Just In
- 1 hr ago കഠിനാധ്വാനം വിജയം കാണും, അപ്രതീക്ഷിത സൗഭാഗ്യം മുന്നിലെത്തും; രാശിഫലം
- 6 hrs ago ജപ്പാന്കാരുടെ ദീര്ഘായുസ്സിന്റെ രഹസ്യം ഇതാണ്; ഇത് മാതൃകയാക്കിയാല് നമുക്കും നേടാം ദീര്ഘായുസ്സ്
- 6 hrs ago ഓവുലേഷന് തിരിച്ചറിഞ്ഞ് മുന്നോട്ട് പോയാല് ഗര്ഭധാരണം ആദ്യദിനം അറിയാം
- 7 hrs ago മുഖത്തെ കരുവാളിപ്പിന് അടുക്കളക്കൂട്ടില് പെട്ടെന്ന് പരിഹാരം
Don't Miss
- News മുക്താര് അന്സാരി അന്തരിച്ചു, ജയിലില് വെച്ച് ഹൃദയാഘാതം; യുപിയില് വന് ജാഗ്രത
- Sports IPL 2024: സഞ്ജുവിന്റെ ധൈര്യം അപാരം, ആ സാഹസം കളി ജയിപ്പിച്ചു! കിടു ക്യാപ്റ്റന്സി
- Movies നിനക്ക് പോയത് ഗബ്രിയില്, അവനെ മാറ്റി നിര്ത്തണം എന്ന് റസ്മിന്; ഗെയിം കളഞ്ഞത് വീട്ടുകാരെന്ന് ജാസ്മിന്
- Automobiles ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
- Travel ബാംഗ്ലൂർ-ചെന്നൈ യാത്രയ്ക്ക് ഡബിൾ ഡെക്കർ ട്രെയിൻ; പുതിയ സമയക്രമം മേയ് 1 മുതല്, ഒരു മണിക്കൂർ നേരത്തേ എത്താം
- Technology സാംസങ് രചിച്ച പുതിയ ഇതിഹാസം! എം സീരീസിന് ആവേശം പകർന്ന് M55 5G ലോഞ്ച് ചെയ്തു
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
ആരോഗ്യമുള്ള സുന്ദരമായ ചര്മ്മം നേടാന് ചെയ്യേണ്ട വഴിയിത്
കുറ്റമറ്റതും തിളക്കമുള്ളതുമായ ചര്മ്മം ആരാണ് ആഗ്രഹിക്കാത്തത്? നിരവധി ഉല്പ്പന്നങ്ങള് വിപണിയില് നിറഞ്ഞുനില്ക്കുന്നതിനാല്, ഏതാണ് ശരിയെന്നും അവ ചര്മ്മത്തിന്റെ ആരോഗ്യത്തെ എങ്ങനെ ബാധിക്കുമെന്നും നമ്മില് പലര്ക്കും ഉറപ്പില്ല. അതിനാല്, ആരോഗ്യമുള്ള ചര്മ്മത്തിനായി സ്ഥിരമായ ചര്മ്മസംരക്ഷണ ദിനചര്യയും മറ്റ് ചില നുറുങ്ങുകളും പിന്തുടരേണ്ടത് ആവശ്യമാണ്. ജലാംശം നിലനിര്ത്തുക, ആവശ്യത്തിന് ഉറങ്ങുക തുടങ്ങിയ ചില അടിസ്ഥാന നിയമങ്ങള് നമ്മള് പാലിക്കേണ്ടതുണ്ട്. പണം ചിലവാക്കാതെ തന്നെ ആരോഗ്യമുള്ള ചര്മ്മം നേടാനായി നിങ്ങള് പിന്തുടരേണ്ട ചില മികച്ച ടിപ്സുകള് ഈ ലേഖനത്തിലൂടെ നിങ്ങള്ക്ക് വായിച്ചറിയാം.
Most read: മുഖത്തെ കുഴികള് നിങ്ങള്ക്ക് പ്രശ്നമാണോ? ഈ വീട്ടുവൈദ്യത്തിലുണ്ട് പരിഹാരം
സൂര്യനില് നിന്ന് പരിരക്ഷ
ചര്മ്മസംരക്ഷണ ദിനചര്യയില് സണ്സ്ക്രീന് ഒരു അനിവാര്യമായ ഘടകമാണ്. ആരോഗ്യമുള്ള ചര്മ്മം ലഭിക്കുന്നതിനുള്ള ഏറ്റവും നല്ല മാര്ഗമാണ് ഇത്. സൂര്യനില് നിന്ന് വിറ്റാമിന് ഡി ലഭിക്കുന്നുണ്ടെങ്കിലും, അമിതമായി സൂര്യപ്രകാശം എക്സ്പോഷര് ചെയ്ത് അള്ട്രാവയലറ്റ് രശ്മികള് ചര്മ്മത്തിന് കേടുപാടുകള് വരുത്തും. നിങ്ങള് വെയിലത്ത് പോകുമ്പോഴെല്ലാം, സംരക്ഷണത്തിനായി SPF ഉള്ള സണ്സ്ക്രീന് പുരട്ടുന്നത് ഉറപ്പാക്കുക. സീസണ് പരിഗണിക്കാതെ തന്നെ സണ്സ്ക്രീന് ചര്മ്മത്തിന് നിര്ബന്ധമാണ്. നിങ്ങളുടെ ചര്മ്മത്തിന്റെ തരത്തിന് അനുയോജ്യമായ സണ്സ്ക്രീന് തിരഞ്ഞെടുക്കുക.
പുകവലിക്കരുത്
പുകവലി ആരോഗ്യത്തിന് ഹാനികരമാണെന്ന് നമുക്കെല്ലാം അറിയാം. ദോഷകരമായ ഫലത്തിനൊപ്പം, പുകവലി നിങ്ങളുടെ ശരീരത്തെ ബാധിക്കുന്നു. ഇത് ചര്മ്മത്തിലേക്കുള്ള ഓക്സിജന്റെ വിതരണത്തെ നിയന്ത്രിക്കുകയും ചര്മ്മകോശങ്ങളെ വേഗത്തില് നശിപ്പിക്കുകയും ചെയ്യുന്നു. അതിനാല്, സ്വാഭാവികമായും ആരോഗ്യമുള്ള ചര്മ്മം ലഭിക്കുന്നതിന് പുകവലി ശീലമുണ്ടെങ്കില് അത് നിര്ത്തുന്നതാണ് നല്ലത്.
Most read:മങ്ങിയ ചര്മ്മം നീക്കി തിളക്കമാര്ന്ന മുഖം ഉറപ്പു നല്കും ഈ കൂട്ടുകള്
ചര്മ്മത്തെ മോയ്സ്ചറൈസ് ചെയ്യുക
നിങ്ങളുടെ മുഖത്ത് ഏതെങ്കിലും ഉല്പ്പന്നം പ്രയോഗിക്കുമ്പോള് നിങ്ങളുടെ കൈകള് വൃത്തിയുള്ളതും ചര്മ്മത്തില് മൃദുവായിരിക്കുന്നതും ഉറപ്പാക്കുക. ഇവ രണ്ടും ആരോഗ്യമുള്ള ചര്മത്തിനുള്ള ഏറ്റവും മികച്ച സൗന്ദര്യ ടിപ്സുകളാണ്. ആരോഗ്യമുള്ള ചര്മ്മത്തിന് ജലാംശം നിലനിര്ത്തുന്നത് പോലെ തന്നെ പ്രധാനമാണ് നല്ലൊരു മോയ്സ്ചറൈസര്. ഒരു നല്ല മോയ്സ്ചറൈസര് നിങ്ങളുടെ ചര്മ്മത്തില് അടങ്ങിയിരിക്കുന്ന ഈര്പ്പം പൂട്ടി, അത് നന്നായി ജലാംശം നിലനിര്ത്തുന്നു. ചര്മ്മ സംരക്ഷണ ദിനചര്യയില് മോയ്സ്ചറൈസേഷന് ശീലമാക്കുക. ഇത് നിങ്ങളുടെ ചര്മ്മത്തെ മൃദുവും മിനുസമാര്ന്നതുമാക്കുന്നു.
സമ്മര്ദ്ദം നിയന്ത്രിക്കുക
വിട്ടുമാറാത്ത സമ്മര്ദ്ദം നിങ്ങളുടെ ചര്മ്മത്തിന് ഗുരുതരമായ നാശനഷ്ടങ്ങള് ഉണ്ടാക്കുന്നു, ഒപ്പം ചര്മ്മപ്രശ്നങ്ങളും. സമ്മര്ദ്ദത്തിന്റെ മൂലകാരണം കൈകാര്യം ചെയ്യാന് നിങ്ങള്ക്ക് ധ്യാനം, യോഗ, അല്ലെങ്കില് സമ്മര്ദ്ദം ഇല്ലാതാക്കുന്ന പ്രവര്ത്തനങ്ങള് എന്നിവ ഉള്പ്പെടുത്താം. ഇതിന് കുറച്ച് സമയമെടുത്തേക്കാമെങ്കിലും, കാലക്രമേണ വിട്ടുമാറാത്ത സമ്മര്ദ്ദത്തെ നേരിടാന് നിങ്ങള്ക്ക് കഴിയും. ഇത് നിങ്ങളുടെ ചര്മ്മത്തെ തിളക്കമുള്ളതാക്കുകയും ആരോഗ്യകരമായ ചര്മ്മം നിലനിര്ത്താന് സഹായിക്കുകയും ചെയ്യും.
ദിവസവും വ്യായാമം ചെയ്യുക
ജോലി സാഹചര്യവും സമയക്കുറവും കൊണ്ട്, നമ്മില് പലര്ക്കും വര്ക്ക്ഔട്ട് ചെയ്യാന് സമയമില്ല. ശാരീരിക പ്രവര്ത്തനങ്ങളുടെ അഭാവം ചര്മ്മത്തിന്റെ തിളക്കം കുറയ്ക്കുന്നതിനുള്ള പ്രധാന കാരണങ്ങളിലൊന്നാണ്. നിങ്ങളുടെ ദിനചര്യയില് യോഗ, ജോഗിംഗ്, ഓട്ടം തുടങ്ങിയ പ്രവര്ത്തനങ്ങള് ഉള്പ്പെടുത്തി നിങ്ങളുടെ മുഴുവന് ശരീരത്തെയും ശുദ്ധീകരിക്കുക. വ്യായാമശീലം നിങ്ങളുടെ ചര്മ്മത്തിന് ഒരു അതുല്യമായ തിളക്കം നല്കുന്നു, ഇത് ആരോഗ്യകരമായ ചര്മ്മത്തിനുള്ള മികച്ച പ്രതിവിധികളില് ഒന്നാണ്.
ആവശ്യത്തിന് ഉറങ്ങുക
ആരോഗ്യമുള്ള ചര്മ്മത്തിനുള്ള ഏറ്റവും മികച്ച ടിപ്പുകളില് ഒന്നാണിത്. അപര്യാപ്തമായ ഉറക്കം നിങ്ങളുടെ കണ്ണുകള്ക്ക് താഴെ കറുത്ത പാടുകള്ക്ക് കാരണമാകുന്നു. ഉറക്കമില്ലെങ്കില് നിങ്ങളുടെ ചര്മ്മം നിങ്ങളെപ്പോലെ തന്നെ തളര്ന്നുപോകുന്നു, അതിനാല് എല്ലാ ദിവസവും കുറഞ്ഞത് എട്ട് മണിക്കൂറെങ്കിലും ഉറങ്ങേണ്ടത് ആവശ്യമാണ്. പല ഡെര്മറ്റോളജിസ്റ്റുകളും ഉറങ്ങാന് പോകുന്നതിനു മുമ്പ് നിങ്ങളുടെ മുഖം കഴുകി മോയ്സ്ചറൈസ് ചെയ്യാന് നിര്ദ്ദേശിക്കുന്നു.
Most read:കുടിക്കാന് മാത്രമല്ല; ഗ്രീന് ടീ മുഖത്തെങ്കില് തിളങ്ങുന്ന ചര്മ്മം ഞൊടിയിടയില്
ജലാംശം നിലനിര്ത്തുക
ധാരാളം വെള്ളം കുടിക്കാന് പല ഡോക്ടര്മാരും പറയുന്നത് നമ്മള് പലപ്പോഴും കേള്ക്കുന്നതാണ്. ശരീരത്തില് ജലാംശം നിലനിര്ത്താന് പ്രതിദിനം കുറഞ്ഞത് എട്ട് ഗ്ലാസ് വെള്ളം കുടിക്കുക. തണ്ണിമത്തന്, ഓറഞ്ച്, കുക്കുമ്പര്, മുന്തിരി, സ്ട്രോബെറി, കൂടാതെ ജലാംശം കൂടുതലുള്ള ചില ഭക്ഷണങ്ങളും നിങ്ങള്ക്ക് ഉള്പ്പെടുത്താം. ചര്മ്മത്തിന് കേടുപാടുകള് ഉണ്ടാകാതിരിക്കാന് നിങ്ങള് ആരോഗ്യകരമല്ലാത്തതും വറുത്തതുമായ എല്ലാ ഭക്ഷണങ്ങളും കുറയ്ക്കേണ്ടതുണ്ട്. നിങ്ങളുടെ ചര്മ്മത്തില് റോസ് വാട്ടര് പുരട്ടുന്നത് സ്വാഭാവികമായും ചര്മ്മത്തെ ജലാംശം നല്കുന്നതിനും ചര്മ്മത്തിന്റെ PH ബാലന്സ് നിലനിര്ത്തുന്നതിനും അത്ഭുതങ്ങള് സൃഷ്ടിക്കും. ഇത് നിങ്ങളുടെ കണ്ണുകള്ക്ക് താഴെയുള്ള വീക്കവും കുറയ്ക്കും.
മേക്കപ്പ് കുറയ്ക്കുക
പല സ്ത്രീകളും അമിതമായി മേക്കപ്പ് ചെയ്യുന്നു. എന്നാല് മേക്കപ്പ് ഇടാതിരിക്കാന് നിങ്ങളോട് ആവശ്യപ്പെടുന്നില്ല, പകരം അവ കുറയ്ക്കുക. ബ്ലഷ്, കണ്സീലര്, ഫൗണ്ടേഷന് എന്നിവ എല്ലാ ദിവസവും ഉപയോഗിക്കേണ്ട ആവശ്യമില്ല. മേക്കപ്പ് നിങ്ങളുടെ ചര്മ്മത്തിന് തിളങ്ങുന്ന ഫിനിഷ് നല്കുന്നുണ്ടെങ്കിലും, അത് അമിതമായി ഉപയോഗിക്കുന്നത് നിങ്ങളുടെ യഥാര്ത്ഥ ചര്മ്മത്തിന് കേടുവരുത്തും. അതിനാല് കനത്ത മേക്കപ്പ് പരമാവധി പരിമിതപ്പെടുത്തുക.
Most read:മുഖം ശുദ്ധീകരിച്ച് തിളക്കം നല്കാന് ഉത്തമം ഈ കൂട്ടുകള്
ആരോഗ്യകരമായ ഭക്ഷണം
നിങ്ങള് ചര്മ്മത്തിന്റെ ആരോഗ്യം നിലനിര്ത്താന് ഭക്ഷണവും പ്രധാനമാണ്. ആരോഗ്യമുള്ള ചര്മ്മത്തിന് പോഷകാഹാരമായി നിങ്ങള് ഉള്പ്പെടുത്തേണ്ട ചില ഭക്ഷണങ്ങളുണ്ട്. വിറ്റാമിന് സി അടങ്ങിയ ഭക്ഷണങ്ങളാണ് അതിലൊന്ന്. വിറ്റാമിന് സി കൊളാജന്റെ ഉത്പാദനം മെച്ചപ്പെടുത്താന് സഹായിക്കുന്നു, ഇത് ചര്മ്മത്തിന്റെ ദൃഢത നിലനിര്ത്താന് അത്യന്താപേക്ഷിതമാണ്. ബ്രോക്കോളി, ചുവന്ന കുരുമുളക്, സ്ട്രോബെറി, കൂടാതെ എല്ലാ സിട്രസ് പഴങ്ങളും വിറ്റാമിന് സിയുടെ സമ്പന്നമായ ഉറവിടങ്ങളാണ്. അതുപോലെ വിറ്റാമിന് എ അടങ്ങിയ ഭക്ഷണം ഉള്പ്പെടുത്തിയാല്, നിങ്ങള്ക്ക് മിനുസമാര്ന്ന ചര്മ്മം നേടാന് കഴിയും. കാരറ്റ്, ചീര, മധുരക്കിഴങ്ങ്, പച്ച ഇലക്കറികള് എന്നിവ വിറ്റാമിന് എ സ്രോതസ്സുകളില് ചിലതാണ്.