ജീര-പനീര്‍ ഫ്രൈ

പാല്‍ ഗുണങ്ങള്‍ ഒത്തിണങ്ങുന്ന ഒരു ഭക്ഷ്യവസ്തുവാണ് പനീര്‍. ഇതുകൊണ്ടുതന്നെ കുട്ടികള്‍ക്ക് ഏറ്റവും നല്ലൊരു ഭക്ഷണവസ്തുവും.

ധാരാളം കാല്‍സ്യം അടങ്ങിയിട്ടുള്ളതു കൊണ്ടുതന്നെ പനീര്‍ ആഹാരത്തില്‍ ഉള്‍പ്പെടുത്തേണ്ടതിന്റെ ആവശ്യകതയും കൂടും.

പനീര്‍ കൊണ്ട് വിവിധ വിഭവങ്ങള്‍ തയ്യാറാക്കാം. ഇതില്‍ കറികളും സ്‌നാക്‌സുകളും ഉള്‍പ്പെടും. പനീറും ജീരകവും ഉപയോഗിച്ച് ജീര, പനീര്‍ ഫ്രൈ തയ്യാറാക്കാം. ഇതെങ്ങനെയെന്നു നോക്കൂ,

പനീര്‍-കാല്‍കിലോ
സവാള-1
ജീരകം-ഒരു ടീസ്പൂണ്‍
ചുവന്ന മുളക്-4
ഉഴുന്ന്-ഒരു സ്പൂണ്‍
മുളകുപൊടി-ഒരു ടീസ്പൂണ്‍
ഉപ്പ്
എണ്ണ

ഒരു പാനില്‍ എണ്ണയൊഴിച്ചു തിളപ്പിയ്ക്കുക. ഇതിലേക്ക് ജീരകം പൊട്ടിയ്ക്കുക. പിന്നീട് മുളകും ചേര്‍ക്കണം. ഇതിനുശേഷം സവാള ചേര്‍ത്തു വഴറ്റണം.

ഇതിലേക്കു മസാലപ്പൊടികള്‍, ഉപ്പ്, കറിവേപ്പില എന്നിവ ചേര്‍ക്കണം.

മുകളിലെ കൂട്ട് നല്ലപോലെ മൂത്തു കഴിയുമ്പോള്‍ ഇതിലേക്ക് പനീര്‍ കഷ്ണങ്ങള്‍ ചേര്‍ത്തിളക്കുക. പാത്രം അടച്ചു വച്ച് വേവിയ്ക്കാം.

വെള്ളം പൂര്‍ണമായും വറ്റി മസാല പനീരില്‍ പിടിച്ചു കഴിയുമ്പോള്‍ വാങ്ങി വച്ച് ചൂടോടെ ഉപയോഗിയ്ക്കാം.