സവാള-തക്കാളി ചട്‌നി

ഇഡ്ഢലിയ്ക്കും ദോശയ്ക്കുമെല്ലാം ഒഴിച്ചു കൂടാനാവാത്ത ഒന്നാണ് ചട്‌നി. ഇന്ത്യയുടെ പല ഭാഗത്തും പല തരത്തിലുള്ള ചട്‌നികള്‍ ഉപയോഗിച്ചു വരുന്നു.

തേങ്ങ, മല്ലിയില വെളുത്തുള്ളി, പുതിന തുടങ്ങി ധാരാളം രീതികളില്‍ ചട്‌നി തയ്യാറാക്കാം. ഇത്തരം ചട്‌നികള്‍ മാറി മാറി പരീക്ഷിച്ചു മടുത്തെങ്കില്‍ സവാളയും തക്കാളിയും ഉപയോഗിച്ചും ചട്‌നി തയ്യാറാക്കാം.

സവാള, തക്കാളി ചട്‌നി എങ്ങനെ തയ്യാറാക്കാമെന്നു നോക്കൂ, തയ്യാറാക്കാന്‍ വളരെ എളുപ്പവുമാണ്.

സവാള-2
തക്കാളി-5
ചുവന്ന മുളക്-3
കടുക്- അര ടീസ്പൂണ്‍
ഉപ്പ്
കറിവേപ്പില

സവാള, തക്കാളി എന്നിവ കഴുകിയ ശേഷം അരിയുക. ഇവയും ചുവന്ന മുളക്, ഉപ്പ് എന്നിവയും ചേര്‍ത്ത് മിക്‌സിയില്‍ അരച്ചെടുക്കണം. വെള്ളം ചേര്‍ക്കാതെ വേണം അരയ്ക്കുവാന്‍.

ഒരു പാനില്‍ വെളിച്ചെണ്ണയൊഴിച്ചു കടുകു പൊട്ടിയ്ക്കുക. ഇതിലേക്ക് അരച്ചു വച്ചിരിയ്ക്കുന്ന ചട്‌നി കൂട്ട് ചേര്‍ത്തിളക്കണം. കറിവേപ്പിലയും ചേര്‍ക്കുക. വെള്ളം അല്‍പം വറ്റിക്കഴിയുമ്പോള്‍ വാങ്ങി വയ്ക്കാം.

ഇ്ഡ്ഢലി, ദോശ എന്നിവയ്‌ക്കൊപ്പം കഴിയ്ക്കുവാന്‍ പറ്റിയ സവാള, തക്കാളി ചട്‌നി തയ്യാര്‍.