നല്ല നിറത്തിന് പയറുപൊടി കൊണ്ട് ബ്ലീച്ച്

ഇതിനൊപ്പം

ഇതിനൊപ്പം ചെറുനാരങ്ങാനീര്, പശുവിന്‍ പാല്‍, മഞ്ഞള്‍പ്പൊടി, പൊടിയുപ്പ് എന്നിവയാണ് ഈ നാച്വറല്‍ ആയുര്‍വേദ ബ്ലീച്ചിനുള്ള ചേരുവകള്‍

ആരോഗ്യപരമായ കാര്യങ്ങള്‍ക്കു മാത്രമല്ല, സൗന്ദര്യസംരക്ഷണത്തിനും ഏറെ മികച്ച ഒന്നാണ് നാരങ്ങ. ഇതിലെ വൈറ്റമിന്‍ സി, ആന്റിഓക്‌സിഡന്റുകള്‍ എന്നിവ നല്ലൊരു നാച്വറല്‍ ബ്ലീച്ചിന്റെ ഗുണം നല്‍കുന്നു.

പാല്‍

പാല്‍ നല്ലൊരു സ്‌കിന്‍ ടോണറാണ്. ഇതിലെ സ്വാഭാവിക വൈററമിനുകള്‍ ചര്‍മത്തിനു നിറം നല്‍കാന്‍ നല്ലതാണ്. ചര്‍മത്തിന് ഈര്‍പ്പം നല്‍കാനും ഇത് ഏറെ ഗുണകരമാണ്. മുഖത്തെ കോശങ്ങള്‍ക്ക് ഇത് ഉറപ്പു നല്‍കുന്നു. ഇതുവഴി മുഖത്തു ചുളിവുകളും മറ്റും വീഴുന്നതു തടയുകയും ചെയ്യുന്നു. ചര്‍മകോശങ്ങളുടെ ഉള്ളിലേയ്ക്കിറങ്ങി കേടുപാടുക്ള്‍ തടയുകയും ചെയ്യുന്നു.

ചെറുപയര്‍

ചെറുപയര്‍ പൊടിയും ചര്‍മത്തിന് ഏറെ നല്ലൊരു മരുന്നാണ്. ചര്‍മത്തിന് നിറവും മൃദുത്വവുമെല്ലാം നല്‍കാന്‍ ചേര്‍ന്ന ഒരു സ്വാഭാവിക വഴി. ആന്റിബാക്ടീരിയല്‍ ഗുണങ്ങള്‍ ധാരാളമുണ്ട്. ഇത് ചര്‍മത്തിന്റെ ഉള്ളിലേയ്ക്കിറങ്ങി ചര്‍മ കോശങ്ങളെ വൃത്തിയാക്കുന്നു. ചര്‍മ പ്രശ്‌നങ്ങള്‍ക്കു പരിഹാരമുണ്ടാക്കുന്നു. ചര്‍മ കോശങ്ങളിലേയ്ക്ക് ആഴ്ന്നിറങ്ങുന്നതു കൊണ്ടു തന്നെ കോശങ്ങള്‍ക്ക് ഇറുക്കം നല്‍കാനും ചര്‍മം അയഞ്ഞു തൂങ്ങുന്നതും ചുളിവുകള്‍ വീഴുന്നതും തടയാനും ഇത് സഹായിക്കുന്നു.

മഞ്ഞള്‍

ആന്റിഫംഗല്‍, ആന്റിബാക്ടീരിയല്‍ ഗുണങ്ങള്‍ അടങ്ങിയ മഞ്ഞള്‍ ചര്‍മത്തിന് നിറം നല്‍കാന്‍ വേണ്ടി ഉപയോഗിയ്ക്കുന്ന ഒന്നാണ്. ചര്‍മത്തിനു നിറം നല്‍കാനുള്ള സ്വാഭാവിക വഴിയാണ് മഞ്ഞള്‍. പരമ്പരാഗതമായി ഉപയോഗിച്ചു വരുന്ന ഒന്ന്.

പൊടിയുപ്പ്

നല്ലൊരു ബ്ലീച്ചിംഗ് ഇഫക്ടാണ് ഉപ്പു നല്‍കുന്നത്. നല്ലൊരു അണുനാശിനി കൂടിയാണിത്. ചര്‍മത്തിനു നിറം നല്‍കാനും മുഖക്കുരു പോലുള്ള പ്രശ്‌നങ്ങള്‍ക്കുമെല്ലാം ഇതു നല്ലൊരു മരുന്നാണ്. ഒരു ടീസ്പൂണ്‍, നാരങ്ങനീര് 1 ടീസ്പൂണ്‍, മഞ്ഞള്‍പ്പൊടി 1 ടീസ്പൂണ്‍, ചെറുപയര്‍ പൊടി 1 ടീസ്പൂണ്‍, പൊടിയുപ്പ് ഒരു നുള്ള് എന്നിവയാണ് ഇതു തയ്യാറാക്കാന്‍ വേണ്ടത്.

ഇവയെല്ലാം

ഇവയെല്ലാം കൂട്ടിച്ചേര്‍ത്തു പേസ്റ്റാക്കുക. മുഖം ചെറുചൂടുവെള്ളത്തില്‍ കഴുകി ഇതു മുഖത്തു പുരട്ടാം. പിന്നീട് ഉണങ്ങുമ്പോള്‍ കഴുകാം. മുഖത്തിന് നിറം മാത്രമല്ല, മുഖത്തെ ചുളിവുകള്‍ നീക്കാനും പ്രായക്കുറവു തോന്നിപ്പിയ്ക്കാനും ചര്‍മം ക്ലീനാക്കാനുമെല്ലാം ഏറെ നല്ലതാണ് ഈ പ്രത്യേക ഫേസ് പായ്ക്ക്.