പ്രായം കുറയ്ക്കും പച്ചപ്പാല്‍ ഫേസ്പായ്ക്ക്

ഒലീവ് ഓയില്‍

ഒലീവ് ഓയിലും പച്ചപ്പാലുമാണ് ഇതിലെ ചേരുവകള്‍. ഇവ പല തരത്തിലും ചര്‍മത്തെ സഹായിക്കും. ഒലീവ് ഓയില്‍ ചര്‍മത്തിലെ ചുളിവുകളും വരണ്ട ചര്‍മവുമെല്ലാം മാറാന്‍ സഹായിക്കുന്ന ഒന്നാണ്. വൈറ്റമിന്‍ ഇ അടങ്ങിയിട്ടുണ്ടെന്നതാണു പ്രത്യേക ഗുണം നല്‍കുന്നതും. ഇതിലെ വൈറ്റമിന്‍ ഇ ചര്‍മത്തിലെ ചുളിവുകള്‍ നീക്കുന്നതിനും വരണ്ട ചര്‍മത്തിനും ചര്‍മം അയഞ്ഞു തൂങ്ങുന്നതു തടയാനുമെല്ലാം സഹായിക്കുന്നു. ഇതിനു പുറമെ ചര്‍മത്തിന് നിറം നല്‍കാനും ഇത് ഏറെ നല്ലതാണ്. ഇതിലെ കൊഴുപ്പ് ചര്‍മ കോശങ്ങളിലേയ്ക്ക് ഇറങ്ങിച്ചെന്ന് ചര്‍മത്തിന് ഈര്‍പ്പം നല്‍കുന്നു ചര്‍മത്തിന്റെ വരണ്ട സ്വഭാവം മാറാന്‍ ഇതു സഹായിക്കുന്നു.

പാല്‍

പാല്‍ ആരോഗ്യത്തിനു മാത്രമല്ല, ചര്‍മത്തിനും ഏറെ നല്ലതാണ്. ഇത് നല്ലൊന്നാന്തരം ക്ലെന്‍സിംഗ് ഏജന്റാണ്. സണ്‍ടാന്‍, സണ്‍ബേണ്‍ തുടങ്ങിയ പ്രശ്‌നങ്ങള്‍ക്കുള്ള നല്ലൊന്നാന്തരം ഔഷധമാണിത്. കടുത്ത വെയിലും സൂര്യ രശ്മികളുമെല്ലാം ഏല്‍ക്കുന്നത് ചര്‍മത്തില്‍ ചുളിവുകള്‍ വീഴാനുള്ള പ്രധാനപ്പെട്ട ഒരു കാരണമാണ്. ഇതില്‍ നിന്നും സംരക്ഷണം നല്‍കാന്‍ പാലിനു കഴിയുന്നു. ഇത് മുഖത്തിന്റെ വരണ്ട സ്വഭാവം മാറാന്‍ ഏറെ നല്ലതാണ്. പാല്‍ അടുപ്പിച്ചു കുറച്ചുനാള്‍ മുഖത്തു പുരട്ടിയാല്‍ മുഖത്ത് ചുളിവുകളും മറ്റും വരുന്നതു തടയാന്‍ ഏറെ നല്ലതാണ്.

ഈ പ്രത്യേക മിശ്രിതത്തില്‍

ഈ പ്രത്യേക മിശ്രിതത്തില്‍ പച്ചപ്പാല്‍, അതായത് തിളപ്പിയ്ക്കാത്ത പാല്‍ ഉപയോഗിയ്ക്കുന്നതാണു നല്ലത്. ഇതു പാലിലെ തനതായ ഗുണം നഷ്ടപ്പെടുത്താതിരിയ്ക്കും. ഒലീവ് ഓയിലും വിര്‍ജിന്‍ ഒലീവ് ഓയില്‍ ഉപയോഗിയ്ക്കുക.

മുഖത്തു പുരട്ടി

മൂന്നോ നാലോ തുള്ളി ഒലീവ് ഓയില്‍, ഇത്ര തന്നെ തിളപ്പിയ്ക്കാത്ത പാല്‍ എന്നിവ കലര്‍ത്തുക. ഇതു മുഖത്തു പുരട്ടി നല്ലപോലെ മസാജ് ചെയ്യുക. കഴിയാവുന്നിടത്തോളം നേരം മുഖത്തു വയ്ക്കുക. പുരട്ടി കിടക്കുന്നത് ഏറെ നല്ലത്. രാവിലെ കഴുകിയാല്‍ മതിയാകും. ഇത് രാത്രി ചെയ്യുന്നതാണ് നല്ലത്. അടുപ്പിച്ച് അല്‍പനാള്‍ ചെയ്യുന്നതു ഗുണം നല്‍കും.

മുഖത്തെ ചുളിവുകള്‍

മുഖത്തെ ചുളിവുകള്‍ നീക്കാനും ചര്‍മം അയയാതിരിയ്ക്കാനും ഇത് ഏറെ നല്ലതാണ്. ചര്‍മത്തിന്റെ വരണ്ട സ്വഭാവം മാറ്റുന്നതാണ് ഒരു കാരണം. ഒലീവ് ഓയിലിലെ ആരോഗ്യകരമായ ഫാറ്റുകള്‍ ചര്‍മത്തെ സുഖപ്പെടുത്തുന്നു. ചര്‍മ കോശങ്ങള്‍ക്ക് നല്ല ആന്റിഓക്‌സിഡന്റ് ഗുണം നല്‍കുന്നു.

ചര്‍മത്തിന് നിറം വയ്ക്കാനും

ചര്‍മത്തിന് നിറം വയ്ക്കാനും തിളക്കം വയ്ക്കാനും മുഖം മൃദുവാകാനുമെല്ലാം സഹായിക്കുന്ന ഒരു മിശ്രിതമാണിത്. ഇത് അടുപ്പിച്ചു ചെയ്യുന്നത് ഇത്തരം ഗുണങ്ങള്‍ മുഖത്തിനു നല്‍കുന്നു.

ഒലീവ് ഓയില്‍, മുട്ട വെള്ള, പാല്‍

ഒലീവ് ഓയില്‍, മുട്ട വെള്ള, പാല്‍ എന്നിവ കലര്‍ത്തിയും ആന്റി ഏജിംഗ് മാസ്‌കുണ്ടാക്കാം. മുട്ട വെള്ളയും ചര്‍മത്തിന് ഇറുക്കം നല്‍കാനും ചുളിവുകള്‍ അകറ്റാനും സഹായിക്കും. ഇവ കലര്‍ത്തി മുഖത്തു പുരട്ടുക. അല്‍പം കഴിയുമ്പോള്‍ ഇളംചൂടുവെള്ളം കൊണ്ടു കഴുകിക്കളയാം. ഇതില്‍ അല്‍പം നാരങ്ങാനീരു കൂടി കലര്‍ത്തി പുരട്ടുന്നത് ചര്‍മത്തിന് നിറം നല്‍കാന്‍ ഏറെ നല്ലതാണ്. ഇതും അടുപ്പിച്ചു ചെയ്യുന്നത് ഏറെ ഗുണകരമാണ്. മുട്ട വെള്ള പൊതുവേ മുഖത്തിന്റെ ചുളിവുകള്‍ക്കു നല്ലൊരു ഉപായമാണ്.