മഞ്ഞപ്പല്ലു വെളുക്കാനും വായ്‌നാറ്റത്തിനും നാരകയില

നാരകയില, പച്ച നെല്ലിക്ക, ഉപ്പ്, ലേശം വെളുത്ത പേസ്റ്റ്

നാരകയില, പച്ച നെല്ലിക്ക, ഉപ്പ്, ലേശം വെളുത്ത പേസ്റ്റ് എന്നിവയാണ് പല്ലു വെളുപ്പിയ്ക്കാനുള്ള ഈ പ്രത്യേക മിശ്രിതത്തിനായി വേണ്ടത്.പല്ലിനു വെളുപ്പു നല്‍കാന്‍ സഹായിക്കുന്ന ഒന്നാണ് ചെറുനാരങ്ങ. നാരക ഇലയും ഈ ഗുണം നല്‍കുന്ന ഒന്നു തന്നെയാണ് നാരകത്തിന്റെ ഇല പല്ലിന് വെളുപ്പു നല്‍കാനും പല്ലു കേടാകാതിരിയ്ക്കാനും സഹായിക്കും.ഇതിലെ വൈറ്റമിന്‍ സി ആണ് ഈ പ്രത്യേക ഗുണം നല്‍കുന്നത്.

നെല്ലിക്ക

പല്ലിന്റെയും എല്ലിന്റെയും ആരോഗ്യത്തിന് മികച്ചതാണ് വൈറ്റമിന്‍ സി അടങ്ങിയ നെല്ലിക്ക. ഇതില്‍ കാല്‍സ്യവുമുണ്ട്. പല്ലിനു നിറത്തിനും പല്ലിന്റെ ആരോഗ്യത്തിനും സഹായിക്കുന്ന ഒന്നാണിത്.

ഉപ്പ്

പല്ലിന് നിറവും ആരോഗ്യവും നല്‍കുന്നതില്‍ മികച്ചതാണ് ഉപ്പ്. പണ്ടു കാലത്ത് പല്ലു വൃത്തിയാക്കാന്‍ ഉപയോഗിച്ചിരുന്ന ഒന്നു കൂടിയാണ് ഇത്. വായിലുണ്ടാകുന്ന അണുബാധയ്ക്കും മോണയ്ക്കുണ്ടാകുന്ന പ്രശ്‌നങ്ങള്‍ക്കുമെല്ലാം ഇത് ഏറെ നല്ലതാണ്.

പേസ്റ്റ്

ഇതില്‍ വെളുത്ത നിറത്തിലെ പേസ്റ്റ് ഉപയോഗിയ്ക്കുന്നത് കെമിക്കലുകള്‍ അടങ്ങിയ പേസ്റ്റ് ഒഴിവാക്കാന്‍ വേണ്ടിയാണ്. ഹെര്‍ബല്‍, ആയുര്‍വേദം എന്നിവ മാത്രമല്ല, കവറിനു പുറത്ത് പച്ച നിറത്തിലോ കറുപ്പു നിറത്തിലോ ചുവന്ന നിറത്തിലോ മാര്‍ക്കുണ്ടോയെന്നു നോക്കിയും വാങ്ങാം. ഇവ കെമിക്കലുകളുടെ അളവു സൂചിപ്പിയ്ക്കുന്നതാണ്. ചുവന്ന നിറത്തിലെ കൂടുതല്‍ കെമിക്കലുകളും പച്ച ഏറ്റവും കുറവുമാണ് കാണിയ്ക്കുന്നത്.

ബ്രഷ്

ഇതുണ്ടാക്കാന്‍ നാരകത്തിന്റെ മൂന്നോ നാലോ നല്ല ഇലകള്‍ നോക്കി എടുക്കുക, ഒപ്പം ഒരു നെല്ലിക്ക കുരു കളഞ്ഞതും ഉപ്പും ചേര്‍ത്ത് അരയ്ക്കുക. ഇതില്‍ അല്‍പം പേസ്റ്റും ചേര്‍ത്ത് നല്ല കുഴുമ്പു പരുവത്തിലാക്കുക. ഇതു പല്ലില്‍ തേച്ചു പിടിപ്പിയ്ക്കുക. 10 മിനിറ്റിനു ശേഷം ബ്രഷ് ഉപയോഗിച്ചു പല്ലു തേയ്ക്കാം. ശേഷം ഇളം ചൂടുവെള്ളം കൊണ്ടു വായ കഴുകുക.

പല്ലു വെളുക്കാനും വായ്‌നാറ്റമകറ്റാനും

പല്ലു വെളുക്കാനും വായ്‌നാറ്റമകറ്റാനും ഒരു പോലെ സഹായിക്കുന്ന ഒന്നാണിത്. പല്ലിന്റെ കേടു മാറ്റുവാനും മോണയ്ക്ക് ആരോഗ്യം നല്‍കാനും ഇത് ഏറെ നല്ലതാണ്. ഇത് ആഴ്ചയില്‍ രണ്ടു മൂന്നു തവണ ചെയ്യാം.