വേനലിൽ ചർമ്മത്തിന് തണുപ്പും കരുതലും; ഉത്തമം ഈ ഫേസ് മാസ്‌കുകള്‍

വെള്ളരിക്ക -കറ്റാർവാഴ മാസ്ക്

പ്രകൃതിദത്തമായ മികച്ച രണ്ടു ചേരുവകളാണ് വെള്ളരിക്കയും കറ്റാർ വാഴയും.ശരീരത്തെയും ചർമ്മത്തെയും തണുപ്പിക്കാൻ ഇവ രണ്ടും കേമമാണ്.

ചേരുവകൾ

1/ 2 വെള്ളരിക്ക

1 ടേബിൾ സ്പൂൺ കറ്റാർവാഴ ജെൽ

തയ്യാറാക്കുന്ന വിധം

വെള്ളരിക്കയും കറ്റാർവാഴ ജെല്ലും നന്നായി യോജിപ്പിച്ചു ഒരു മിക്സ് തയ്യാറാക്കുക.ഇത് മുഖത്തു പുരട്ടി 10 -15 മിനിറ്റുകൾക്ക് ശേഷം തണുത്തവെള്ളത്തിൽ നന്നായി കഴുകുക.

ഗുണങ്ങൾ

വെള്ളരിക്ക കഴിക്കുന്നതുതന്നെ ശരീരത്തിന് നല്ലതാണ്.വേനൽച്ചൂടിൽ ശരീരത്തിന് കുളിർമ നല്കാൻ ജലാംശം ധാരാളം അടങ്ങിയ വെള്ളരിക്ക ഉത്തമമാണ്.അതുപോലെ ചർമ്മത്തിന് തണുപ്പ് നല്കാൻ വെള്ളരിക്ക സഹായിക്കുന്നു.ചർമ്മത്തിന് ജലാംശം നൽകാനും മൃദുത്വവും ആരോഗ്യവും നല്കാൻ സഹായിക്കുന്ന പ്രകൃതിയുടെ വരദാനമാണ് കറ്റാർവാഴ.ഇവ രണ്ടും ചേരുമ്പോൾ ചർമ്മത്തിന് തണുപ്പും മൃദുത്വവും ലഭിക്കും.ചൂട് കൊണ്ടുള്ള ചർമ്മത്തിന്റെ വീക്കവും ,ചുവപ്പും കുറയുകയും ചെയ്യും.

പുതിന -തൈര് മാസ്ക്

പുതിനയും തൈരും ഭക്ഷണത്തിനൊപ്പം കഴിക്കാൻ മാത്രമല്ല ചർമ്മത്തിൽ പുരട്ടാനും മികച്ചതാണ്.വേനലിൽ തണുപ്പും തെളിച്ചവും മുഖത്ത് ലഭിക്കാൻ അനുയോജ്യമായ ഒരു മാസ്കാണിത് .

ചേരുവകൾ

1/ 2 കപ്പ് തൈര്

1/ 4 കപ്പ് പുതിനയില

തയ്യാറാക്കുന്ന വിധം

പുതിനയില ചതച്ചു തൈരുമായി യോജിപ്പിക്കുക.ഇത് മുഖത്തു പുരട്ടി 10 -15 മിനിട്ടുകൾക്ക് ശേഷം കഴുകിക്കളയുക

ഗുണങ്ങൾ

ചർമ്മത്തെ തണുപ്പിക്കാൻ പുതിന മികച്ചതാണ്.തൈരിലിലെ ലാക്റ്റിക് ആസിഡ് ചർമ്മത്തിലെ മൃതകോശങ്ങളെ നീക്കി വെളുത്തു തെളിച്ചമുള്ള ചർമ്മം നിങ്ങൾക്ക് സമ്മാനിക്കുന്നു.

റോസ്‌വാട്ടർ - ചന്ദനം മാസ്ക്

ചന്ദനം ചർമ്മത്തെ തണുപ്പിക്കാൻ കഴിവുള്ള ഒന്നാണെന്ന് നിങ്ങൾക്ക് അറിയാമല്ലോ.ചന്ദനത്തിനൊപ്പം ജലാംശം നിലനിർത്താൻ കഴിവുള്ള റോസ്‌വാട്ടറും കൂടി ചേരുമ്പോൾ മികച്ച ഒരു മാസ്ക് ആകും.

ചേരുവകൾ

1 ടേബിൾസ്പൂൺ ചന്ദനം പൊടി

1 ടേബിൾസ്പൂൺ റോസ് വാട്ടർ

തയ്യാറാക്കുന്ന വിധം

ചന്ദനം റോസ് വാട്ടറിൽ ചേർത്ത് പേസ്റ്റ് പരുവമാക്കുക.ഇത് മുഖത്തു പുരട്ടി 10 -15 മിനിട്ടുകൾക്ക് ശേഷം കഴുകിക്കളയുക.

ഗുണങ്ങൾ

ചന്ദനം ചർമ്മത്തെ തണുപ്പിക്കാനും ,റോസ്‌വാട്ടർ ചർമ്മത്തിന് ജലാംശവും നിറവും നിലനിർത്താനും സഹായിക്കുന്നു .

ഗ്രീൻ ടി -തേൻ മാസ്ക്

ചർമ്മ സംരക്ഷണത്തിന് ഗ്രീൻ ടി പല വിധത്തിൽ ഉപയോഗിക്കാവുന്നതാണ്.ആന്റി ഓക്‌സിഡന്റുകൾ നിറഞ്ഞ ഗ്രീൻ ടി യും പ്രകൃതിദത്തമായ തേനും കൂടി ചേരുമ്പോൾ ചർമ്മസംരക്ഷണം ഉറപ്പാക്കും.

ചേരുവകൾ

1 ടേബിൾസ്പൂൺ ഗ്രീൻ ടി

1 ടേബിൾസ്പൂൺ തേൻ

തയ്യാറാക്കുന്ന വിധം

ഗ്രീൻ ടി ഇലകൾ കുറച്ചു ചൂട് വെള്ളത്തിൽ 5 -10 മിനിറ്റ് ഇട്ട് വയ്ക്കുക .ഇലകൾ അരിച്ചുമാറ്റിയ ശേഷം ആ വെള്ളത്തിൽ തേനും ചേർത്ത് ഒരു പേസ്റ്റ് തയ്യാറാക്കുക .അത് മുഖത്തു പുരട്ടി 10 -15 മിനിട്ടുകൾക്ക് ശേഷം തണുത്ത വെള്ളത്തിൽ കഴുകുക.

ഗുണങ്ങൾ

ആന്റി ഓക്‌സിഡന്റുകൾ നിറഞ്ഞ ഗ്രീൻ ടി ചർമ്മത്തിന് തണുപ്പ് നല്കാൻ ഉത്തമമാണ്.ജലാംശം നിലനിർത്താനും ചർമ്മത്തെ മൃദുവാക്കാനും കഴിവുള്ള തേനും കൂടി ചേരുമ്പോൾ നല്ലൊരു ഫെയിസ് മാസ്ക് ആകും.

വേനലിൽ ഒഴിവാക്കേണ്ടവ

വേനലിൽ ചില ചേരുവകൾ നമ്മുടെ ചർമ്മത്തിന് ദോഷകരമായി തീരും.കടുത്ത ചൂടും പൊടിയും ഈ ചേരുവകളും കൂടിയാകുമ്പോൾ ചർമ്മത്തിൽ ചൊറിച്ചിൽ,അസ്വസ്ഥത എന്നിവ ഉണ്ടാകും.അതിനാൽ ചൂട് കാലത്തു ചർമ്മത്തിന് തണുപ്പ് നൽകുന്ന കെമിക്കലുകൾ ഇല്ലാത്ത ചേരുവകൾ ഉപയോഗിക്കുക. പ്രകൃതിദത്തവും ഗുണമേന്മയുള്ളതുമായ ഫെയിസ് മാസ്‌കുകളാണ് വേനലിൽ മികച്ചത്.