For Quick Alerts
ALLOW NOTIFICATIONS  
For Daily Alerts

ചര്‍മ്മം തിളങ്ങും ഇവ കുടിച്ചാല്‍

|

ചര്‍മ്മത്തിന്റെയും മുടിയുടെയും ആരോഗ്യത്തിന് ആവശ്യമായ ഒരു പ്രധാന പോഷകമാണ് വിറ്റാമിന്‍ സി. ചര്‍മ്മത്തിന് ആരോഗ്യവും പ്രതിരോധശേഷിയും നല്‍കുന്നതിനും വിറ്റാമിന്‍ സി ഉത്തമമാണ്. സിട്രസ് പഴങ്ങളിലും പച്ച പച്ചക്കറികളിലും ധാരാളമായി കാണപ്പെടുന്ന വിറ്റാമിന്‍ അസ്ഥികളുടെ ആരോഗ്യത്തിനും ശരീരത്തില്‍ ഇരുമ്പ് ആഗിരണം ചെയ്യുന്നതിനും പ്രധാനമാണ്. ചര്‍മ്മത്തില്‍ കൊളാജന്‍ ഉല്‍പാദനം ഉത്തേജിപ്പിക്കുന്നതിനും ചര്‍മ്മത്തിന്റെ ഗുണനിലവാരം ഉയര്‍ത്തുന്നതിനും ഇത് വളരെ പ്രധാനമാണ്.

Most read: ചര്‍മ്മത്തിന്റെ പോരാളി; വിറ്റാമിന്‍ എ

നിങ്ങളുടെ ദൈനംദിന ഭക്ഷണത്തില്‍ പഴങ്ങളുടെയും പച്ച പച്ചക്കറികളുടെയും ഒരു ഭാഗം ഉള്‍പ്പെടുത്തുന്നത് നിങ്ങള്‍ക്ക് ആവശ്യമായ വിറ്റാമിന്‍ സി പ്രദാനം ചെയ്യുന്നതാണ്. വിറ്റാമിന്‍ സി നമ്മുടെ ശരീരത്താലല്ല നിര്‍മ്മിച്ചിരിക്കുന്നത്. അതിനാല്‍ ഭക്ഷണം പോലുള്ള ബാഹ്യ സ്രോതസ്സുകളിലൂടെ വേണം അവ നേടിയെടുക്കാന്‍. വിറ്റാമിന്‍ സിയുടെ ശുപാര്‍ശിത ഡയറ്ററി അളവ് സ്ത്രീകള്‍ക്ക് 70 മില്ലിഗ്രാമും പുരുഷന്മാര്‍ക്ക് 90 മില്ലിഗ്രാമുമാണ്. നിങ്ങളുടെ ശരീരത്തില്‍ വിറ്റാമിന്‍ സി എത്തുന്നത് ഉറപ്പാക്കാന്‍ നിരവധി മാര്‍ഗങ്ങളുണ്ട്. പഴച്ചാറുകളാണ് അതിലൊന്ന്. ആരോഗ്യകരമായ ചര്‍മ്മത്തിന് വിറ്റാമിന്‍ സി സമ്പന്നമായ ചില പാനീയങ്ങള്‍ നമുക്കു നോക്കാം.

ഓറഞ്ച്, ഇഞ്ചി ഡ്രിങ്ക്

ഓറഞ്ച്, ഇഞ്ചി ഡ്രിങ്ക്

നിങ്ങളുടെ ഭക്ഷണത്തില്‍ ആവശ്യമായ വിറ്റാമിന്‍ സി ലഭിക്കുന്നതിന് മികച്ച പഴങ്ങളില്‍ ഒന്നാണ് ഓറഞ്ച്. ദേശീയ അക്കാദമികളുടെ ഇന്‍സ്റ്റിറ്റ്യൂട്ട് ഓഫ് മെഡിസിന്‍ പറയുന്നത് 100 ഗ്രാം ഓറഞ്ചില്‍ നമുക്ക് ദിവസം വേണ്ട വിറ്റാമിന്‍ സിയുടെ 64 ശതമാനം അടങ്ങിയിരിക്കുന്നു എന്നാണ്. ഓറഞ്ച്, ഇഞ്ചി ഡിറ്റാക്‌സ് പാനീയം നിങ്ങളുടെ ചര്‍മ്മത്തെ മികച്ചതാക്കുന്നതാണ്. ഇതില്‍ ധാരാളം ആന്റിഓക്സിഡന്റ് അടങ്ങിയിട്ടുമുണ്ട്.

ചര്‍മ്മം തിളക്കവും തിളക്കവും ഉള്ളതായി ഈ പാനീയം ഉറപ്പാക്കുന്നു.

മാമ്പഴം- കിവി

മാമ്പഴം- കിവി

ചര്‍മ്മസംരക്ഷണത്തിന് ആവശ്യമായ വിറ്റാമിന്‍ സി നല്‍കുന്ന മറ്റൊരു പഴമാണ് മാമ്പഴം. അമേരിക്കന്‍ ഗവേഷണങ്ങള്‍ പ്രകാരം മാങ്ങയില്‍ വിറ്റാമിന്‍ സിയുടെ 60 ശതമാനം പ്രതിദിന മൂല്യം അടങ്ങിയിരിക്കുന്നു. മാമ്പഴവും കിവി പഴവും ജ്യൂസ് അടിച്ചു കഴിക്കുന്നത് നിങ്ങളുടെ ചര്‍മ്മത്തെ ആരോഗ്യമുള്ളതും മികച്ചതുമാക്കുന്നു.

പുതിന-കിവി ലെമണേഡ്

പുതിന-കിവി ലെമണേഡ്

കിവി, നാരങ്ങ എന്നിവയില്‍ വിറ്റാമിന്‍ സി ധാരാളം അടങ്ങിയിട്ടുണ്ട്. വിറ്റാമിന്‍ സിയുടെ ഏറ്റവും മികച്ച ഉറവിടങ്ങളിലൊന്നാണ് കിവി പഴം. ആരോഗ്യകരമായ ചര്‍മ്മത്തിന് ആവശ്യമായ പോഷകങ്ങള്‍ ഇത് നല്‍കുന്നു. ചര്‍മ്മസംരക്ഷണത്തിനായി ജ്യൂസ് കഴിക്കുന്നവര്‍ക്ക് ഉത്തമമാണ് കിവി പഴവും പുതിനയും അടങ്ങിയ കൂട്ട്.

മാമ്പഴ സൂപ്പ്

മാമ്പഴ സൂപ്പ്

ഇത് സാധാരണ മാമ്പഴ പാനീയത്തിന്റെ ഗുണത്തിലും ഉപരി നിങ്ങളുടെ ചര്‍മ്മത്തിന് നല്‍കുന്നു. രുചികരമായ മാമ്പഴ പള്‍പ്പ്, പഴുത്ത തക്കാളി എന്നിവയും നാരങ്ങാ നീരും കൂട്ടിച്ചേര്‍ന്ന് ഇത് തയാറാക്കാവുന്നതാണ്. ഇത് ധാരാളം വിറ്റാമിന്‍ സി നിങ്ങളുടെ ശരീരത്തിലെത്തിക്കുന്നു. ഈ തണുത്ത സൂപ്പ് വേനല്‍ക്കാലത്ത് നിങ്ങളുടെ പ്രിയപ്പെട്ട വിഭവമാക്കാവുന്നതാണ്.

പൈനാപ്പിള്‍ പന്ന

പൈനാപ്പിള്‍ പന്ന

വിറ്റാമിന്‍ സി അവിശ്വസനീയമാംവിധം അടങ്ങിയ മറ്റൊരു പഴമാണ് പൈനാപ്പിള്‍. യു.എസ്.ഡി.എ ഡാറ്റ പ്രകാരം വിറ്റാമിന്‍ സി - 79 ശതമാനം ഇതില്‍ അടങ്ങിയിട്ടുണ്ട്. ഇന്ത്യയില്‍ വളരെ പ്രചാരമുള്ളതും വറുത്ത ജീരകം, ഉപ്പ്, പഞ്ചസാര എന്നിവ അടങ്ങുന്ന രുചികരമായ പാനീയമാണ് പൈനാപ്പിള്‍ പന്ന.

വിറ്റാമിന്‍ സി യുടെ ചര്‍മ്മ ഗുണങ്ങള്‍

വിറ്റാമിന്‍ സി യുടെ ചര്‍മ്മ ഗുണങ്ങള്‍

ആരോഗ്യകരമായ ശരീരത്തിന് മാത്രമല്ല ആരോഗ്യകരമായ ചര്‍മ്മത്തിനും വിറ്റാമിന്‍ സി പ്രധാനമാണ്. നിങ്ങളുടെ ശരീരത്തിന് ഏറ്റവും മികച്ചതായി പ്രവര്‍ത്തിക്കാന്‍ പലതരം പോഷകങ്ങള്‍ ആവശ്യമാണ്. പക്ഷേ വിറ്റാമിന്‍ സി ഒരു പ്രധാന ഘടകമാണ്. രോഗപ്രതിരോധ ശേഷി വര്‍ദ്ധിപ്പിക്കാനും നിങ്ങളുടെ ചര്‍മ്മത്തെ മെച്ചപ്പെടുത്താനും നിങ്ങളുടെ നിറം പുനരുജ്ജീവിപ്പിക്കാനും പരിരക്ഷിക്കാനുമൊക്കെ ഇത് സഹായിക്കുന്നു. ആരോഗ്യകരമായ ശരീരത്തിന് മാത്രമല്ല ആരോഗ്യകരമായ ചര്‍മ്മത്തിനും വിറ്റാമിന്‍ സി പ്രധാനമാണ്. നിങ്ങളുടെ ശരീരത്തിന് ഏറ്റവും മികച്ചതായി പ്രവര്‍ത്തിക്കാന്‍ പലതരം പോഷകങ്ങള്‍ ആവശ്യമാണ്. പക്ഷേ വിറ്റാമിന്‍ സി ഒരു പ്രധാന ഘടകമാണ്. രോഗപ്രതിരോധ ശേഷി വര്‍ദ്ധിപ്പിക്കാനും നിങ്ങളുടെ ചര്‍മ്മത്തെ മെച്ചപ്പെടുത്താനും നിങ്ങളുടെ നിറം പുനരുജ്ജീവിപ്പിക്കാനും പരിരക്ഷിക്കാനുമൊക്കെ ഇത് സഹായിക്കുന്നു.

സൂര്യതാപം ചെറുക്കുന്നു

സൂര്യതാപം ചെറുക്കുന്നു

ചര്‍മ്മം അള്‍ട്രാവയലറ്റ് രശ്മികള്‍ക്ക് വിധേയമാകുമ്പോള്‍ ഫ്രീ റാഡിക്കലുകള്‍ എന്ന് വിളിക്കുന്ന തന്മാത്രകള്‍ കോശങ്ങളെയും കൊളാജനെയും ആക്രമിക്കുന്നു. നിങ്ങളുടെ ചര്‍മ്മത്തിനെ മികച്ചതാക്കുന്ന ഘടകങ്ങളാണിത്. ഇത് ചര്‍മ്മത്തില്‍ വീക്കം വര്‍ദ്ധിപ്പിക്കുകയും ചുളിവുകള്‍, സൂര്യതാപം, ചര്‍മ്മ കാന്‍സര്‍ എന്നിവയിലേക്ക് നയിക്കുകയും ചെയ്യും. ശക്തമായ ആന്റിഓക്സിഡന്റുകള്‍ വിറ്റാമിന്‍ സിയില്‍ അടങ്ങിയതിനാല്‍ ഒരു പോരാളിയെപ്പോലെ നിങ്ങളുടെ ചര്‍മ്മത്തെ അത് സംരക്ഷിക്കുന്നു. ഇത് ഫ്രീ റാഡിക്കലുകളെ നനിര്‍വീര്യമാക്കി ചര്‍മത്തെ തളര്‍ത്തുന്ന ഘടകങ്ങളെ കുറയ്ക്കുകയും ചെയ്യുന്നു.

ചര്‍മ്മത്തിന് കരുത്ത്

ചര്‍മ്മത്തിന് കരുത്ത്

ചര്‍മ്മത്തിന്റെ കരുത്തു നിലനിര്‍ത്താന്‍ വിറ്റാമിന്‍ സി സഹായിക്കുന്നു. ചര്‍മ്മത്തിലെ നേര്‍ത്ത വരകളുടെ രൂപം കുറയ്ക്കുന്നതിനൊപ്പം പുതിയ കൊളാജന്‍ ഉണ്ടാക്കുന്ന ഫൈബ്രോബ്ലാസ്റ്റുകള്‍ എന്ന കോശങ്ങള്‍ സജീവമാക്കാന്‍ വിറ്റാമിന്‍ സി ഉത്തമമാണ്. ഇതിലൂടെ ചര്‍മ്മത്തിന്റെ ഉപരിതലം മൃദുവും ദൃഢവുമാകുന്നു.

ആരോഗ്യമുള്ള ചര്‍മ്മം

ആരോഗ്യമുള്ള ചര്‍മ്മം

മുറിവുകള്‍, പൊള്ളല്‍, മറ്റ് പരിക്കുകള്‍ എന്നിവയിലൂടെ കേടുവന്ന ചര്‍മ്മം നന്നാക്കാന്‍ വിറ്റാമിന്‍ സിയുടെ സഹായം ആവശ്യമാണ്. ചര്‍മ്മത്തിന്റെ ഉപരിതലത്തില്‍ മുറിവ് അടയ്ക്കാന്‍ ആവശ്യമായ കെരാറ്റിനോസൈറ്റുകള്‍ രൂപപ്പെടുന്നതിലും വിറ്റാമിന്‍ സി ഒരു പങ്ക് വഹിക്കുന്നു. നിങ്ങളുടെ ചര്‍മ്മത്തില്‍ ആവശ്യമായ വിറ്റാമിന്‍ സി ഉള്ളത് ചര്‍മ്മത്തെ പുനരുജ്ജീവിപ്പിക്കാന്‍ സഹായിക്കുന്നു.

പ്രായമാകുന്ന അടയാളങ്ങള്‍ മായ്ക്കുന്നു

പ്രായമാകുന്ന അടയാളങ്ങള്‍ മായ്ക്കുന്നു

ഫൈബ്രോബ്ലാസ്റ്റുകള്‍ ഉത്തേജിപ്പിക്കുന്നതിലൂടെ വിറ്റാമിന്‍ സി കൊളാജന്‍ ഉല്‍പാദനത്തെ പ്രേരിപ്പിക്കുന്നു. ഇത് മികച്ച ചര്‍മ്മ രൂപം മെച്ചപ്പെടുത്താന്‍ സഹായിക്കുന്നു. വിറ്റാമിന്‍ കൊളാജന്റെ തകര്‍ച്ചയെ മന്ദീഭവിപ്പിക്കാനും ചര്‍മ്മത്തിന്റെ ഘടന സംരക്ഷിക്കാനും സഹായിക്കുന്നു. വിറ്റാമിന്‍ സി ബാഹ്യമായി ഉപയോഗിക്കുന്നതിന്റെ ഫലങ്ങള്‍ ഗവേഷകര്‍ കണ്ടെത്തിയതാണ്. പഠനത്തില്‍ പങ്കെടുത്തവരില്‍ വിറ്റാമിന്‍ സി ഉല്‍പന്നം ഉപയോഗിച്ച ഭാഗത്ത് ചുളിവുകള്‍ കുറയുന്നത് ഉള്‍പ്പെടെ നിരീക്ഷിച്ചിട്ടുള്ളതാണ്.

ചര്‍മ്മത്തിന് നിറം നല്‍കുന്നു

ചര്‍മ്മത്തിന് നിറം നല്‍കുന്നു

വിറ്റാമിന്‍ സിയുടെ എല്‍-അസ്‌കോര്‍ബിക് ആസിഡ് രൂപം മെലാനിന്‍ എന്ന പിഗ്മെന്റിന്റെ അമിത ഉല്‍പാദനത്തെ തടയുന്നു. ഇത് കാലക്രമേണയുള്ള ഹൈപ്പര്‍ പിഗ്മെന്റേഷന്‍ എന്നറിയപ്പെടുന്ന തവിട്ട് പാടുകള്‍ ലഘൂകരിക്കാന്‍ സഹായിക്കുന്നതാണ്.

English summary

Vitamin C- Rich Drink Recipes For Healthy Skin

Here we talking about the vitamin c rich drink recipes for healthy skin. Read on.
Story first published: Tuesday, January 7, 2020, 16:38 [IST]
X