തണുപ്പ് കാലത്ത് വരണ്ട ചര്‍മ്മത്തെ ഇല്ലാതാക്കും സ്‌ക്രബ്ബ്

കാപ്പിക്കുരു സ്‌ക്രബ്

എല്ലാത്തരം ചര്‍മ്മങ്ങളെയും പുനരുജ്ജീവിപ്പിക്കാന്‍ കാപ്പിക്കുരു വളരെയധികം നല്ലതാണ്. വരണ്ട ചര്‍മ്മത്തിന് അവ വളരെ കാര്യക്ഷമമായി പ്രവര്‍ത്തിക്കുന്നു. വരണ്ട ചര്‍മ്മത്തിന് വീട്ടില്‍ ഉണ്ടാക്കാവുന്ന ഏറ്റവും ലളിതമായ ഫേസ് സ്‌ക്രബാണിത്. കുറച്ച് കാപ്പിക്കുരു പൊടിച്ചെടുത്ത് 1 ടീസ്പൂണ്‍ കാപ്പിയില്‍ 1 ടീസ്പൂണ്‍ വെള്ളം ചേര്‍ത്ത് നല്ലതുപോലെ മിക്‌സ് ചെയ്യുക. ഈ മിശ്രിതം മുഖത്ത് പുരട്ടി വൃത്താകൃതിയില്‍ സ്‌ക്രബ് ചെയ്യുക. 4-6 മിനിറ്റ് സ്‌ക്രബ് ചെയ്യുക. ഇത് കഴുകിക്കളയുക. നിങ്ങളുടെ മുഖം ഉണങ്ങിയ ശേഷം ചര്‍മ്മത്തില്‍ നിന്ന് നിര്‍ജ്ജീവമായ കോശങ്ങളെ നീക്കം ചെയ്തുകൊണ്ട് സ്വാഭാവികമായും ചര്‍മ്മത്തെ പുറംതള്ളുകയും, അത് പുതിയതും ശുദ്ധീകരിക്കുകയും ചെയ്യും. ഇതെല്ലാം ചര്‍മ്മത്തിന് മികച്ച ഗുണങ്ങള്‍ നല്‍കുന്നുണ്ട്.

ക്ലെന്‍സിങ് ക്രീമും ഷുഗര്‍ സ്‌ക്രബും

നിങ്ങളുടെ മുഖത്ത് അല്‍പം ചെറുചൂടുള്ള വെള്ളം കൊണ്ട് മുഖം തുടക്കുക. മൃദുവായ തുണി ഉപയോഗിച്ച്, മുഖം തുടച്ചശേഷം ഒരു പാത്രത്തില്‍ 1 ടീസ്പൂണ്‍ ക്ലെന്‍സിംഗ് ക്രീം എടുക്കുക. ഇതിലേക്ക് 2 ടേബിള്‍സ്പൂണ്‍ പൊടിച്ച പഞ്ചസാര ചേര്‍ക്കുക. ഇത് നല്ലതുപോലെ ഇളക്കി മിക്‌സ് ചെയ്യുക. ഈ മിശ്രിതം നിങ്ങളുടെ മുഖത്ത് പുരട്ടുക. വൃത്താകൃതിയില്‍ ഇത് സ്‌ക്രബ് ചെയ്യുക. ചെറിയ വരകളും വരണ്ട പാടുകളും മൂക്കിന്റെ വശവും എല്ലാം ഉപയോഗിക്കാവുന്നതാണ്. ഇത് നിങ്ങളുടെ കണ്ണുകളില്‍ പുരട്ടുന്നത് ഒഴിവാക്കുക. ഇളം ചൂടുവെള്ളത്തില്‍ മൃദുവായ തുണി നനയ്ക്കുക. വാഷ്‌ക്ലോത്ത് ഉപയോഗിച്ച് നിങ്ങളുടെ മുഖത്ത് നിന്ന് സ്‌ക്രബ് നീക്കം ചെയ്യുക. നിങ്ങളുടെ മുഖത്ത് തണുത്ത വെള്ളം തളിച്ച് ഈ സ്‌ക്രബ്ബിംഗ് സെഷന്‍ പൂര്‍ത്തിയാക്കുക. വരണ്ട ചര്‍മ്മത്തിനുള്ള ഈ സ്‌ക്രബ് നിങ്ങളുടെ സുഷിരങ്ങള്‍ അടയ്ക്കുകയും മുഖത്തെ ഫ്രഷ് ആക്കുകയും ചെയ്യും.

ഗ്രീന്‍ ടീയും തേന്‍ സ്‌ക്രബും

ഗ്രീന്‍ ടീ നിങ്ങളുടെ ചര്‍മ്മത്തിന് പ്രായമാകുന്നത് തടയുന്ന ഏജന്റായി പ്രവര്‍ത്തിക്കുന്നു. ഇത് പാടുകളും ചുളിവുകളും കുറയ്ക്കാനും പാടുകള്‍ നന്നാക്കാനും സഹായിക്കുന്നു. ഒരു കപ്പ് ഗ്രീന്‍ ടീ ഉണ്ടാക്കുക. ഇത് ഒരു പാത്രത്തില്‍ 1 ടീസ്പൂണ്‍ ഒഴിക്കുക. കുറച്ച് മിനിറ്റ് തണുപ്പിച്ച ശേഷം ഇതിലേക്ക് 1 ടീസ്പൂണ്‍ പഞ്ചസാര ചേര്‍ക്കുക. നന്നായി ഇളക്കിയ ശേഷം ഇനി ഇതിലേക്ക് 1 ടീസ്പൂണ്‍ തേന്‍ ഒഴിക്കുക. നന്നായി ഇളക്കി ഉപയോഗിക്കാവുന്നതാണ്. ഈ സ്‌ക്രബ് മുഖത്ത് പുരട്ടുക. ഉണങ്ങിയ പാടുകളില്‍ ശ്രദ്ധ കേന്ദ്രീകരിച്ച് നിങ്ങളുടെ മുഖത്ത് മുഴുവന്‍ സ്‌ക്രബ് ചെയ്യുക. ഒരു തുണി ഉപയോഗിച്ച് ഇത് നീക്കം ചെയ്യുക. തണുത്ത വെള്ളം കൊണ്ട് മുഖം കഴുകുക. ഇത് വരണ്ട ചര്‍മ്മത്തെ ഇല്ലാതാക്കുന്നതിന് സഹായിക്കുന്നുണ്ട്.

വെളിച്ചെണ്ണയും നാരങ്ങ സ്‌ക്രബ്ബും

വെളിച്ചെണ്ണ ചര്‍മ്മസംരക്ഷണത്തിന്റെ കാര്യത്തില്‍ മികച്ചതാണ് എന്ന കാര്യത്തില്‍ സംശയം വേണ്ട. അതേസമയം നാരങ്ങ നിങ്ങളുടെ ചര്‍മ്മത്തെ മൃദുവാക്കുന്നു. ഓയില്‍ അടിസ്ഥാനമാക്കിയുള്ള സ്‌ക്രബുകള്‍ വരണ്ട ചര്‍മ്മത്തിന് ഏറ്റവും അനുയോജ്യമാണ്. ½ കപ്പ് വെളിച്ചെണ്ണ എടുത്ത് ഇതിലേക്ക് 2 ടീസ്പൂണ്‍ പഞ്ചസാര ചേര്‍ത്ത് നന്നായി ഇളക്കുക. ഇപ്പോള്‍ ഈ മിശ്രിതത്തിലേക്ക് 1 ടീസ്പൂണ്‍ നാരങ്ങ നീര് ചേര്‍ക്കുക. ഇത് ഈ സ്‌ക്രബിന്റെ ശുദ്ധീകരണ ഗുണങ്ങള്‍ വര്‍ദ്ധിപ്പിക്കുന്നു. പുതുതായി കഴുകിയ മുഖത്തെല്ലാം ഇത് സ്‌ക്രബ് ചെയ്യുക. നിങ്ങളുടെ മുഖത്ത് തണുത്ത വെള്ളം കൊണ്ട് കഴുകാവുന്നതാണ്. ഇതിലൂടെ നിങ്ങളുടെ ചര്‍മ്മത്തിലെ വരണ്ട ചര്‍മ്മത്തിന് പരിഹാരം കാണുന്നതിന് സഹായിക്കുന്നുണ്ട്.

ബദാം മീല്‍ സ്‌ക്രബ്

ബദാം മീല്‍ എല്ലാ കടകളിലും ലഭ്യമാണെങ്കിലും, നിങ്ങളുടെ വീട്ടിലും എളുപ്പത്തില്‍ ഉണ്ടാക്കാം. ഒരു ഫുഡ് പ്രോസസറില്‍ അസംസ്‌കൃത ബദാം എടുത്ത് നന്നായി പൊടിച്ച ബദാം എടുക്കുക. ഇതിലേക്ക് ½ കപ്പ് ബദാം ഓയില്‍ അല്ലെങ്കില്‍ ഒലിവ് ഓയില്‍ ചേര്‍ക്കുക. അവശ്യ എണ്ണകളുടെ ഏതാനും തുള്ളി ചേര്‍ക്കുക. നാരങ്ങ, ലാവെന്‍ഡര്‍, റോസ്, മറ്റ് അവശ്യ എണ്ണകള്‍ എന്നിവ ഈ സ്‌ക്രബിനെ കൂടുതല്‍ മികച്ചതാക്കുന്നുണ്ട്. ഇനി ഇത് മുഖത്ത് മുഴുവന്‍ സ്‌ക്രബ് ചെയ്യുക. തണുത്ത വെള്ളം ഉപയോഗിച്ച് മുഖം കഴുകേണ്ടതാണ്. ഇതെല്ലാം മികച്ച സ്‌ക്രബ്ബുകള്‍ ആണ്. ഇത് ചര്‍മ്മത്തിലെ എല്ലാ അഴുക്കിനേയും ഇല്ലാതാക്കുന്നതിന് സഹായിക്കുന്നുണ്ട്.

most read:ഈ 6 പൊടിക്കൈകളില്‍ മുത്ത് പോലെ തിളങ്ങും പല്ലുകള്‍

ബ്ലാക്ക്‌ഹെഡ്‌സിനെ തുടച്ച് നീക്കും ഒരു തുള്ളി എണ്ണ