നിറം വയ്ക്കാന്‍ സ്‌പെഷല്‍ കരിഞ്ചീരക എണ്ണ

ഇതിനായി വേണ്ടത്

ഇതിനായി വേണ്ടത് 2 കപ്പ് കരിഞ്ചീരകമാണ്. ഇതില്‍ വെള്ളമൊഴിച്ച് 4 മണിക്കൂര്‍ ഇതു കുതിര്‍ത്തു വയ്ക്കുക. ഇതില്‍ ഒന്നര തേങ്ങയും ചേര്‍ക്കാം. ഇതു ചിരകിയെടുക്കുക. തേങ്ങാ കൂടിയാലും കുഴപ്പമില്ല. കൂടുതല്‍ നല്ലതാണെന്നു വേണം, പറയുവാന്‍.

കരിഞ്ചീരകം

കരിഞ്ചീരകം നല്ലപോലെ കുതിര്‍ന്ന് വെള്ളം മുഴുവന്‍ വലിച്ചെത്തു കാണും. ഇതും ചിരകി വച്ചിരിയ്ക്കുന്ന തേങ്ങയും ചേര്‍ത്ത് നല്ലപോലെ അരച്ചെടുക്കുക. ഇതിനു ശേഷം ഈ മിശ്രിതം അരിപ്പയില്‍ ന്ല്ലതു പോലെ ഊറ്റിയെടുക്കുക. ആദ്യ തവണ ഊറ്റിയാലും തേങ്ങാപ്പാല്‍ ഇതില്‍ ബാക്കിയുണ്ടാകും. ഇതെടുക്കുവാന്‍ ലേശം വെള്ളം, ലേശം മാത്രം, ഇതിലേയ്‌ക്കൊഴിച്ച് വീണ്ടും അടിച്ചെടുത്ത് ഊറ്റിയെടുക്കുക. നല്ല കട്ടിയുള്ള തേങ്ങാപ്പാല്‍ മിശ്രിതം ലഭിയ്ക്കും. അതും കറുപ്പു കലര്‍ന്ന വെളുത്ത നിറത്തില്‍. കരിഞ്ചീരകമാണ് ഈ നിറത്തിനു കാരണമാകുന്നത്.

ഈ മിശ്രിതം

ഈ മിശ്രിതം രണ്ടു ദിവസം ഫ്രിഡ്ജില്‍ വയ്ക്കുക. പിന്നീട് പുറത്തെടുക്കുമ്പോള്‍ ഇതിനു മുകളില്‍ ക്രീം പോലെ കട്ടിയായി വന്നിട്ടുണ്ടാകും. ഈ ക്രീം മുഴുവന്‍ എടുക്കുക. ഒരു ചീനച്ചട്ടി ചൂടാക്കി ഇതിലേയ്ക്ക് ഈ ക്രീം ഒഴിയ്ക്കുക. അടിയില്‍ വെള്ളം പോലെ വരുന്ന മിശ്രിതം വേണ്ട. ഇതു കുറഞ്ഞ തീയില്‍ വച്ചു ചൂടാക്കുക. എണ്ണ തെളിഞ്ഞു വരുന്നതു വരെ ചൂടാക്കാം. കട്ടിയുളള മിശ്രിതം നീങ്ങി എണ്ണ തെളിഞ്ഞു വരും. അല്‍പം കറുത്ത നിറത്തിലെ എണ്ണയാകും, ഇത്. ഇത് ഊറ്റിയെടുക്കാം. ഈ എണ്ണ ചൂടാറുമ്പോള്‍ കുപ്പിയില്‍ അടച്ചു സൂക്ഷിയ്ക്കാം. കൂടുതല്‍ മിശ്രിതമെടുത്താലും എണ്ണ തിളച്ചു വരുമ്പോള്‍ അല്‍പം ഓയിലേ ലഭിയ്ക്കൂ.

കുട്ടികള്‍ക്കു വരെ

ഈ ഓയില്‍ നിറം വയ്ക്കാന്‍ ഏറെ നല്ലതാണ്.

. കുട്ടികള്‍ക്കും മുതിര്‍ന്നവര്‍ക്കും ഒരു പോലെ ഗുണകരമാണ് ഈ ഓയില്‍. ഇതു പുരട്ടി നല്ല പോലെ മസാജ് ചെയ്യാം. 20 മിനിറ്റു കഴിഞ്ഞ ശേഷം ചെറുപയര്‍ പൊടിയോ കടലപ്പൊടിയോ ഉപയോഗിച്ചു കഴുകാം. ഇത് ദിവസവും ചെയ്യാവുന്നതാണ്. അടുപ്പിച്ച് അല്‍പനാള്‍ ഉപയോഗിച്ചാല്‍ തന്നെ വ്യത്യാസം അറിയാം. നമുക്കു വീട്ടില്‍ തയ്യാറാക്കി കുട്ടികള്‍ക്കു വരെഉപയോഗിയ്ക്കാവുന്ന ഒന്നാണിത്.

മുഖത്തിന് നല്ല നിറം മാത്രമല്ല

മുഖത്തിന് നല്ല നിറം മാത്രമല്ല, മുഖത്തെ ചുളിവുകള്‍ നീക്കാനും ഇത് ഏറെ ഉത്തമമാണ്. മുഖത്തെ പാടുകള്‍ നീക്കാനും ഏറെ ഉത്തമമാണ് ഈ പ്രത്യേക കരിഞ്ചീരക-തേങ്ങാപ്പാല്‍ എണ്ണ. മുഖത്തിന് മൃദുത്വവും തുടിപ്പുമെല്ലാം നല്‍കുന്ന ഒന്നാണിത്. ചര്‍മത്തിലുണ്ടാകുന്ന അലര്‍ജി, കുരു പോലെയുള്ള പ്രശ്‌നങ്ങള്‍ക്കും ഇതു നല്ലൊരു പരിഹാരമാണ്. കരിഞ്ചീരകവും തേങ്ങാപ്പാലും പൊതുവേ ചര്‍മ പ്രശ്‌നങ്ങള്‍ക്കു നല്ലതാണ്. ചൂടുകാലത്തും ചൂടുകുരു പോലെയുളള പ്ര്ശ്‌നങ്ങള്‍ക്ക് ഇതു നല്ലൊരു പരിഹാരം തന്നെയാണ്.

ഈ പ്രത്യേക എണ്ണ

ഈ പ്രത്യേക എണ്ണ തലയില്‍ പുരട്ടാനും ഉത്തമമാണ്. മുടി വളര്‍ച്ചയ്ക്കു സഹായിക്കുന്ന ഒന്നാണിത്. മുടി തഴച്ചു വളരാനും താരന്‍ പോലുള്ള പ്രശ്‌നങ്ങള്‍ക്കും ഉത്തമമാണ് ഈ പ്രത്യേക എണ്ണ. മുടിയ്ക്കു മിനുക്കവും കറുപ്പുമെല്ലാം നല്‍കുന്ന ഒന്നാണിത്. ഉള്ളിലേയ്ക്കു കഴിയ്ക്കാനും നല്ലൊന്നാന്തരം എണ്ണയാണിത്.