For Quick Alerts
ALLOW NOTIFICATIONS  
For Daily Alerts

പൊരിവെയിലില്‍ ഇറങ്ങുമ്പോള്‍ സണ്‍സ്‌ക്രീന്‍ നിര്‍ബന്ധം; നേട്ടം നിരവധി

|

വേനല്‍ക്കാലത്ത് പുറത്തിറങ്ങുമ്പോള്‍ മിക്കവരും സൗന്ദര്യം സംരക്ഷിക്കാനായി സണ്‍സ്‌ക്രീന്‍ ലോഷന്‍ പുരട്ടുന്നു. തികച്ചും ശരിയായൊരു നടപടിയാണ് ഇത്. കാരണം വേനല്‍ച്ചൂടില്‍ നിന്ന് രക്ഷനേടാനായി സണ്‍സ്‌ക്രീന്‍ പുരട്ടുന്നതിലൂടെ നിരവധി ചര്‍മ്മസംരക്ഷണ ഗുണങ്ങള്‍ നിങ്ങള്‍ക്ക് ലഭിക്കുന്നു. ശരീരത്തിന് ആവശ്യമായ വിറ്റാമിന്‍ ഡിയുടെ ഉറവിടമാണ് സൂര്യരശ്മികള്‍. ഇത് ശരീരത്തില്‍ തട്ടിക്കേണ്ടതും പ്രധാനമാണ്. എന്നാല്‍ സണ്‍സ്‌ക്രീന്‍ ലോഷനുകള്‍ ഇല്ലാതെ അമിതമായി സൂര്യപ്രകാശം തട്ടുന്നത് നിങ്ങളുടെ ആരോഗ്യത്തെ അപകടത്തിലാക്കും.

Most read: വേനല്‍ച്ചൂടില്‍ മുഖക്കുരു തടയാം; ഇവ പരീക്ഷിക്കൂ

വേനലില്‍ മാത്രമാണ് ഇത് ഉപയോഗിക്കുന്നത് അധികമായി കാണുന്നതെങ്കിലും എല്ലാ എല്ലാ കാലാവസ്ഥയിലും സണ്‍സ്‌ക്രീന്‍ ലോഷന്‍ പുരട്ടാമെന്ന് മിക്ക ആളുകള്‍ക്കും അറിയില്ല. മഴക്കാലത്തും അതുപോലെതന്നെ തണുപ്പുള്ള ശൈത്യകാലത്തും നിങ്ങള്‍ക്ക് സണ്‍സ്‌ക്രീന്‍ ലോഷന്‍ പുരട്ടാവുന്നതാണ്. ദോഷകരമായ അള്‍ട്രാവയലറ്റ് രശ്മികളില്‍ നിന്ന് ചര്‍മ്മത്തെ സംരക്ഷിക്കുകയും സൂര്യപ്രകാശം മൂലം ചര്‍മ്മത്തിന് ഉണ്ടാകുന്ന നാശങ്ങള്‍ കുറയ്ക്കുകയും ചെയ്യുന്ന ഗുണങ്ങള്‍ സണ്‍സ്‌ക്രീന്‍ ലോഷനില്‍ അടങ്ങിയിട്ടുണ്ട്. വേനല്‍ക്കാലത്ത് സണ്‍സ്‌ക്രീന്‍ ലോഷന്‍ പുരട്ടുന്നതിലൂടെ നിങ്ങള്‍ക്ക് ലഭിക്കുന്ന ഗുണങ്ങള്‍ എന്തൊക്കെയെന്ന് അറിയാന്‍ ലേഖനം വായിക്കൂ.

അകാല വാര്‍ദ്ധക്യം തടയുന്നു

അകാല വാര്‍ദ്ധക്യം തടയുന്നു

ചെറുപ്പവും സുന്ദരവും ആരോഗ്യകരവുമായ ചര്‍മ്മമാണ് എല്ലാവരുടേയും സ്വപ്‌നം. സണ്‍സ്‌ക്രീന്‍ ലോഷനുകള്‍ പതിവായി ഉപയോഗിക്കുന്ന 55 വയസ്സിന് താഴെയുള്ള ആളുകള്‍ക്ക് അകാല വാര്‍ദ്ധക്യത്തിനുള്ള സാധ്യത 24 ശതമാനം കുറവാണെന്ന് നിരവധി പഠനങ്ങള്‍ അവകാശപ്പെടുന്നു.

സ്‌കിന്‍ കാന്‍സര്‍ സാധ്യത കുറയ്ക്കുന്നു

സ്‌കിന്‍ കാന്‍സര്‍ സാധ്യത കുറയ്ക്കുന്നു

അള്‍ട്രാവയലറ്റ് രശ്മികളുമായി സമ്പര്‍ക്കം പുലര്‍ത്തുന്നതിലൂടെ ചര്‍മ്മത്തിന് അതിന്റെ സംരക്ഷിത പാളി നഷ്ടപ്പെടാന്‍ തുടങ്ങും, ഇത് ചര്‍മ്മത്തെ കാന്‍സര്‍, പ്രത്യേകിച്ച് മെലനോമ പോലുള്ള ചര്‍മ്മ വൈകല്യങ്ങള്‍ക്ക് ഇരയാക്കുന്നു. പതിവായി സണ്‍സ്‌ക്രീന്‍ പുരട്ടുന്നതിലൂടെ ചര്‍മ്മത്തിന് ഒരു സംരക്ഷണ കവചമായി നിലനിര്‍ത്താനും കാന്‍സറില്‍ നിന്ന് രക്ഷനേടാനും സഹായിക്കും.

Most read: പ്രായം 40 കഴിഞ്ഞോ? സൗന്ദര്യത്തിന് വേണ്ടത് ഈ ശീലമാണ്

സൂര്യതാപം തടയുന്നു

സൂര്യതാപം തടയുന്നു

സണ്‍സ്‌ക്രീന്‍ പുരട്ടാതെ കഠിനമായ സൂര്യപ്രകാശം ഏറെനേരം കൊള്ളുന്നത് ചിലപ്പോള്‍ ചര്‍മ്മത്തില്‍ സൂര്യതാപത്തിന് കാരണമായേക്കാം. ഇത് ചര്‍മ്മത്തിന്റെ പുറംതൊലിയില്‍ ചുവപ്പ്, മങ്ങിയ ചര്‍മ്മം, ചൊറിച്ചില്‍, സെന്‍സിറ്റീവ് ചര്‍മ്മം എന്നിവയ്ക്ക് കാരണമാകും. സണ്‍സ്‌ക്രീന്‍ ലോഷന്‍ പുരട്ടുന്നതിലൂടെ നിങ്ങള്‍ക്ക് സൂര്യതാപം തടയവുന്നതാണ്.

Most read: ഈ പഴത്തിന്റെ ഉപയോഗമെങ്കില്‍ മുഖത്തെ മാറ്റം അത്ഭുതം

ടാനിംഗ് തടയുന്നു

ടാനിംഗ് തടയുന്നു

സൂര്യന്റെ അള്‍ട്രാവയലറ്റ് രശ്മികള്‍ നിങ്ങളുടെ ചര്‍മ്മത്തെ അപകടത്തിലാക്കുന്നു. ഈ സാഹചര്യം ഒഴിവാക്കാന്‍, 30 അല്ലെങ്കില്‍ അതില്‍ കൂടുതലുള്ള സണ്‍ പ്രൊട്ടക്ഷന്‍ അടങ്ങിയ സണ്‍സ്‌ക്രീന്‍ ഉപയോഗിക്കുക.

സണ്‍ പ്രൊട്ടക്ഷന്‍

സണ്‍ പ്രൊട്ടക്ഷന്‍

സണ്‍ പ്രൊട്ടക്ഷന്‍ ഫാക്ടര്‍ (എസ്.പി.എഫ്) ആണ് സണ്‍സ്‌ക്രീനുകളുടെ ഗുണനിലവാരം അറിയാന്‍ സഹായിക്കുന്ന മാനദണ്ഡം. അതിനാല്‍ ഉയര്‍ന്ന എസ്.പി.എഫ് അടങ്ങിയ സണ്‍സ്‌ക്രീനുകള്‍ ഉപയോഗിക്കുക. എസ്.പി.എഫ് 50 ഒക്കെ അടങ്ങുന്നവ വാങ്ങുക.

ശ്രദ്ധിക്കാന്‍

ശ്രദ്ധിക്കാന്‍

സൂര്യപ്രകാശം തട്ടുന്ന ചര്‍മ്മ ഭാഗത്തെല്ലാം സണ്‍സ്‌ക്രീന്‍ പ്രയോഗിക്കുക. നിങ്ങളുടെ പുറം, ചെവി, കാല്‍മുട്ടിന് പിന്നില്‍, കാലുകള്‍ എന്നിവ പോലുള്ള അവഗണിക്കപ്പെടുന്ന പ്രദേശങ്ങളിലും ഇത് പുരട്ടുക.

Most read: വരണ്ട മുടി മിനുസമാര്‍ന്നതാക്കാന്‍ ചില സൂത്രപ്പണികള്‍

കുട ഉപയോഗിക്കുക

കുട ഉപയോഗിക്കുക

സണ്‍സ്‌ക്രീന്‍ പുരട്ടിയാലും അമിതമായ സൂര്യപ്രകാശം ചര്‍മ്മത്തെ ദോഷകരമായി ബാധിച്ചേക്കാം. അതിനാല്‍ അമിത വെയിലില്‍ നിന്ന് രക്ഷ നേടാന്‍ ഒരു കുട കൂടി ഉപയോഗപ്പെടുത്താം. സൂര്യപ്രകാശം അമിതമായി ഏല്‍ക്കുന്ന 10നും 4നും ഇടയിലുള്ള സമയങ്ങളില്‍ നേരിട്ട് സൂര്യപ്രകാശം കൊള്ളാതിരിക്കുക.

English summary

Benefits Of Using Sunscreen In Summer in Malayalam

Sunscreen works by absorbing and reflecting both UVA and UVB rays. Read on the benefits of using sunscreen in summer.
X