അച്ചാറി ഗോബി തയ്യാറാക്കാം

അച്ചാറി ഗോബി പലപ്പോഴും റെസ്‌റ്റോറന്റ് മെനുവില്‍ കാണുന്ന ഒരു വിഭവമായിരിക്കും. കോളിഫഌവര്‍ കൊണ്ടുണ്ടാക്കുന്ന ഈ വിഭവം നോര്‍ത്തിന്ത്യനാണെന്നു പറയാം.

പുളിയിഷ്ടപ്പെടുന്ന, അല്‍പം വ്യത്യസ്തതയുള്ള കോളിഫഌവര്‍ വിഭവം തയ്യാറാക്കണമെന്നുള്ളവര്‍ക്ക് ഈ അച്ചാറി ഗോബി തയ്യാറാക്കാം.

കോളിഫഌവര്‍ നുറുക്കിയത്-3 കപ്പ്
സവാള അരിഞ്ഞത്-1 കപ്പ്
തക്കാളി പേസ്റ്റ്-2 ടേബിള്‍ സ്പൂണ്‍
ഇഞ്ചി-വെളുത്തുള്ളി പേസ്റ്റ്-1 ടീസ്പൂണ്‍
തൈര്-2 ടേബിള്‍ സ്പൂണ്‍
അച്ചാറി മസാല-1 ടീസ്പൂണ്‍
മുളകുപൊടി-അര ടീസ്പൂണ്‍
ഡ്രൈ മാംഗോ പൗഡര്‍-അര ടീസ്പൂണ്‍
ചെറുനാരങ്ങാനീര്-1 ടേബിള്‍ സ്പൂണ്‍
ഉപ്പ്
എണ്ണ
മല്ലിയില അരിഞ്ഞത്

അച്ചാറി മസാലയ്ക്ക്

ഉണക്കമുളക്-16
മുഴുവന്‍ മല്ലി-1 ടേബിള്‍സ്പൂണ്‍
ചെറിയുള്ളി-2
പെരുഞ്ചീരകം-6 ടീസ്പൂണ്‍
കടുക്-4 ടീ സ്പൂണ്‍
ഉലുവ-2 ടീസ്പൂണ്‍
മഞ്ഞള്‍പ്പൊടി-അര ടീസ്പൂണ്‍
കായം- അര ടീസ്പൂണ്‍
ഡ്രൈ മാംഗോ പൗഡര്‍-2 ടീസ്പൂണ്‍
ജീരകം-4 ടീസ്പൂണ്‍

അച്ചാറി മസാലയ്ക്ക്

ചുവന്ന മുളക്, മല്ലി, ഉള്ളി, പെരുഞ്ചീരകം, കടുക്, ജീരകം എന്നിവ വറുത്തു പൊടിയ്ക്കുക.ബാക്കിയെല്ലാ മസാലകളും ചേര്‍ത്ത് ഒരുമിച്ചു നല്ലപോലെ ഡ്രൈ ആയി പൊടിയ്ക്കുക. ചൂടാറുമ്പോള്‍ പാത്രത്തില്‍ അടച്ച് ഫ്രിഡ്ജില്‍ സൂക്ഷിയ്ക്കാം.

ഒരു പാനില്‍ 2 ടീസ്പൂണ്‍ എണ്ണയൊഴിയ്ക്കുക. കോളിഫഌവര്‍ ഇതിലിട്ട് ഇളം ബ്രൗണ്‍ നിറമാകുന്നതുവരെ വറുത്തെടുക്കുക. ഇത് മാറ്റി വയ്ക്കുക.

പാനിലേയ്ക്ക് അല്‍പം കൂടി എണ്ണയൊഴിച്ച് സവാള ഇളം ബ്രൗണ്‍ നിറമാകുന്നതു വരെ വഴറ്റണം. ഇഞ്ചി-വെളുത്തുള്ളി പേസ്റ്റ് ചേര്‍ത്തിളക്കണം. തക്കാളി പേസ്റ്റും ചേര്‍ക്കുക. പിന്നീട് തൈരും ചേര്‍ത്തിളക്കണം.

ഇതിലേക്ക് പാകത്തിന് അച്ചാറി മസാല, മുളകുപൊടി, ഉപ്പ് എന്നിവ ചേര്‍ത്തിളക്കുക. അല്‍പം വെള്ളവും ചേര്‍ക്കാം. ഇതിലേക്ക് വറുത്ത വച്ച കോളിഫഌവര്‍ ചേര്‍ത്തിളക്കണം. ഇത് അല്‍പനേരം അടച്ചു വച്ച് വേവിയ്ക്കണം.

ചെറുനാരങ്ങാനീര്, ഡ്രൈ മാംഗോ പൗഡര്‍ എന്നിവ ചേര്‍ത്ത് അല്‍പസമയം ഇളക്കിയ ശേഷം വാങ്ങി വച്ച് ചൂടോടെ ഉപയോഗിയ്ക്കാം.