ഈ പഴത്തിന്റെ ഉപയോഗമെങ്കില്‍ മുഖത്തെ മാറ്റം അത്ഭുതം

പീച്ച്, തൈര് ഫെയ്‌സ് മാസ്‌ക്

ഈ ഫെയ്‌സ് മാസ്‌ക് നിര്‍മ്മിക്കുന്നതിന്, നിങ്ങള്‍ക്ക് വേണ്ടത് 1 ടേബിള്‍ സ്പൂണ്‍ പീച്ച്, 1 ടേബിള്‍ സ്പൂണ്‍ കട്ടിയുള്ള തൈര് എന്നിവ മാത്രമാണ്. ഒരു ചെറിയ പാത്രത്തില്‍ പീച്ച്, തൈര് എന്നിവ ചേര്‍ത്ത് മിനുസമാര്‍ന്നതും കട്ടിയുള്ളതുമായ പേസ്റ്റ് ഉണ്ടാക്കുക. നിങ്ങള്‍ക്ക് കുറച്ച് ഒട്ടുന്ന ഗുണങ്ങള്‍ക്കായി ഈ മാസ്‌കിലേക്ക് കുറച്ച് തേനും ചേര്‍ക്കാം. ഈ ഫെയ്‌സ് മാസ്‌ക് പ്രയോഗിക്കുന്നതിന് മുമ്പ്, നിങ്ങളുടെ മുഖം നന്നായി കഴുകുകയും നല്ലൊരു ഫ്രൂട്ട് സ്‌ക്രബ് ഉപയോഗിച്ച് എക്‌സ്‌ഫോളിയേറ്റ് ചെയ്യുകയും ചെയ്യുക. മുഖം വരണ്ടതാക്കി കുറച്ച് ആവി പിടിച്ച ശേഷം ഈ ഫെയ്‌സ് മാസ്‌ക് മുഖത്ത് പ്രയോഗിച്ച് മൃദുവായ മസാജ് ചെയ്യുക. മുഖത്ത് ഇത് 25 മിനിറ്റോളം വരണ്ടതാക്കാന്‍ വിട്ട ശേഷം മുഖം വെള്ളത്തില്‍ കഴുകി നല്ലൊരു മോയ്സ്ചുറൈസര്‍ പുരട്ടുക.

വാര്‍ധക്യ ലക്ഷണം കുറയ്ക്കാന്‍

ഈ അത്ഭുതകരമായ ആന്റി-ഏജിംഗ് മാസ്‌ക് നിര്‍മ്മിക്കാന്‍, നിങ്ങള്‍ക്ക് വേണ്ടത് 1 ടേബിള്‍ സ്പൂണ്‍ പീച്ച്, 2 ടീസ്പൂണ്‍ ബദാം ഓയില്‍, കുറച്ച് തുള്ളി വിറ്റാമിന്‍ ഇ എന്നിവയാണ്. ഈ മാസ്‌കിന്റെ പതിവ് ഉപയോഗത്തിലൂടെ ചര്‍മ്മത്തിന്റെ ഇലാസ്തികത മെച്ചപ്പെടുന്നു. ഒരു പാത്രത്തില്‍ ബദാം ഓയിലും പീച്ചും ചേര്‍ക്കുക. പിന്നീട് ഇതിലേക്ക് വിറ്റാമിന്‍ ഇയും ചേര്‍ത്ത് ഇളക്കുക. മിനുസമാര്‍ന്ന പേസ്റ്റ് രൂപപ്പെടുന്നതുവരെ ഈ മിശ്രിതം ഇളക്കുക. മാസ്‌ക് പ്രയോഗിക്കുന്നതിന് മുമ്പ്, മുഖം കഴുകി സ്റ്റീം ചെയ്യുക. നന്നായി സ്‌ക്രബ് ചെയ്ത ശേഷം നിങ്ങളുടെ കൈകള്‍ ഉപയോഗിച്ച് ഈ ഫെയ്‌സ് മാസ്‌ക് പ്രയോഗിക്കുക. 20 മിനിറ്റ് മുഖത്ത് വച്ച ശേഷം മാസ്‌ക് മസാജ് ചെയ്ത് വെള്ളത്തില്‍ കഴുകുക.

തിളങ്ങുന്ന ചര്‍മ്മത്തിന്

പീച്ച് ഉപയോഗിച്ച് നിങ്ങള്‍ക്ക് തയ്യാറാക്കാന്‍ കഴിയുന്ന വളരെ എളുപ്പമുള്ള മറ്റൊരു മാസ്‌കാണിത്. ഈ മാസ്‌ക് നിങ്ങളുടെ മുഖത്തിന് തിളക്കം നല്‍കുന്നു. മൂന്ന് ലളിതമായ ചേരുവകള്‍ പീച്ച്, പൈനാപ്പിള്‍, 1 ടേബിള്‍ സ്പൂണ്‍ തേന്‍ എന്നിവ ഉപയോഗിച്ച് ഈ മാസ്‌ക് തയാറാക്കാവുന്നതാണ്. മങ്ങിയ ചര്‍മ്മം, പാടുകള്‍, അസമമായ സ്‌കിന്‍ ടോണ്‍ എന്നിവയ്‌ക്കെതിരേ പോരാടാന്‍ ഈ മാസ്‌ക് നിങ്ങളെ സഹായിക്കുന്നു. ഈ മാസ്‌കിനായി ഒരു പാത്രത്തില്‍ പൈനാപ്പിളും പീച്ചും കലര്‍ത്തുക. അതിനുശേഷം തേന്‍ ചേര്‍ത്ത് നന്നായി ഇളക്കുക. മുഖം കഴുകി നീരാവി പിടിച്ച് സ്‌ക്രബ് ചെയ്ത് ഈ മാസ്‌ക് പുരട്ടുക. അരമണിക്കൂറോളം ഇത് പൂര്‍ണ്ണമായും ഉണങ്ങാന്‍ അനുവദിക്കുക. എന്നിട്ട് ഇളം ചൂടുള്ള വെള്ളത്തില്‍ മുഖം കഴുകി നല്ല മോയ്സ്ചുറൈസര്‍ പ്രയോഗിക്കുക. തല്‍ക്ഷണ ഫലങ്ങള്‍ നിങ്ങള്‍ക്ക് കാണാനാവും.

പീച്ച് ഫെയ്‌സ് മാസ്‌കുകള്‍ ഉപയോഗിക്കുന്നതിന്റെ ചില ഗുണങ്ങള്‍

* വരണ്ട ചര്‍മ്മത്തിനെതിരേ പൊരുതാനും ചര്‍മ്മം നനവുള്ളതാക്കാനും പീച്ച് നിങ്ങളെ സഹായിക്കുന്നു.

* ഈ അത്ഭുതകരമായ പഴങ്ങള്‍ ചര്‍മ്മത്തിന് ജലാംശം നല്‍കുകയും ചര്‍മ്മ കോശങ്ങളെ പുനരുജ്ജീവിപ്പിക്കുകയും ചെയ്യുന്നു.

* ഇത് ചര്‍മ്മത്തെ മലിനീകരണം പോലുള്ള ബാഹ്യ ഘടകങ്ങളില്‍ നിന്ന് സംരക്ഷിക്കുന്നു.

പീച്ച് മാസ്‌കിന്റെ ഗുണങ്ങള്‍

* ചുളിവുകള്‍, നേര്‍ത്ത വരകള്‍ എന്നിവ കുറയ്ക്കുന്നതിലൂടെ ചര്‍മ്മത്തെ കൂടുതല്‍ ഇലാസ്തികതയോടെ നിലനിര്‍ത്തുന്നു. അതിലൂടെ പ്രായമാകല്‍ ലക്ഷണങ്ങള്‍ കുറയ്ക്കാനും ഇത് സഹായിക്കുന്നു.

* കറുത്ത പാടുകളും മുഖക്കുരുവും മുഖക്കുരു പാടുകളും നീക്കാനും ചര്‍മ്മത്തിന് തിളക്കം നല്‍കാനും പീച്ച് സഹായിക്കുന്നു.