For Quick Alerts
ALLOW NOTIFICATIONS  
For Daily Alerts

പരുപരുത്ത കൈകള്‍ ഇനി അരമണിക്കൂറില്‍ സോഫ്റ്റ് ആക്കും മിശ്രിതം

|

സൗന്ദര്യ സംരക്ഷണത്തിന്റെ കാര്യത്തില്‍ നമ്മള്‍ വിട്ടുപോവാതെ ശ്രദ്ധിക്കേണ്ട ചില കാര്യങ്ങള്‍ ഉണ്ട്. അവയെക്കുറിച്ച് തിരിച്ചറിയേണ്ടത് അത്യാവശ്യമാണ്. അതിലൊന്നാണ് മുഖമൊഴികെയുള്ള ഭാഗങ്ങളിലെ സൗന്ദര്യ സംരക്ഷണം. കൈകള്‍ പരുപരുത്തതെങ്കില്‍ അല്‍പം ശ്രദ്ധിക്കേണ്ടതാണ്. അതിന് പരിഹാരം കാണുന്നതിന് വേണ്ടി നമുക്ക് ചില പൊടിക്കൈകള്‍ വീട്ടില്‍ തന്നെ ചെയ്യാവുന്നതാണ്. അവ എന്തൊക്കെയെന്നത് അറിഞ്ഞിരിക്കേണ്ടതാണ്. മുഖത്തെ പരിപാലിക്കുന്നതിനിടയില്‍ പലപ്പോഴും ശരീരത്തിലെ മറ്റ് ഭാഗങ്ങളിലെ സൗന്ദര്യത്തെക്കുറിച്ച് പലരും ചിന്തിക്കുന്നില്ല എന്നുള്ളതാണ് സത്യം.

ആരോഗ്യമുള്ളതും പോഷിപ്പിക്കുന്നതും തിളക്കമുള്ളതുമായി നിലനിര്‍ത്താന്‍ ലോഷനും ക്രീമും ഉപയോഗിക്കുന്നത് എന്തുകൊണ്ടും നല്ലതാണ്. എന്നാല്‍ കൈകളുടെ കാര്യമോ? കൈകള്‍ ശരീരത്തിലെ ഏറ്റവും തിരക്കേറിയ ഭാഗങ്ങളില്‍ ഒന്നാണ്. വാര്‍ദ്ധക്യത്തിന്റെ ലക്ഷണങ്ങള്‍ കാണിക്കുന്നത് പലപ്പോഴും ആദ്യം കൈകളിലാണ്. എന്നാല്‍ നിങ്ങള്‍ അറിഞ്ഞിരിക്കേണ്ടത് കൈകള്‍ എങ്ങനെ സോഫ്റ്റ് ആക്കാം എന്നുള്ളതാണ്. ഇത്തരം കാര്യങ്ങളില്‍ ശ്രദ്ധിക്കേണ്ടതായ ചില കാര്യങ്ങള്‍ ഉണ്ട്.

മുഖത്തെ കുഴികള്‍ നിങ്ങള്‍ക്ക് പ്രശ്‌നമാണോ? ഈ വീട്ടുവൈദ്യത്തിലുണ്ട് പരിഹാരം

നിങ്ങളുടെ കൈകള്‍ മോയ്‌സ്ചറൈസ് ചെയ്യാനും മൃദുവാക്കാനും സഹായിക്കുന്ന ചില സ്‌ക്രബുകളുണ്ട്. അവ എന്തൊക്കെയെന്നതിനെക്കുറിച്ച് നമുക്ക് നോക്കാം. ഈ സ്‌ക്രബുകള്‍ നിങ്ങളുടെ ചര്‍മ്മത്തെ പുറംതള്ളുക മാത്രമല്ല, കൊളാജന്‍ ഉല്‍പാദനത്തെ ഉത്തേജിപ്പിക്കുകയും ചുളിവുകള്‍ പ്രത്യക്ഷപ്പെടുന്നതിനെ കുറക്കുകയും ചെയ്യുന്നു. വീട്ടിലിരുന്ന് നിങ്ങളുടെ കൈകള്‍ എങ്ങനെ സ്വാഭാവികമായി എക്‌സ്‌ഫോളിയേറ്റ് ചെയ്യാം എന്നതിനെക്കുറിച്ച് നമുക്ക് ഈ ലേഖനത്തില്‍ വായിക്കാവുന്നതാണ്.

പഞ്ചസാര സ്‌ക്രബ്

പഞ്ചസാര സ്‌ക്രബ്

പഞ്ചസാരയുടെ ഘടന നിങ്ങളുടെ ചര്‍മ്മത്തെ പുറംതള്ളാന്‍ സഹായിക്കുന്നു. ഒലീവ് ഓയിലില്‍ അവശ്യ ഫാറ്റി ആസിഡുകളും വിറ്റാമിന്‍ ഇയും അടങ്ങിയിട്ടുണ്ട്, ഇത് ചര്‍മ്മത്തെ മോയ്‌സ്ചറൈസ് ചെയ്യാനും പ്രായമാകുന്നതിന്റെ ലക്ഷണങ്ങള്‍ കുറക്കുന്നതിനും സഹായിക്കുന്നുണ്ട്.

ആവശ്യമുള്ള വസ്തുക്കള്‍

½ കപ്പ് പഞ്ചസാര

1 ടേബിള്‍ സ്പൂണ്‍ ഒലിവ് ഓയില്‍

ലാവെന്‍ഡര്‍ അവശ്യ എണ്ണയുടെ 10-15 തുള്ളി എന്നിവയാണ്. എല്ലാ ചേരുവകളും ഒരു പാത്രത്തില്‍ മിക്‌സ് ചെയ്യുക. ചെറിയ അളവില്‍ സ്‌ക്രബ് എടുത്ത് 1 മിനിറ്റ് നിങ്ങളുടെ കൈകളില്‍ മൃദുവായി മസാജ് ചെയ്യുക. പിന്നീട് ചൂടുവെള്ളം ഉപയോഗിച്ച് കഴുകുക. ആഴ്ചയില്‍ 2-3 തവണ ഇത് ചെയ്യുക. ഇത് കൈകള്‍ സോഫ്റ്റ് ആക്കുന്നതിന് സഹായിക്കുന്നുണ്ട്.

എപ്‌സം സാള്‍ട്ട് ഹാന്‍ഡ് സ്‌ക്രബ്

എപ്‌സം സാള്‍ട്ട് ഹാന്‍ഡ് സ്‌ക്രബ്

എപ്‌സം സാള്‍ട്ട് വേദനയും വീക്കവും ഒഴിവാക്കുക മാത്രമല്ല നിങ്ങളുടെ കൈകളിലെ മൃതചര്‍മ്മത്തെ പുറംതള്ളുകയും മൃദുവാക്കുകയും ചെയ്യും.

ആവശ്യമുള്ള വസ്തുക്കള്‍

1 കപ്പ് എപ്‌സം ഉപ്പ്

1 കപ്പ് ഒലിവ് ഓയില്‍ എന്നിവയാണ്. നിങ്ങള്‍ ചെയ്യേണ്ടത് ഒരു പാത്രത്തില്‍ എപ്‌സം ഉപ്പും കാരിയര്‍ ഓയിലും ചേര്‍ത്ത് മിനുസമാര്‍ന്ന പേസ്റ്റ് ലഭിക്കുന്നതുവരെ നന്നായി ഇളക്കുക. ഇത് നിങ്ങളുടെ കൈകളില്‍ പുരട്ടി 1-2 മിനിറ്റ് മൃദുവായി മസാജ് ചെയ്യുക. പിന്നീട് ചൂടുവെള്ളം ഉപയോഗിച്ച് കഴുകുക. ആഴ്ചയില്‍ 3 തവണ ഇത് ചെയ്യേണ്ടതാണ്. ഇത് ചര്‍മ്മത്തിനെ സോഫ്റ്റ് ആക്കുന്നു.

ബദാം, തേന്‍ സ്‌ക്രബ്

ബദാം, തേന്‍ സ്‌ക്രബ്

പൊടിച്ച ബദാം ഒരു മികച്ച എക്‌സ്‌ഫോളിയേറ്ററായി പ്രവര്‍ത്തിക്കുന്നു. തേന്‍ വരള്‍ച്ച ഒഴിവാക്കുകയും ചര്‍മ്മത്തിന്റെ ഘടന മെച്ചപ്പെടുത്തുകയും ചെയ്യുന്ന പ്രകൃതിദത്ത ഇമോലിയന്റാണ്. ഇത് നിങ്ങളുടെ കൈകള്‍ മൃദുവും മിനുസമുള്ളതുമാക്കാന്‍ സഹായിക്കും.

ആവശ്യമുള്ള വസ്തുക്കള്‍

ഒരു പിടി ബദാം

1/2 ടീസ്പൂണ്‍ തേന്‍

ആവശ്യാനുസരണം പാല്‍ എന്നിവയാണ്. നിങ്ങള്‍ ചെയ്യേണ്ടത് എന്താണെന്ന് നോക്കാം. ഒരു പിടി ബദാം പൊടിയായി പൊടിക്കുക. അര ടീസ്പൂണ്‍ തേനും ആവശ്യത്തിന് പാലും ചേര്‍ത്ത് മിനുസമാര്‍ന്ന പേസ്റ്റ് ഉണ്ടാക്കുക. ഈ മിശ്രിതം നിങ്ങളുടെ കൈകളില്‍ 2 മിനിറ്റ് മസാജ് ചെയ്യുക. ചൂടുവെള്ളം ഉപയോഗിച്ച് കഴുകുക. ആഴ്ചയില്‍ 3 തവണ ഇത് ചെയ്യുക. ശ്രദ്ധിക്കേണ്ട കാര്യം എന്താണെന്ന് വെച്ചാല്‍ ഈ സ്‌ക്രബ് ഉടനടി ഉപയോഗിക്കണം, ഏതാനും മണിക്കൂറുകള്‍ക്കുള്ളില്‍ പാല്‍ പഴകിയേക്കാം എന്നത് ശ്രദ്ധിക്കേണ്ടതാണ്.

പഞ്ചസാര, വെളിച്ചെണ്ണ സ്‌ക്രബ്

പഞ്ചസാര, വെളിച്ചെണ്ണ സ്‌ക്രബ്

പല വിധത്തിലുള്ള ചര്‍മ്മ വൈകല്യങ്ങള്‍ ഇല്ലാതാക്കാന്‍ വെളിച്ചെണ്ണ പരമ്പരാഗതമായി പലരും ഉപയോഗിക്കുന്നു. ഇതില്‍ ധാരാളം ഫാറ്റി ആസിഡുകള്‍ അടങ്ങിയിട്ടുണ്ട്, ഇത് ചര്‍മ്മത്തെ സുഖപ്പെടുത്താനും മോയ്‌സ്ചറൈസ് ചെയ്യാനും സഹായിക്കും.

ആവശ്യമുള്ള വസ്തുക്കള്‍

1 ടേബിള്‍ സ്പൂണ്‍ വെളിച്ചെണ്ണ

1 ടേബിള്‍ സ്പൂണ്‍ തേന്‍

1/4 കപ്പ് പഞ്ചസാര

1/4 കപ്പ് ഉപ്പ്

നാരങ്ങാ നീര് എന്നിവയാണ് ആവശ്യമുള്ളത്. നിങ്ങള്‍ ചെയ്യേണ്ടത് എന്തൊക്കെയെന്ന് നോക്കാം. ഒരു ടേബിള്‍സ്പൂണ്‍ വെളിച്ചെണ്ണയും തേനും മിക്‌സ് ചെയ്യുക. ഇതിലേക്ക് കടല്‍ ഉപ്പും നല്ല പഞ്ചസാരയും ചേര്‍ത്ത് നന്നായി ഇളക്കേണ്ടതാണ്. ഒരു നാരങ്ങയുടെ നീര് ചേര്‍ത്ത് 30 സെക്കന്‍ഡ് ഇളക്കുക. മിശ്രിതം നിങ്ങളുടെ കൈകളില്‍ 1 മിനിറ്റ് മൃദുവായി മസാജ് ചെയ്യുക. ചൂടുവെള്ളം ഉപയോഗിച്ച് കഴുകേണ്ടതാണ്. വായു കടക്കാത്ത പാത്രത്തില്‍ സൂക്ഷിച്ച് ഒരാഴ്ചയ്ക്കുള്ളില്‍ ഉപയോഗിക്കുക. ഇത് ആഴ്ചയില്‍ 3 തവണ ഉപയോഗിക്കണം.

പഞ്ചസാര, വിറ്റാമിന്‍ ഇ ഓയില്‍ സ്‌ക്രബ്

പഞ്ചസാര, വിറ്റാമിന്‍ ഇ ഓയില്‍ സ്‌ക്രബ്

വിറ്റാമിന്‍ ഇ ഒരു ആന്റിഓക്സിഡന്റാണ്, ഇത് കേടായ ചര്‍മ്മകോശങ്ങളെ നന്നാക്കാന്‍ സഹായിക്കും. അള്‍ട്രാവയലറ്റ് രശ്മികളില്‍ നിന്ന് നിങ്ങളുടെ ചര്‍മ്മത്തെ സംരക്ഷിക്കാനും ഫോട്ടോയിംഗ് തടയാനും ഇത് സഹായിക്കും.

ആവശ്യമുള്ള വസ്തുക്കള്‍

പഞ്ചസാര 2 ടേബിള്‍സ്പൂണ്‍

വിറ്റാമിന്‍ ഇ എണ്ണയുടെ 5-6 തുള്ളി. നിങ്ങള്‍ ചെയ്യേണ്ടത് എന്താണെന്ന് നോക്കാം. ഒരു നല്ല പേസ്റ്റ് ലഭിക്കുന്നതുവരെ എല്ലാ ചേരുവകളും ഒരു പാത്രത്തില്‍ മിക്‌സ് ചെയ്യുക. ഇത് നിങ്ങളുടെ കൈകളില്‍ പുരട്ടി 2 മിനിറ്റ് മൃദുവായി മസാജ് ചെയ്യുക. ചൂടുവെള്ളം ഉപയോഗിച്ച് കഴുകേണ്ടതാണ്. ഇത് ആഴ്ചയില്‍ 3 തവണ ഇത് ചെയ്യേണ്ടതാണ്. ഈ സ്‌ക്രബുകള്‍ വായു കടക്കാത്ത പാത്രങ്ങളില്‍ സൂക്ഷിച്ച് ആവശ്യാനുസരണം ഉപയോഗിക്കുക. മൃദുവായ കൈകള്‍ക്കായി നിങ്ങള്‍ക്ക് പിന്തുടരാവുന്ന ചില ടിപ്‌സ് ഇതാ.

നുറുങ്ങുകള്‍ ഇതെല്ലാമാണ്

നുറുങ്ങുകള്‍ ഇതെല്ലാമാണ്

കഠിനമായ രാസവസ്തുക്കള്‍ നിറച്ച ഉല്‍പ്പന്നങ്ങള്‍ ഒഴിവാക്കുക. നിങ്ങളുടെ കൈകള്‍ എപ്പോഴും ഈര്‍പ്പമുള്ളതാക്കുക. UV കേടുപാടുകള്‍ ഒഴിവാക്കാന്‍ സണ്‍സ്‌ക്രീന്‍ ഉപയോഗിക്കുക. നിങ്ങളുടെ ദൈനംദിന ചര്‍മ്മ സംരക്ഷണ ദിനചര്യയുടെ ഭാഗമായി ഹാന്‍ഡ് ക്രീമുകള്‍ ഉപയോഗിക്കുക. മൃദുവായതും ഉരച്ചിലുകളില്ലാത്തതുമായ തുണിത്തരങ്ങള്‍ തിരഞ്ഞെടുക്കുക. നിങ്ങളുടെ കുളിയുടെ സമയം പരിമിതപ്പെടുത്തുക. ഇതെല്ലാം ശ്രദ്ധിച്ചാല്‍ കൈകള്‍ സോഫ്റ്റ് ആവും എന്നുള്ളത് യാഥാര്‍ത്ഥ്യം.

English summary

Homemade Scrubs For Soft Hands In Malayalam

Here in this article we are sharing the homemade scrubs for soft hands in malayalam.Take a look
Story first published: Thursday, December 2, 2021, 16:51 [IST]
X