For Quick Alerts
ALLOW NOTIFICATIONS  
For Daily Alerts

കൈ,കാല്‍,കഴുത്തു ചുളിവു നീക്കി നിറത്തിന് ഹോം ക്രീം

|

പലപ്പോഴും നാം മുഖ സൗന്ദര്യത്തില്‍ മാത്രമാണ് ശ്രദ്ധിയ്ക്കുക. കൈ കാലുകളും കഴുത്തുമെല്ലാം അവഗണിയ്ക്കപ്പെടുകയും ചെയ്യും. മുഖ സൗന്ദര്യം ഇഷ്ടം പോലെയുള്ള പലരുടേയും കൈ കാലുകളും കഴുത്തുമെല്ലാം നോക്കിയാല്‍ ചിലപ്പോള്‍ ഇരുണ്ട്, തൊലിയടര്‍ന്നു ചുളിവുകള്‍ വീണ് വൃത്തികേടായിരിയ്ക്കും.

കൈ കാലുകള്‍ക്കു നാം ശ്രദ്ധ കൊടുക്കുന്നതു കുറവാകുമെന്നതു മാത്രമല്ല, കാരണം. അടുക്കളയിലും മറ്റും പാത്രം കഴുകുന്നതും വെള്ളവുമായി കൂടുതല്‍ നേരം സമ്പര്‍ക്കം വരുന്നതുമെല്ലാം കൈ കാലുകളുടെ സൗന്ദര്യം കളയാന്‍ കാരണമാകുന്ന ഘടകമാണ്.

സൗന്ദര്യ സംരക്ഷണത്തിന് തികച്ചും പ്രകൃതി ദത്ത വഴികള്‍ പരീക്ഷിയ്ക്കുന്നതു തന്നെയാണ് നല്ലത്. ഇവ ദോഷം വരുത്തില്ലെന്നു മാത്രമല്ല, പ്രയോജനം ന്്ല്‍കുകയും ചെയ്യും.

ആണോ പെണ്ണോ, അച്ഛന്റെ ഭാരം പറയും...

കൈ കാലുകളിലെയും കഴുത്തിലെയും ചുളിവുകള്‍ നീക്കാനും ഒപ്പം നിറം നല്‍കാനുമെല്ലാം കഴിയുന്ന ഒരു പ്രത്യേക വിദ്യ, പ്രത്യേക കൂട്ടു നമുക്ക് വീട്ടില്‍ തന്നെ ഉണ്ടാക്കി പരീക്ഷിയ്ക്കാവുന്നതേയുള്ളൂ. വളരെ സിംപിളായി ചെയ്യാവുന്ന ഇത് ഏറെ ഗുണം നല്‍കുമെന്നു മാത്രമല്ല, പാര്‍ശ്വഫലം ഉണ്ടാക്കുകയുമില്ല.

പഞ്ചസാര, വെളിച്ചെണ്ണ

പഞ്ചസാര, വെളിച്ചെണ്ണ

പഞ്ചസാര, വെളിച്ചെണ്ണ എന്നിങ്ങനെ അടുക്കളയില്‍ ഉപയോഗിയ്ക്കുന്ന രണ്ടു ചേരുവകളാണ് നാം ഇതില്‍ ആദ്യത്തെ സ്‌റ്റെപ്പിനായി ഉപയോഗിയ്ക്കുന്നത്. നാച്വറല്‍ സ്‌ക്രബറായി ഉപയോഗിയ്ക്കാവുന്ന ഒന്നാണ് പഞ്ചസാര. അല്‍പം തരിയുള്ള പഞ്ചസാര പൊടിച്ചെടുത്തു വേണം, ഉപയോഗിയ്ക്കുവാന്‍. അതായത് സ്‌ക്രബ് ചെയ്യാന്‍ പാകത്തിലുള്ള പഞ്ചസാരയാകണം.

വെളിച്ചെണ്ണ

വെളിച്ചെണ്ണ

വെളിച്ചെണ്ണയും സൗന്ദര്യ ഗുണങ്ങള്‍ ഏറെ അടങ്ങിയ ഒന്നാണ്. ഇതിലെ നാച്വറലായുള്ള ഫാറ്റി ആസിഡുകളാണ് ഇതിനു വേണ്ട പ്രയോജനം നല്‍കുന്നത്. ചുളിവുകള്‍ അകറ്റാനും സ്വഭാവികമായി ചര്‍മ നിറം വര്‍ദ്ധിപ്പിയ്ക്കാനും സഹായിക്കുന്ന ഒന്നാണ് വെളിച്ചെണ്ണ.

കൈകള്‍

കൈകള്‍

പഞ്ചസാര അല്‍പം തരിയോടെ പൊടിച്ച് ഇതില്‍ വെളിച്ചെണ്ണ ചേര്‍ത്ത് കുഴമ്പു പരുവത്തിലാക്കുക. കൈകള്‍ നല്ല പോലെ കഴുകിയ ശേഷം ഇത് പതുക്കെ കയ്യുകളില്‍ പുരട്ടി സ്‌ക്രബ് ചെയ്യാം. 5-10 മിനിറ്റു നേരം സ്‌ക്രബ് ചെയ്യുന്നതു ഗുണം നല്‍കും. കാലുകളിലും കഴുത്തിലുമെല്ലാം ഇത് ഇതേ രീതിയില്‍ ആവര്‍ത്തിയ്ക്കാം. സ്‌ക്രബ് ചെയ്തു കഴിഞ്ഞ ശേഷം കടലമവ് പോലുളള സ്വാഭാവിക ചേരുവകള്‍ കൊണ്ട് ഇത് കഴുകിക്കളയാം. ഇതു ചെയ്യുമ്പോള്‍ മൃത ചര്‍മം നീങ്ങി നല്ല നിറത്തോടെയുള്ള ചര്‍മം ലഭിയ്ക്കും.

നെയ്യും ഒലീവ് ഓയിലുമാണ്

നെയ്യും ഒലീവ് ഓയിലുമാണ്

രണ്ടാമത് പുരട്ടാനായി ഒരു പ്രത്യേക ചേരുവയുണ്ടാക്കണം. ഇതിനായി ഉപയോഗിയ്ക്കുന്നത് നെയ്യും ഒലീവ് ഓയിലുമാണ്. നല്ല ശുദ്ധമായ നെയ്യു വേണം, ഉപയോഗിയ്ക്കുവാന്‍. വീട്ടില്‍ തന്നെ ഉണ്ടാക്കിയതെങ്കില്‍ ഗുണം കൂടും. നെയ്യ് ആരോഗ്യകരമായ കൊഴുപ്പുകളുടെ ഉറവിടമാണ്. ആരോഗ്യത്തിനു മാത്രമല്ല, സൗന്ദര്യ സംരക്ഷണത്തിനും സഹായിക്കുന്ന ഇത് ചര്‍മ നിറം വര്‍ദ്ധിപ്പിയ്ക്കാന്‍ സഹായിക്കുന്നു. ചര്‍മത്തിലെ ചുളിവുകള്‍ നീക്കാനും ചര്‍മം മൃദുവാക്കാനുമെല്ലാം സഹായിക്കുന്ന നല്ലൊരു ചേരുവയാണ് നെയ്യ്. വരണ്ടു കീറിയ കാലുകളും ചുണ്ടുകളുമെല്ലാം നെയ്യു പുരട്ടിയാല്‍ നന്നായി വരും. ചര്‍മത്തിന് സ്വാഭാവിക എണ്ണമയം നല്‍കുന്ന ഇത് നിറം കൂടാനും ചുളിവു നീങ്ങാനുമെല്ലാം ഏറെ നല്ലതാണ്.

 ഒലീവ് ഓയില്‍

ഒലീവ് ഓയില്‍

ഇതു പോലെയാണ് ഒലീവ് ഓയിലും. എക്‌സ്ട്രാ വിര്‍ജിന്‍ ഒലീവ് ഓയിലാണ് ഇവിടെ ഉപയോഗിയ്‌ക്കേണ്ടത്. ചര്‍മത്തിന് സഹായകമായ വൈറ്റമിന്‍ ഇ ധാരാളം അടങ്ങിയ ഒന്നാണ് ഒലീവ് ഓയില്‍. ഇത് ചര്‍മത്തിലെ ചുളിവുകള്‍ നീക്കാന്‍ ഏറെ നല്ലതാണ്. ചര്‍മത്തിന് ചെറുപ്പം നല്‍കും. നിറം നല്‍കാനും ഇതിലെ ആരോഗ്യകരമായ കൊഴുപ്പുകള്‍ സഹായിക്കുന്നു. ആരോഗ്യത്തിനും ചര്‍മ, മുടി സംരക്ഷണത്തിനുമെല്ലാം ഒരു പോലെ സഹായിക്കുന്നതാണ് ഒലീവ് ഓയില്‍ എന്നു വേണം, പറയുവാന്‍.

അല്‍പം നെയ്യും ഒലീവ് ഓയിലും കലര്‍ത്തുക. ഇത് കഴുത്തിലും കൈ കാലുകളിലും നല്ലപോലെ പുരട്ടി മസാജ് ചെയ്യാം. അര മണിക്കൂര്‍ ശേഷം കഴുകി കളയാം. പഞ്ചസാര സ്‌ക്രബര്‍ പുരട്ടി കഴുകിയ ശേഷം ഈ വഴി പരീക്ഷിയ്ക്കുന്നതാണ് കൂടുതല്‍ ഗുണം നല്‍കുക. രണ്ടു പ്രക്രിയകളും ഒരുമിച്ചു ചെയ്യുന്നതാണ് ഗുണം നല്‍കുകയെന്നു ചുരുക്കം.

വേണമെങ്കില്‍ മുഖത്തും

വേണമെങ്കില്‍ മുഖത്തും

കൈ കാലുകളിലും കഴുത്തിലും മാത്രമല്ല, വേണമെങ്കില്‍ മുഖത്തും പരീക്ഷിയ്ക്കാവുന്ന സൗന്ദര്യ സംരക്ഷണ മാര്‍ഗമാണ് ഇത്. നിറം വര്‍ദ്ധിയ്ക്കാനും ചുളിവുകള്‍ നീക്കി ചര്‍മത്തിന് ചെറുപ്പം നല്‍കാനും സഹായിക്കുന്ന ഒന്നാണെന്നു വേണം, പറയുവാന്‍. ഇത് ആഴ്ചയില്‍ രണ്ടു മൂന്നു തവണ വീതം അല്‍പകാലം അടുപ്പിച്ചു ചെയ്യുന്നത് ഏറെ പ്രയോജനം ന്ല്‍കും.

English summary

Try These Home Made Scrub And Pack For Wrinkle Free Skin And Fairness

Try These Home Made Scrub Cum Pack For Wrinkle Free Skin And Fairness, Read more to know about,
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more