മാധുരി ദീക്ഷിത് അര്‍പിതാ മേത്ത സാരിയില്‍

ബോളിവുഡില്‍ ഒരു കാലത്ത് അരങ്ങു വാണിരുന്ന നടിയായിരുന്നു മാധുരി ദീക്ഷിത്. പല ചിത്രങ്ങളിലൂടെയും നൃത്തരംഗങ്ങളിലൂടെയും പ്രേക്ഷകരുടെ മനസില്‍ സ്ഥാനം നേടിയ സുന്ദരി.

കുടുംബജീവിതത്തിലേക്കു ചേക്കേറി ദീര്‍ഘകാലം വേദിയില്‍ നിന്നും വിട്ടനിന്ന ഇവര്‍ വീണ്ടും അരങ്ങിലേയ്‌ക്കെത്തിയിരിയ്ക്കുകയാണ്. പല ഫാഷന്‍ വേദികളിലും റിയാലിറ്റി ഷോകളിലുമെല്ലാം ഇവര്‍ നിത്യസാന്നിധ്യമാണ്.

പല ഡിസൈര്‍മാരുടേയും സാരികളില്‍ മാധുരിയെ കാണാറുണ്ട്. അടുത്തിടെ പ്രശസ്ത ബോളിവുഡ് ഡിസൈനറായ അര്‍പിത മേത്ത ഡിസൈന്‍ ചെയ്ത സാരിയില്‍ ഇവര്‍ തന്റെ പുതിയ ചിത്രത്തിന്റെ പ്രചരണത്തിനായി ഇവര്‍ ബിഗ് ബോസിന്റെ ഒരു എപ്പിസോഡില്‍ പ്രത്യക്ഷപ്പെട്ടിരുന്നു.

പിങ്ക്-പീച്ച് ഡബില്‍ ഷേഡിലുള്ള സാരിയിലാണ് ഇവര്‍ എത്തിയത്. ബോര്‍ഡറുകളില്‍ ഇളംപച്ചയില്‍ ഗോള്‍ഡന്‍ ഡിസൈനുകള്‍ പിടിപ്പിച്ച സാരിയ്ക്കു കൂടുതല്‍ ഭംഗി നല്‍കിയത് മിറര്‍ വര്‍ക്കുകളുള്ള ബ്ലൗസായിരുന്നു.

വശത്തേയ്ക്കു ചീകിയിട്ട മുടി മാധുരിയ്ക്കു കൂടുതല്‍ ഭംഗിയേകി.