ആലൂ-ടമാറ്റര്‍ റെസിപ്പി

ഉരുളക്കിഴങ്ങും തക്കാളിയും എല്ലാ അടുക്കളകളിലേയും ഒരു സ്ഥിര ചേരുവയായിരിക്കും. ഇതു കൊണ്ടുണ്ടാക്കാവുന്ന വിവിധ തരം കറികളുമുണ്ട്‌.

ടമാറ്റര്‍ ഹിന്ദിയില്‍ തക്കാളിയ്‌ക്കു പറയുന്ന പേരാണ്‌. നോര്‍ത്ത്‌ ഇന്ത്യന്‍ സ്‌റ്റൈലില്‍ ഉരുളക്കിഴങ്ങും തക്കാളിയും ചേര്‍ത്ത്‌ ആലൂ ടമാറ്റാര്‍ തയ്യാറാക്കൂ,

ഉരുളക്കിഴങ്ങ്‌-4
തക്കാളി-2
പച്ചമുളക്‌-2
മഞ്ഞള്‍പ്പൊടി-1 ടീസ്‌പൂണ്‍
മുളകുപൊടി-1 ടീസ്‌പൂണ്‍
മല്ലിപ്പൊടി-1 ടീസ്‌പൂണ്‍
ഗരം മസാല-അര ടീസ്‌പൂണ്‍
ജീരകം-അര ടീസ്‌പൂണ്‍
ഉപ്പ്‌
എണ്ണ

ഉരുളക്കിഴങ്ങ്‌ നല്ലപോലെ കഴുകി തൊലി കളഞ്ഞ്‌ നാലായി നുറുക്കുക. ഇത്‌ കുക്കറില്‍ അല്‍പം വെള്ളം ചേര്‍ത്ത്‌ വേവിയ്‌ക്കുക.

ഒരു പാനില്‍ എണ്ണ തിളപ്പിയ്‌ക്കുക. ഇതില്‍ ജീരകമിട്ടു പൊട്ടിയ്‌ക്കുക. ഇതില്‍ തക്കാളി ചേര്‍ത്തിളക്കുക. ഇതില്‍ മഞ്ഞള്‍പ്പൊടി, മുളകുപൊടി എന്നിവ ചേര്‍ത്ത്‌ നല്ലപോലെ ഇളക്കുക. പിന്നീട്‌ പച്ചമുളക്‌, ഗരം മസാല, മല്ലിപ്പൊടി എന്നിവ ചേര്‍ത്തിളക്കണം.

വേവിച്ചു വച്ചിരിയ്‌ക്കുന്ന ഉരുളക്കിഴങ്ങ്‌ നാലായി മുറിച്ച്‌ ഇതില്‍ ചേര്‍ത്തിളക്കി അല്‍പം വെള്ളം ചേര്‍ത്ത്‌ അടച്ചു വച്ച്‌ വേവിയ്‌ക്കാം.

ആലൂ ടമാറ്റര്‍ കറി തയ്യാര്‍