കഴുത്തിലെ ചുളിവ് ഇനി ഇല്ലേയില്ല; മാറ്റാന്‍ എളുപ്പവഴി

കരിംജീരകം ഓയില്‍

ചര്‍മ്മത്തില്‍ ചുളിവുകള്‍ വരാതിരിക്കാനും കേടുപാടുകള്‍ സംഭവിക്കാതിരിക്കാനും നിങ്ങളെ സഹായിക്കുന്ന ഒന്നാണ് കരിംജീരകം ഓയില്‍. ഇത് നിങ്ങളുടെ കഴുത്തിലെ ചുളിവ് അകറ്റാന്‍ സഹായിക്കും. ഒരു പാത്രത്തില്‍ 1 ടേബിള്‍ സ്പൂണ്‍ ഒലിവ് ഓയിലും പെരുംജീരകം എണ്ണയും ചേര്‍ത്ത് മിക്‌സ് ചെയ്യുക. ഇത് കഴുത്തില്‍ 15 മിനിറ്റ് നേരം മസാജ് ചെയ്യുക. മികച്ച ഫലങ്ങള്‍ക്കായി എല്ലാ ദിവസവും ഇങ്ങനെ നിങ്ങള്‍ക്ക് മസാജ് ചെയ്യാവുന്നതാണ്.

അരിപ്പൊടി

എല്ലാ വീടുകളിലും കാണപ്പെടുന്ന ഒന്നാണ് അരിപ്പൊടി. ചര്‍മ്മത്തിന് ധാരാളം ഗുണങ്ങള്‍ നല്‍കുന്ന ഒന്നുകൂടിയാണ് ഇത്. നിങ്ങളുടെ കഴുത്തിലെ ചുളിവ് അകറ്റാന്‍ അരിപ്പൊടി നിങ്ങളെ സഹായിക്കും. ഒരു പാത്രത്തില്‍ അരി പൊടിയും അല്‍പം റോസ് വാട്ടറും നന്നായി ചേര്‍ത്ത് കട്ടിയുള്ള പേസ്റ്റ് രൂപത്തിലാക്കുക. ഇത് നിങ്ങളുടെ കഴുത്തില്‍ മസാജ് ചെയ്ത് കുറച്ച് മിനിറ്റ് നേരം ഉണങ്ങാന്‍ വിടുക. അല്‍പ സമയത്തിന് ശേഷം തണുത്ത വെള്ളത്തില്‍ ഇത് കഴുകിക്കളയുക.

മുട്ടയുടെ വെള്ള

പ്രോട്ടീന്‍ പോലുള്ള സുപ്രധാന പോഷകങ്ങള്‍ അടങ്ങിയതാണ് മുട്ടയുടെ വെള്ള. ഇത് ചര്‍മ്മത്തിന് വളരെയധികം ഗുണങ്ങള്‍ നല്‍കുന്നു. കഴുത്തിലെ ചുളിവുകള്‍ അകറ്റുകയും ചര്‍മ്മം മെച്ചപ്പെടുത്തുകയും ചെയ്യാന്‍ നിങ്ങള്‍ക്ക് മുട്ടയുടെ വെള്ള ഉപയോഗിക്കാം. ഒരു പാത്രത്തില്‍ മഞ്ഞക്കരു മാറ്റി മുട്ടയുടെ വെള്ള വേര്‍തിരിച്ചെടുക്കുക. ഇതിലേക്ക് 2 ടേബിള്‍സ്പൂണ്‍ തേന്‍, 2 ടേബിള്‍സ്പൂണ്‍ ഗ്ലിസറിന്‍, 2 ടേബിള്‍സ്പൂണ്‍ റോസ് വാട്ടര്‍ എന്നിവ ചേര്‍ക്കുക. ഇതെല്ലാം ചേര്‍ത്തിളക്കി കട്ടിയുള്ള പേസ്റ്റ് തയാറാക്കുക. ഇത് നിങ്ങളുടെ കഴുത്തില്‍ പുരട്ടി 20 മിനിറ്റിനു ശേഷം കഴുകി കളയുക. ഏതാനും ഉപയോഗത്തിലൂടെ മാറ്റങ്ങള്‍ നിങ്ങള്‍ക്ക് കാണാനാവും.

കറ്റാര്‍ വാഴ

മുഖം നന്നായി കഴുകി വൃത്തിയാക്കി കറ്റാര്‍ വാഴ ജെല്‍ പ്രയോഗിക്കുക. ഏകദേശം 5 മുതല്‍ 10 മിനിറ്റ് വരെ നിങ്ങളുടെ കഴുത്തില്‍ ഇത് മസാജ് ചെയ്യുക. ശേഷം ചെറുചൂടുള്ള വെള്ളത്തില്‍ കഴുകികളയുക. നിങ്ങളുടെ കഴുത്തിലെ ചുളിവുകള്‍ക്ക് പരിഹാരം കാണാനായി ദിവസത്തില്‍ രണ്ടുതവണ ഇത് നിങ്ങള്‍ക്ക് പ്രയോഗിക്കാവുന്നതാണ്.

ചെറുപയറ്

നിങ്ങളുടെ കഴുത്തിലെ ചര്‍മ്മത്തില്‍ കൊളാജന്‍ ഉത്പാദനം വര്‍ദ്ധിപ്പിക്കുന്നതിന് സഹായിക്കുന്ന പ്രധാന പോഷകങ്ങള്‍ ചെറുപയറില്‍ അടങ്ങിയിരിക്കുന്നു. ഇത് ചര്‍മ്മത്തിന്റെ ഗുണനിലവാരം മെച്ചപ്പെടുത്തുകയും യുവത്വവും ചുളിവില്ലാത്തതുമായ ചര്‍മ്മം നല്‍കാന്‍ സഹായിക്കുകയും ചെയ്യുന്നു. ½ കപ്പ് പയറ് ഒരുരാത്രി വെള്ളത്തില്‍ മുക്കിവയ്ക്കുക. രാവിലെ ഇത് മിക്‌സറില്‍ പൊടിച്ചെടുക്കുക. ഇതിലേക്ക് ½ കപ്പ് തക്കാളി ജ്യൂസ് ചേര്‍ത്ത് പേസ്റ്റ് രൂപത്തിലാക്കി കഴുത്തില്‍ പുരട്ടുക. ആഴ്ചയില്‍ രണ്ടുതവണ ഇത് ചെയ്യുന്നതിലൂടെ നല്ല ഫലങ്ങള്‍ നിങ്ങള്‍ക്ക് കാണാവുന്നതാണ്.

ആപ്പിള്‍ സിഡെര്‍ വിനെഗര്‍

ആപ്പിള്‍ സിഡെര്‍ വിനെഗര്‍ കഴിക്കുന്നതിലൂടെ ധാരാളം ഗുണങ്ങളുണ്ട്. അതിലൊന്നാണ് ശരീരഭാരം കുറയ്ക്കല്‍. ഇതിനു പുറമേ നിങ്ങളുടെ സൗന്ദര്യം കൂടി മെച്ചപ്പെടുത്താനുള്ള കഴിവ് ആപ്പിള്‍ സിഡെര്‍ വിനഗറിനുണ്ട്. 1 ടേബിള്‍ സ്പൂണ്‍ ആപ്പിള്‍ സിഡെര്‍ വിനെഗറും 1 ടേബിള്‍ സ്പൂണ്‍ തേനും ചേര്‍ത്ത് മിക്‌സ് ചെയ്യുക. ഈ മിശ്രിതം കഴുത്തില്‍ പുരട്ടി 15-20 മിനിറ്റ് നേരം കഴിഞ്ഞ് കഴുകിക്കളയുക.