക. അല്ലെങ്കില്‍ വേവിച്ച ശേഷം മുറിച്ചാലും മതി.

ഒരു പാനില്‍ എണ്ണ ചൂടാക്കുക. ഇതിലേയ്ക്ക് പച്ചമുളകിടുക. ഇളക്കിയ ശേഷം ഉരുളക്കിഴങ്ങ്, ഗ്രീന്‍പീസ്, ഉപ്പ്, മഞ്ഞള്‍പ്പൊടി എന്നിവ ചേര്‍ത്തിളക്കണം.

ഇത് നല്ലപോലെ ഇളക്കി അടച്ചു വച്ച് വേവിയ്ക്കുക. വെള്ളം ചേര്‍ക്കരുത്. ഉരുളക്കിഴങ്ങ്ും ഗ്രീന്‍പിസും വെന്തു കഴിയുമ്പോള്‍ വാങ്ങി വച്ച് ഉപയോഗിയ്ക്കാം.