വെണ്ണയില്‍ തീര്‍ത്ത മാജിക്; മുഖം പാല്‍പോലെ സുന്ദരമാകും!

നല്ല മൃതുലവും, എന്നാല്‍, മനോഹരവുമായ ചര്‍മ്മകാന്തിയ്ക്ക് ഡയറ്റ് മാത്രം പോര. ചര്‍മ്മത്തിന് ബാഹ്യമായ ചില പരിചരണങ്ങള്‍ അനിവാര്യമാണ്. കൃത്യമായ പരിചരണം, കൃത്യമായ ചേരുവകളില്‍ ലഭിച്ചാല്‍ മാത്രമാണ് ചര്‍മ്മത്തിന്റെ അഴക് വര്‍ദ്ധിക്കുകയുള്ളൂ. അത്തരത്തില്‍ അഴകും, മൃദുലതയും വര്‍ദ്ധിപ്പിക്കുന്ന ഒരു ഫേയ്‌സ്പാക്ക് പരിചയപ്പെടാം.

Photo Credit: AI

ചേരുവകള്‍

1 ടേബിള്‍സ്പൂണ്‍- വെണ്ണ
1 ടീസ്പൂണ്‍- ക്യാരറ്റ് നീര്
1 ടീസ്പൂണ്‍ പഞ്ചസ്സാര

തയ്യാറാക്കി ഉപയോഗിക്കേണ്ട വിധം

എല്ലാ ചേരുവകളും നല്ലപോലെ മിക്‌സ് ചെയ്യുക. അതിനുശേഷം മുഖം ക്ലെന്‍സ് ചെയ്യണം. മുഖം ക്ലെന്‍സ് ചെയ്തതിനുശേഷം ഈ ഫേയ്‌സ്പാക്ക് മുഖത്ത് പുരട്ടുക. ചെറിയ രീതിയില്‍ മസാജ് ചെയ്യുക. അതിനുശേഷം കഴുകി കളയാവുന്നതാണ്. കടലപ്പൊടി ഉപയോഗിച്ച് കഴുകി കളയുന്നത് കൂടുതല്‍ നല്ലതായിരിക്കും. മുഖം കഴുകി എടുത്ത് നല്ലപോലെ തുടച്ചതിന് ശേഷം റോസ് വാട്ടര്‍ മുഖത്ത് തടവി കൊടുക്കണം. റോസ് വാട്ടര്‍ ഇല്ലാത്തവര്‍ക്ക് കറ്റാര്‍വാഴ ജെല്‍ മുഖത്ത് തടവി പതുക്കെ മസാജ് ചെയ്യാവുന്നതാണ്. ഇത്തരത്തില്‍ ആഴ്ചയില്‍ ഒരു തവണ വീതം ചെയ്യുന്നത് ചര്‍മ്മം നല്ല മൃദുവാകാനും, സുന്ദരമാകാനും സഹായിക്കുന്നതാണ്.

ഗുണങ്ങള്‍

വെണ്ണ ചര്‍മ്മത്തിനെ മോയ്‌സ്ച്വര്‍ ചെയ്ത് നിലനിര്‍ത്താന്‍ സഹായിക്കുന്നു. അതുപോലെ, മൃദുലമാക്കാനും വളരെയധികം സഹായിക്കുന്നു. ഇതില്‍ ചേര്‍ക്കുന്ന പഞ്ചസ്സാര ചര്‍മ്മത്തില്‍ നിന്നും മൃതകോശങ്ങള്‍ നീക്കം ചെയ്യാന്‍ സഹായിക്കുന്നതാണ്. അതുപോലെ, ക്യാരറ്റ് നീര് ചര്‍മ്മത്തിന് നല്ല തിളക്കം നല്‍കാനും, ചര്‍മ്മത്തില്‍ നിന്നും അഴുക്ക് നീക്കം ചെയ്യാനും. ചര്‍മ്മത്തിന് യുവച്വം നല്‍കാനും സഹായിക്കുന്നു.

ശ്രദ്ധിക്കേണ്ട ചില കാര്യങ്ങള്‍

ഒരൊറ്റ തവണ ഉപയോഗിച്ചാല്‍ കൃത്യമായ ഫലം ലഭിക്കണമെന്നില്ല. അതിനാല്‍ അടുപ്പിച്ച് കുറച്ച് മാസം, ആഴ്ചയില്‍ ഒരു തവണയെങ്കിലും ഈ ഫേയ്‌സ്പാക്ക് ഉപയോഗിക്കാന്‍ ശ്രദ്ധിക്കുക. നല്ല ഗുണനിലവാരമുള്ള ചേരുവകള്‍ ഉപയോഗിക്കാന്‍ പ്രത്യേകം ശ്രദ്ധിക്കുക. അതുപോലെ, മസാജ് ചെയ്യുമ്പോള്‍ അമിതമായി മസാജ് ചെയ്യാതിരിക്കാന്‍ ശ്രദ്ധിക്കുക. പഞ്ചസ്സാര ചേര്‍ത്തിരിക്കുന്നതിനാല്‍ സാവധാനത്തില്‍ മസാജ് ചെയ്യുക. അമര്‍ത്തി മസാജ് ചെയ്യുന്നത് ചര്‍മ്മത്തില്‍ പോറലുകള്‍ സംഭവിക്കുന്നതിന് കാരണമാകുന്നു. ഏതെങ്കിലും ചേരുവകള്‍ അലര്‍ജി ഉണ്ടാക്കുന്നുവെങ്കില്‍ ഫേയ്‌സ്പാക്ക് ഉപയോഗിക്കാതിരിക്കാനും പ്രത്യേകം ശ്രദ്ധിക്കേണ്ടതാണ്.

Disclaimer: ഈ ലേഖനത്തിലെ വിവരങ്ങളും ജ്യോതിഷപരമായ കാര്യങ്ങളും വെറും അറിവിന് വേണ്ടി മാത്രമുള്ളതാണ്. ഈ ലേഖനത്തെ അടിസ്ഥാനമാക്കി സംഭവിക്കുന്ന കഷ്ടനഷ്ടങ്ങള്‍ക്ക് ബോള്‍ഡ്‌സ്‌കൈ ബാധ്യസ്ഥരായിരിക്കുകയില്ല. ഇത്തരം കാര്യങ്ങളില്‍ തീരുമാനം എടുക്കുന്നതിന് മുന്‍പ് വിദഗ്ധരുമായി ആലോചിക്കാന്‍ നിര്‍ദ്ദേശിക്കുന്നു.