രണ്ടേ രണ്ട് കൂട്ടുകളില്‍ കരുവാളിപ്പ് മാറ്റാം: ഉള്ള നിറം മങ്ങാതെ സൂക്ഷിക്കാം

ചര്‍മ്മം തിളങ്ങാന്‍

ചര്‍മ്മത്തിന് തിളക്കം തിരിച്ച് പിടിക്കുന്നതിന് വേണ്ടി നമുക്ക് തേനും കറ്റാര്‍വാഴയോ അല്ലെങ്കില്‍ കുക്കുമ്പര്‍ നീരോ മിക്‌സ് ചെയ്ത് ഉപയോഗിക്കാവുന്നതാണ്. ഈ മാസ്‌ക് ഉപയോഗിക്കുന്നത് മുഖക്കുരു അകറ്റാന്‍ സഹായിക്കുന്നതോടൊപ്പം തന്നെ ഇത് ചര്‍മ്മത്തെ മോയ്‌സ്ചറൈസ് ചെയ്യുകയും ചെയ്യുന്നു.

ചേരുവകള്‍:

1 ടീസ്പൂണ്‍ തേന്‍

1 ടീസ്പൂണ്‍ കറ്റാര്‍ വാഴ ജെല്‍ അല്ലെങ്കില്‍ കുക്കുമ്പര്‍ ജെല്‍

രീതി: ഒരു പാത്രത്തില്‍, തേനും കറ്റാര്‍ ജെല്ലും ചേര്‍ത്ത് മിക്‌സ് ആക്കി ഇത് പേസ്റ്റ് രൂപത്തില്‍ ആക്കി മുഖത്ത് തേക്കാവുന്നതാണ്.

പിഗ്മെന്റേഷന്‍ കുറക്കാന്‍

ചര്‍മ്മത്തിലെ പിഗ്മെന്റേഷന്‍ കുറക്കുന്നതിന് വേണ്ടി നമുക്ക് മഞ്ഞള്‍ കറ്റാര്‍വാഴ മിശ്രിതം ഉപയോദിക്കാവുന്നതാണ്. ഇത് മുഖത്തെ ഇരുണ്ട പാടുകള്‍ക്കും പരിഹാരം കാണുന്നതിന് സഹായിക്കുന്നു.

ചേരുവകള്‍:

1 ടീസ്പൂണ്‍ കറ്റാര്‍ വാഴ ജെല്‍

½ ടീസ്പൂണ്‍ മഞ്ഞള്‍ പൊടി

രീതി:

ഇത് തയ്യാറാറാക്കുന്നതിന് വേണ്ടി ഒരു പാത്രത്തില്‍ അല്‍പം കറ്റാര്‍വാഴ ജെല്ലും മഞ്ഞള്‍പ്പൊടിയും മിക്‌സ് ചെയ്യുക. അതിന് ശേഷം ഇത് നല്ലതുപോലെ മിക്‌സ് ആക്കുക. ശേഷം ഇത് മുഖത്ത്ത ഉപയോഗിക്കാവുന്നതാണ്.

ചര്‍മ്മം തിളങ്ങാന്‍

ചര്‍മ്മം തിളങ്ങുന്നതിന് വേണ്ടി ഇരട്ടിമധുരവും തൈരും നമുക്ക് ഉപയോഗിക്കാവുന്നതാണ്. ഇത് മുഖത്ത് പുരട്ടുന്നതിലൂടെ ചര്‍മ്മത്തിന്റെ സ്വാഭാവിക നിറം നമുക്ക് തിരിച്ച് പിടിക്കാന്‍ സാധിക്കുന്നു. അതോടൊപ്പം തന്നെ ചര്‍മ്മത്തിലുണ്ടാവുന്ന മറ്റ് അസ്വസ്ഥതകളെ ഇല്ലാതാക്കുന്നതിനും സഹായിക്കുന്നു.

ചേരുവകള്‍:

2 ടീസ്പൂണ്‍ തൈര്

1 ടീസ്പൂണ്‍ ഇരട്ടിമധുരത്തിന്റെ പൊടി

രീതി:

ഈ രണ്ട് ചേരുവകളും ഒരു പാത്രത്തില്‍ പേസ്റ്റ് രൂപത്തില്‍ കുഴച്ചെടുത്ത് ഇത് മുഖത്ത് നല്ലതുപോലെ തേച്ച് പിടിപ്പിക്കാവുന്നതാണ്.

എണ്ണമയമുള്ള ചര്‍മ്മം

എണ്ണമയമുള്ള ചര്‍മ്മം പലര്‍ക്കും അസ്വസ്ഥത ഉണ്ടാക്കുന്നതാണ്. എന്നാല്‍ ഇത്തരം അവസ്ഥകളില്‍ അതിന് പരിഹാരം കാണുന്നതിന് വേണ്ടി നമുക്ക് കളിമണ്ണും റോസ് വാട്ടറും മിക്‌സ് ചെയ്ത് ഉപയോഗിക്കാം. ഇത് മാത്രമല്ല ബ്ലാക്ക്‌ഹെഡ്‌സ് എന്ന വില്ലനെ ഇല്ലാതാക്കുന്നതിനും ഈ ഫേസ്മാസ്‌ക് സഹായിക്കുന്നു.

ചേരുവകള്‍:

1 ടീസ്പൂണ്‍ കളിമണ്ണ്

2 ടീസ്പൂണ്‍ റോസ് വാട്ടര്‍

രീതി:

ഈ രണ്ട് മിശ്രിതങ്ങളും കൂടി ഒരു പാത്രത്തില്‍ എടുത്ത് അത് നല്ലതുപോലെ മിക്‌സ് ചെയ്ത് പേസ്റ്റ് പരുവത്തില്‍ ആക്കുക. ഇത്തരത്തില്‍ ചെയ്യുന്നതിലൂടെ അത് ചര്‍മ്മത്തില്‍ വരുത്തുന്ന മാറ്റം നിസ്സാരമല്ല. ചര്‍മ്മത്തില്‍ തേച്ച് പിടിപ്പിച്ച് പതിനഞ്ച് മിനിറ്റ് കഴിഞ്ഞ് കഴുകിക്കളയാവുന്നതാണ്.

വരണ്ട ചര്‍മ്മം

വരണ്ട ചര്‍മ്മത്തിന് പരിഹാരം കാണുന്നതിന് നമുക്ക് ഷിയബട്ടറും കറ്റാര്‍വാഴ നീരും ഉപയോഗിക്കാവുന്നതാണ്. ഈ ഫേസ് മാസ്‌ക് വരണ്ട ചര്‍മ്മം ഇല്ലാതാക്കുന്നതോടൊപ്പം തന്നെ കറുത്ത പാടുകളെ ഇല്ലാതാക്കുകയും അത് വഴി ചര്‍മ്മത്തിന്റെ വീക്കം കുറക്കുന്നതിന് സഹായിക്കുകയും ചെയ്യുന്നു.

ചേരുവകള്‍:

1 ടേബിള്‍സ്പൂണ്‍ കറ്റാര്‍ വാഴ ജെല്‍

1 ടീസ്പൂണ്‍ ഷിയ ബട്ടര്‍

രീതി:

ഒരു പാത്രത്തില്‍ ഷിയ ബട്ടര്‍ എടുത്ത് ഇതിലേക്ക് കറ്റാര്‍വാഴ ജെല്‍ മിക്‌സ് ചെയ്യുക. ഇത് മുഖത്ത് നല്ലതുപോലെ തേച്ച് പിടിപ്പിച്ച് പതിനഞ്ച് മിനിറ്റിന് ശേഷം കഴുകിക്കളയാവുന്നതാണ്. ഇത് മുകളില്‍ പറഞ്ഞ എല്ലാ ഗുണങ്ങളും നിങ്ങള്‍ക്ക് നല്‍കുന്നു.

സുഷിരങ്ങള്‍ ഇല്ലാതാക്കുന്നതിന്

ചര്‍മ്മത്തിലെ സുഷിരങ്ങള്‍ പലര്‍ക്കും വെല്ലുവിളി ഉയര്‍ത്തുന്നതാണ്. എന്നാല്‍ ഇതിന് പരിഹാരം കാണുന്നതിന് വേണ്ടി നമുക്ക് മുട്ടയുടെ വെള്ള അല്ലെങ്കില്‍ കറ്റാര്‍ വാഴ ജെല്‍ അതിനോടൊപ്പം അല്‍പം കാപ്പിപ്പൊടി എന്നിവ മാത്രം മതി. ഇത് മുഖത്തെ ബ്ലാക്ക്‌ഹെഡ്‌സും ഇല്ലാതാക്കുന്നതിന് സഹായിക്കുന്നു.

ചേരുവകള്‍:

1 മുട്ടയുടെ വെള്ള അല്ലെങ്കില്‍ 1 ടീസ്പൂണ്‍ കറ്റാര്‍ വാഴ ജെല്‍

1 ടീസ്പൂണ്‍ കാപ്പിപ്പൊടി

രീതി:

ഒരു പാത്രത്തില്‍ ഈ പറഞ്ഞ മിശ്രിതം എടുത്ത് നല്ലതുപോലെ മിക്‌സ് ചെയ്യുക. മുട്ടയുടെ വെള്ളയാണ് എടുക്കുന്നതെങ്കില്‍ അത് നിങ്ങള്‍ക്ക് നല്ലതുപോലെ പതപ്പിച്ചെടുക്കുന്നതിന് ശ്രദ്ധിക്കണം. ഇവ മിക്‌സ് ചെയ്ത ശേഷം മുഖത്ത് ഉപയോഗിക്കാം. മുകളില്‍ പറഞ്ഞ ഗുണങ്ങള്‍ എല്ലാം തന്നെ ലഭിക്കുന്നു.

മറ്റ് വഴികള്‍

മുഖത്തിന് ആരോഗ്യവും ചര്‍മ്മവും ലഭിക്കുന്നതിന് വേണ്ടി നമുക്ക് ചില കാര്യങ്ങള്‍ ശ്രദ്ധിക്കാവുന്നതാണ്. അതിന് വേണ്ടി ആദ്യം തന്നെ മുഖം നല്ലതുപോലെ വൃത്തിയായി കഴുകിയെടുക്കണം. ശേഷം വേണം ഈ മുകളില്‍ പറഞ്ഞ ഏത് ഫേസ്മാസ്‌കും ഉപയോഗിക്കേണ്ടത്. ഇവ കണ്ണിന് മുകളില്‍ പുരട്ടുന്നത് ഒഴിവാക്കേണ്ടതാണ്. ഇത് കൂടാതെ മാസ്‌ക് ഇട്ടതിന് ശേഷം ഫാനിന്റെ അടിയില്‍ ഇരിക്കുമ്പോള്‍ മാസ്‌ക് നിങ്ങളുടെ മുഖത്ത് 10 മുതല്‍ 15 മിനിറ്റ് വരെ ഇരിക്കുന്നതിന് ശ്രദ്ധിക്കണം. ശേഷം ശുദ്ധമായ വെള്ളത്തില്‍ മുഖം കഴുകുക. വേണമെങ്കില്‍ വീര്യം കുറഞ്ഞ ക്ലെന്‍സറുകള്‍ ഉപയോഗിക്കാവുന്നതാണ്.