ഐബിഎഫ്ഡബ്ല്യൂ, ഈഷ ഗുപ്ത വേദിയില്‍

ഇന്ത്യന്‍ ബ്രൈഡല്‍ ഫാഷന്‍ വീക്ക് അഞ്ചാം ദിവസം ജെജെ വാല്യ അവതരിപ്പിച്ച ബ്രൈഡല്‍ ഡിസൈനുകളാണ് ശ്രദ്ധ പിടിച്ചു പറ്റിയത്. ജെജെ വാല്യയ്ക്കു വേണ്ടി ബോളിവുഡ് താരം ഈഷ ഗുപതയാണ് വേദിയിലെത്തിയത്.

ഓറഞ്ച്-റെഡ് നിറത്തിലെ ലെഹംഗയിലാണ് ഈഷ ഗുപ്ത എത്തിയത്. ഡീപ് വി നെക്കി പാറ്റേണിലുള്ള ബ്ലൗസ് ഈ വസ്ത്രത്തിന്റെ പ്രത്യേകതയായിരുന്നു. പ്ലെയിന്‍ ബ്ലൗസിന്റെ അരികുകളിലായി ഡിസൈനുകളുണ്ടായിരുന്നു.

ചുവന്ന നിറത്തിലെ ദുപ്പട്ട വസ്ത്രത്തിനു കൂടുതല്‍ ഭംഗിയ നല്‍കി. ഇതിനരികിലെ നേര്‍ത്ത കസവും ശ്രദ്ധേയമായി.

ലെയറുകളിലെ ഒരു നെക്ലേസാണ് ഇവര്‍ കഴുത്തിലണിഞ്ഞിരുന്നത്. ഇതിനു നടുവിലെ റൂബി ആഭരണത്തിന് കൂടുതല്‍ പകിട്ടേകി. ഇടതു കയ്യിലായി മൂന്നു സ്വര്‍ണവളകളും അവര്‍ അണിഞ്ഞിരുന്നു.

പിങ്ക് നിറത്തിലെ ലിപ്സ്റ്റിക്കും വശത്തേയ്ക്കു വകഞ്ഞിട്ട മുടിയും ഈഷയെ ഈ വസ്ത്രത്തില്‍ കൂടുതല്‍ സുന്ദരിയാക്കി.