Just In
- 1 hr ago 900 വര്ഷം പഴക്കമുള്ള മമ്മി, 1000 തൂണുകളുള്ള ഹാള്; അത്ഭുതം ഈ രംഗനാഥസ്വാമി ക്ഷേത്രം
- 2 hrs ago കാത്തിരുന്നൊരു കാമുകിയെ കിട്ടിയോ; കൈവിട്ടു പോകാതിരിക്കാന് ശ്രദ്ധിക്കേണ്ട 8 കാര്യം
- 3 hrs ago വായുവേഗത്തില് പ്രസാദിക്കും പവനപുത്രന്, ആഗ്രഹസാഫല്യം നല്കും ഹനുമാന് ജയന്തി ആരാധന
- 3 hrs ago മീനത്തില് ബുധന്റെ ഉദയം; ജീവിതം മാറുന്ന കാലം, മേടം-മീനം ഫലങ്ങള്
Don't Miss
- Automobiles ഫോർഡ് മുസ്താങ്ങിൻ്റെ 60 വർഷം, കിടിലൻ ആനിവേഴ്സറി എഡീഷൻ ഇറക്കിയത് കണ്ടോ
- Travel പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
- News ചെമ്മീൻ കറി കഴിച്ചതിന് പിന്നാലെ ശ്വാസംമുട്ടൽ; വരാപ്പുഴയിൽ 46കാരൻ മരിച്ചു
- Movies നീ സിനിമയില് പോയാല് ഞാന് മരിക്കും എന്ന് അച്ഛന്; പെണ്കുട്ടികള്ക്ക് സുരക്ഷിതമല്ലെന്ന് കരുതി
- Sports IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത്
- Technology ഗ്ലാമറിന് ഗ്ലാമർ, കഴിവിന് കഴിവ്... ഇതാണ് സ്മാർട്ട്ഫോൺ! സോണി ക്യാമറകളുമായി ഒരു വിവോ 5ജി ഫോൺ
- Finance സ്വർണവില കേട്ട് തലകറങ്ങരുത്, ഉടൻ തന്നെ പവന്റെ വില 60,000 കടക്കും, ഇന്നത്തെ നിരക്കറിയാം
ഈ മാസ്ക് പുരട്ടി ഉറങ്ങൂ; രാവിലെ തിളങ്ങുന്ന ചര്മ്മം സ്വന്തമാക്കാം
എല്ലാവരും തിളങ്ങുന്ന ചര്മ്മം വേണമെന്ന് ആഗ്രഹിക്കുന്നു. എന്നാല് അത് അങ്ങനെ എളുപ്പത്തില് ലഭിക്കുന്ന ഒന്നല്ല. സമ്മര്ദ്ദവും മലിനീകരണവും നമ്മുടെ ആരോഗ്യത്തെ മാത്രമല്ല, മുഖത്തെ ചര്മ്മത്തെയും ബാധിക്കുന്നു. മനോഹരമായ ചര്മ്മം ഒരു വിദൂര സ്വപ്നമാണെന്ന് മിക്കവര്ക്കും തോന്നുന്നതില് അതിശയിക്കാനില്ല. എന്നാല് വിഷമിക്കേണ്ട. കുറച്ച് സമയവും പരിശ്രമവും ഉണ്ടെങ്കില് നിങ്ങള്ക്കും തിളങ്ങുന്ന ചര്മ്മം സ്വന്തമാക്കാം. ആരോഗ്യകരമായ ഭക്ഷണക്രമവും നല്ല ചര്മ്മസംരക്ഷണ ദിനചര്യയും നിങ്ങള്ക്ക് അത്ഭുതങ്ങള് സൃഷ്ടിക്കും. സൗന്ദര്യവര്ദ്ധക വസ്തുക്കളില് അധികം പണം ചെലവഴിക്കാന് ആഗ്രഹിക്കാത്ത ഒരാളാണ് നിങ്ങളെങ്കില്, സുന്ദരമായ ചര്മ്മത്തിനായി നിങ്ങള്ക്ക് പരീക്ഷിക്കാവുന്ന ചില ഫെയ്സ് മാസ്കുകള് ഇതാ.
Most read: കണ്തടത്തിന് വേണം കൂടുതല് സംരക്ഷണം; അതിനുള്ള വഴികളിത്
ഉറങ്ങാന് പോകുന്നതിനു മുമ്പ് ഇവ പുരട്ടുക. രാത്രി മുഴുവന് ഇത് മുഖത്ത് വെച്ച ശേഷം പിറ്റേന്ന് രാവിലെ മുഖം കഴുകുക. ഈ മാസ്കുകള് നിങ്ങള് ഉറങ്ങുമ്പോള് ചര്മ്മത്തെ ഈര്പ്പമുള്ളതാക്കുകയും സുഖപ്പെടുത്തുകയും ചെയ്യുന്നു. നമ്മള് ഉറങ്ങുമ്പോള് നമ്മുടെ ശരീരത്തിന് സുഖപ്പെടുത്താനുള്ള പ്രവണതയുണ്ട്. അതുപോലെ നമ്മുടെ ചര്മ്മവും സുഖപ്പെടുകയും നന്നാവുകയും ചെയ്യുന്നു. ഈ നൈറ്റ് മാസ്കുകള് പ്രയോഗിച്ച് ഉറങ്ങുകയും മനോഹരമായ തിളങ്ങുന്ന ചര്മ്മത്തോടെ ഉണരുകയും ചെയ്യുക.
തേന്, ഓട്സ്, റോസ് വാട്ടര്
തേനിന്റെ രോഗശാന്തിയും പുനരുജ്ജീവനവും ഉള്ള ഗുണങ്ങള് നിങ്ങള് ഉറങ്ങുമ്പോള് നിങ്ങളുടെ ചര്മ്മത്തില് അത്ഭുതങ്ങള് സൃഷ്ടിക്കും. ഓട്സ് ഒരു പ്രകൃതിദത്ത എക്സ്ഫോളിയേറ്ററാണ്, ഇത് ചര്മ്മത്തിന്റെ ഉപരിതലത്തില് നിന്ന് മൃതകോശങ്ങളെയും ഫ്രീ റാഡിക്കലുകളേയും സ്ക്രബ് ചെയ്യാന് സഹായിക്കുന്നു. അങ്ങനെ പുതിയതും ആരോഗ്യകരവുമായ ചര്മ്മത്തിന് വഴിയൊരുക്കുന്നു. ഈ മാസ്ക് ഉണ്ടാക്കാന് 2 ടേബിള്സ്പൂണ് ഓട്സ് എടുത്ത് അതില് 1 ടേബിള്സ്പൂണ് തേനും റോസ് വാട്ടറും ചേര്ക്കുക. മുഖം മുഴുവന് പുരട്ടി രാവിലെ മുഖം കഴുകുക.
കക്കിരി, ഒലിവ് ഓയില്
ദിവസേനയുള്ള അഴുക്ക്, മലിനീകരണം എന്നിവ നിങ്ങളുടെ ചര്മ്മത്തിന്റെ സ്വാഭാവിക ഈര്പ്പം കവര്ന്നെടുക്കുകയും ചര്മ്മം മങ്ങിയതും വരണ്ടതും നിര്ജീവവുമാക്കുകയും ചെയ്യും. നിങ്ങളുടെ ചര്മ്മത്തിന്റെ സ്വാഭാവിക പിഎച്ച് ബാലന്സ് പുനഃസ്ഥാപിക്കുന്നതിന് ഈ ആകര്ഷണീയമായ നൈറ്റ് മാസ്ക് ഉപയോഗിക്കാം. വൈറ്റമിന് സിയും കഫീക് ആസിഡും ധാരാളമായി അടങ്ങിയിരിക്കുന്ന കക്കിരിയുടെ തണുപ്പിക്കല് ഗുണങ്ങള് ചര്മ്മത്തിലെ അസ്വസ്ഥതകള് ശമിപ്പിക്കാന് സഹായിക്കുന്നു. ഒലിവ് ഓയില് ആന്റി-ഏജിംഗ് ആന്റിഓക്സിഡന്റുകളാല് നിറഞ്ഞതാണ്, മാത്രമല്ല ചര്മ്മത്തെ ആഴത്തില് നിന്ന് ഈര്പ്പമുള്ളതാക്കാനും സഹായിക്കുന്നു. ഈ നൈറ്റ് മാസ്ക് ഉണ്ടാക്കാന്, അര കഷ്ണം കക്കിരി അരച്ച് നീര് പിഴിഞ്ഞെടുക്കുക. ഇനി ഇതിലേക്ക് 1 ടേബിള്സ്പൂണ് ഒലിവ് ഓയില് ചേര്ത്ത് നന്നായി ഇളക്കുക. ഇത് മുഖത്തും കഴുത്തിലും പുരട്ടി ഒരു രാത്രി മുഴുവന് വിടുക. പിറ്റേന്ന് രാവിലെ തണുത്ത വെള്ളത്തില് മാസ്ക് കഴുകിക്കളയുക.
Most read:കരുത്തുറ്റ ശക്തമായ മുടിക്ക് ഉത്തമം ഈ മാമ്പഴ ഹെയര് മാസ്ക്
തക്കാളി, തൈര്, തേന്
ഒറ്റരാത്രികൊണ്ട് ചര്മ്മം വെളുപ്പിക്കുന്നത് എങ്ങനെ സാധിക്കുമെന്ന് ചിന്തിക്കുകയാണോ? തക്കാളി, തൈര്, തേന് എന്നിവയുടെ ഫേസ് പാക്ക് പുരട്ടുക. നിങ്ങളുടെ ചര്മ്മത്തിലെ സുഷിരങ്ങള് വൃത്തിയാക്കാന് സഹായിക്കുന്ന പ്രകൃതിദത്ത രേതസ് ആണ് തക്കാളി. കൂടാതെ, ആന്റിഓക്സിഡന്റുകളാല് സമ്പുഷ്ടമായ ഇത് നിങ്ങളുടെ ചര്മ്മത്തെ ചെറുപ്പവും പുതുമയും നിലനിര്ത്താന് സഹായിക്കുന്നു. തൈര് നിങ്ങളുടെ മുഖത്തെ പാടുകള് നീക്കം ചെയ്യാനും നിങ്ങളുടെ നിറം ലഘൂകരിക്കാനും ചര്മ്മത്തിന്റെ ഈര്പ്പം ഉള്ളില് നിലനിര്ത്താനും സഹായിക്കും. ഈ അത്ഭുതകരമായ ഓവര്നൈറ്റ് ഫെയര്നെസ് പായ്ക്ക് ഉണ്ടാക്കാന്, 1 ടീസ്പൂണ് തേന് 2 ടേബിള്സ്പൂണ് തൈരും തേനും കലര്ത്തി മുഖത്ത് പുരട്ടുക. അടുത്ത ദിവസം രാവിലെ, നിങ്ങളുടെ മുഖം ചെറുചൂടുള്ള വെള്ളത്തില് കഴുകുക, ഇത് തിളങ്ങുന്നതും മനോഹരവുമായ ചര്മ്മം നിങ്ങള്ക്ക് നല്കും.
ബദാം ഫേസ് പാക്ക്
കോശങ്ങളുടെ കേടുപാടുകള് തടയാനും സൂര്യന്റെ ദോഷകരമായ കിരണങ്ങള് മൂലമുണ്ടാകുന്ന കേടുപാടുകളില് നിന്ന് ചര്മ്മത്തെ സുഖപ്പെടുത്താനും സഹായിക്കുന്ന അവശ്യ പോഷകമായ വിറ്റാമിന് ഇ അടങ്ങിയതിനാല് ബദാം നിങ്ങളുടെ മുഖത്തിന് ഗുണം ചെയ്യും. തലേദിവസം രാത്രി പാലില് 4-5 ബദാം മുക്കിവയ്ക്കുക. പിറ്റേന്ന് രാത്രിയില്, കുതിര്ത്ത ബദാം ഒരു ടീസ്പൂണ് പാലില് നന്നായി പൊടിച്ചെടുക്കുക. ഇത് മുഖത്ത് മുഴുവന് പുരട്ടി ഒരു രാത്രി മുഴുവന് വിടുക. പിറ്റേന്ന് രാവിലെ, നിങ്ങളുടെ മുഖം വെള്ളത്തില് കഴുകുക. മിനുസമാര്ന്ന മൃദുവായതുമായ ചര്മ്മം നിങ്ങള്ക്ക് നേടാനാകും.
Most read:തല ചൊറിച്ചിലിന് ഉത്തമ പ്രതിവിധി ഈ ഹെയര് മാസ്ക്
ചമോമൈല് ടീ മാസ്ക്
ചമോമൈല് ടീയും ഓട്സും തുല്യ അളവില് എടുത്ത് 2 തുള്ളി ബദാം ഓയിലും 2 ടേബിള്സ്പൂണ് തേനും ചേര്ക്കുക. ഇത് പുരട്ടി ഒരു രാത്രി മുഴുവന് വെക്കുക, തുടര്ന്ന് മുഖം വെള്ളത്തില് കഴുകുക. ഒറ്റരാത്രികൊണ്ട് സുന്ദരവും തിളങ്ങുന്നതുമായ ചര്മ്മം ലഭിക്കണമെങ്കില് ഈ ഫേസ്മാസ്ക് മികച്ച പ്രതിവിധിയാണ്.
മഞ്ഞള്, പാല്
പാലില് അടങ്ങിയിരിക്കുന്ന ലാക്റ്റിക് ആസിഡ് ചര്മ്മത്തിലേക്ക് എളുപ്പത്തില് തുളച്ചുകയറുകയും ജലാംശം നല്കുകയും തിളക്കം നല്കുകയും ചെയ്യുന്നു. മഞ്ഞളിന്റെ ആന്റിസെപ്റ്റിക്, ആന്റി ബാക്ടീരിയല് ഗുണങ്ങള് അനാരോഗ്യകരമായ ബാക്ടീരിയകളെ നശിപ്പിക്കാനും പാടുകള് നീക്കം ചെയ്യാനും സഹായിക്കുന്നു. പാല് - 2 ടീസ്പൂണ്, മഞ്ഞള് പൊടി - 1 ടീസ്പൂണ് എന്നിവയാണ് നിങ്ങള്ക്ക് ആവശ്യം. ഒരു ചെറിയ പാത്രത്തില് പാലും മഞ്ഞളും മിക്സ് ചെയ്യുക. ഈ മിശ്രിതം നിങ്ങളുടെ മുഖത്ത് പുരട്ടി ഒരു രാത്രി മുഴുവന് വിടുക. അടുത്ത ദിവസം തണുത്ത വെള്ളത്തില് മുഖം കഴുകുക. ഈ മാസ്ക് ആഴ്ചയില് 2-3 തവണയെങ്കിലും മുഖത്ത് പുരട്ടുക.
Most read:കാലാവസ്ഥ മാറുമ്പോള് ചര്മ്മവും മാറും; വിണ്ടുകീറല് തടയാന് ചെയ്യേണ്ടത്
നാരങ്ങ മാസ്ക്
നാരങ്ങ വിറ്റാമിന് സിയുടെ നല്ല ഉറവിടമാണ്, ഇത് ചര്മ്മത്തിന് വളരെ നല്ലതാണ്, കാരണം ഇത് ചര്മ്മത്തെ നന്നാക്കാനും കേടുപാടുകളില് നിന്ന് സംരക്ഷിക്കാനും സഹായിക്കുന്നു. നാരങ്ങ നീര് - 2 ടേബിള്സ്പൂണ്, തേന് - 1 ടീസ്പൂണ് എന്നിവയാണ് നിങ്ങള്ക്ക് ആവശ്യം. ഒരു പാത്രത്തില് രണ്ട് ചേരുവകളും മിക്സ് ചെയ്യുക. മിശ്രിതം മുഖത്ത് പുരട്ടി രാത്രി മുഴുവന് ഇത് വിടുക. രാവിലെ തണുത്ത വെള്ളം കൊണ്ട് മുഖം കഴുകുക. ഈ മാസ്ക് ആഴ്ചയില് മൂന്ന് തവണ ഉപയോഗിക്കുക.