കിടക്കുമ്പോള്‍ കറ്റാര്‍വാഴ പുരട്ടി നിത്യയൗവനം

നല്ലൊരു ആന്റി ഏജിംഗ് ക്രീമായി

നല്ലൊരു ആന്റി ഏജിംഗ് ക്രീമായി രാത്രിയിലെ ഈ കറ്റാര്‍ വാഴ പ്രയോഗം മാറുന്നു.ഇതിലെ വൈറ്റമിന്‍ ഇ ആണ് ഈ പ്രധാന ഗുണം നല്‍കുന്നത്. ചര്‍മത്തിലെ ചുളിവൊഴിവാക്കാന്‍ ഇത് ഏറെ നല്ലതാണ്. ഇത് ചര്‍മത്തിന് ഇറുക്കം നല്‍കുന്ന കൊളാജന്‍ ഉല്‍പാദനത്തിന് സഹായിച്ച് മുഖത്ത് ചുളിവുകള്‍ വീഴുന്നതു തടയുകയും മുഖ ചര്‍മത്തിന് ഇറുക്കം നല്‍കുകയും ചെയ്യും.

കരുവാളിപ്പ്

പ്രായമേറുമ്പോള്‍ കരുവാളിപ്പ് ചര്‍മത്തെ ബാധിയ്ക്കുന്ന പ്രശ്‌നമാണ്. ഇതിനുള്ള പരിഹാരമാണ് കറ്റാര്‍ വാഴ ജെല്‍ പുരട്ടി മസാജ് ചെയ്യുന്നത്. ഇത് രക്തയോട്ടം വര്‍ദ്ധിപ്പിയ്ക്കുന്നു. ഇതു വഴി കരുവാളിപ്പു കുറയ്ക്കുന്നു.

ചര്‍മത്തിലെ ഈര്‍പ്പക്കുറവ്

ചര്‍മത്തിലെ ഈര്‍പ്പക്കുറവ് ചര്‍മത്തില്‍ ചുളിവുകള്‍ വീഴാനുള്ള പ്രധാനപ്പെട്ട ഒരു വഴിയാണ്. ഇതിനുള്ള നല്ലൊരു പരിഹാരമാണ് കറ്റാര്‍ വാഴ ജെല്‍. ചര്‍മത്തിന് അകത്തു നിന്നും പുറത്തു നിന്നും ഈര്‍പ്പം നല്‍കി ഈ പ്രശ്‌നം ഒഴിവാക്കാന്‍ കറ്റാര്‍ വാഴ ജെല്‍ രാത്രിയില്‍ പുരട്ടി കിടന്നാല്‍ മതിയാകും.

കണ്ണിനടിയിലെ കറുപ്പൊഴിവാക്കാന്‍

കണ്ണിനടിയിലെ കറുപ്പൊഴിവാക്കാന്‍ സഹായിക്കുന്ന ഏറ്റവും നല്ലൊരു വഴിയാണിത്. കണ്ണിനു താഴെയുള്ള രക്തയോട്ടം കുറയുന്നതും ഉറക്കക്കുറവുമെല്ലാമാണ് കണ്ണിനടിയിലെ കറുപ്പിന് പ്രധാന കാരണം. കറ്റാര്‍ വാഴയിലെ പോഷകങ്ങളും വൈററമിനുകളുമെല്ലാം ഈ പ്രശ്‌നത്തിനുള്ള നല്ലൊരു പരിഹാരമാണ്. സാധാരണ ക്രീമുകള്‍ കണ്ണിനടിയില്‍ പുരട്ടുന്നത് നല്ലതല്ല. ഇവിടുത്തെ ചര്‍മം വളരെ മൃദുവായതാണ് കാരണം. ഇതിനുള്ള പരിഹാരമാണ് കറ്റാര്‍ വാഴ. ഇതു പുരട്ടുന്നതു ദോഷം വരുത്തില്ല.

നിറം

രാത്രി ഇതു പുരട്ടി കിടക്കുന്നത് ചര്‍മത്തിനു നിറം വര്‍ദ്ധിപ്പിയ്ക്കാനും നല്ലതാണ്. ഇതിലെ ആന്റിഓക്‌സിഡന്റ് ഗുണങ്ങളും വൈറ്റമിനുകളുമെല്ലാം ഏറെ ഗുണം നല്‍കുന്ന ഒന്നാണ്.ചര്‍മത്തിലെ രക്തയോട്ടം വര്‍ദ്ധിപ്പിയ്ക്കാന്‍ ഇതു സഹായിക്കും.

ചര്‍മത്തിലെ കുത്തുകളും ബ്ലാക് ഹെഡ്‌സുമെല്ലാം

ചര്‍മത്തിലെ കുത്തുകളും ബ്ലാക് ഹെഡ്‌സുമെല്ലാം അകറ്റാന്‍ ഇത് ഏറെ നല്ലതാണ്. ഇത് മുഖത്തുള്ള കുത്തുകളുടെ നിറം ബ്ലീച്ചിംഗിലൂടെ കുറയ്ക്കുന്നു. മുഖത്തെ പിഗ്മെന്റേഷനും നിറ വ്യത്യാസവുമെല്ലാം നീക്കാന്‍ ഏറെ നല്ലതാണ് കറ്റാര്‍ വാഴ രാത്രിയില്‍ മുഖത്തു പുരട്ടുന്നത്. മുഖത്തെ സണ്‍ ടാന്‍ മാറാനും കരുവാളിപ്പിനുമെല്ലാമുളള നല്ലൊരു പരിഹാരമാണ് ഇത്. lഅടുപ്പിച്ച് ഇതു ചെയ്യുന്നത് മുഖത്തെ പാടുകളും വടുക്കളുമെല്ലാം നിറം മങ്ങാനും മായാനുമെല്ലാം കാരണവുമാക്കുന്നു.

ചര്‍മം മൃദുവാകാനും തിളക്കമുള്ളതാകാനും

ചര്‍മം മൃദുവാകാനും തിളക്കമുള്ളതാകാനും ഏറെ നല്ലതാണ് ഇത്. ഇതിലെ ജെല്‍ സ്വഭാവം ഈ ഗുണം നല്‍കുന്നതില്‍ മുന്‍പന്തിയില്‍ നില്‍ക്കുന്നു. ഇത് ചര്‍മത്തിന് ചെറുപ്പം നല്‍കുന്നതിനു പ്രധാനമാണ്.

ഇതു രാത്രിയില്‍ പുരട്ടുന്നത്

ഇതു രാത്രിയില്‍ പുരട്ടുന്നത് ഏറെ ഗുണം നല്‍കുമെന്നു പറയുന്നതിനു കാരണമുണ്ട്. ചര്‍മ കോശങ്ങള്‍ കേടുപാടുകള്‍ പരിഹരിയ്ക്കുന്നതു രാത്രി ഉറങ്ങുമ്പോഴാണ്. ഈ സമയത്ത് ജെല്ലിന്റെ ഗുണങ്ങള്‍ ചര്‍മത്തിലേയ്ക്കു പൂര്‍ണമായും ആഴ്ന്നിറങ്ങും. ഇതു വഴി ഇരട്ടി ഗുണം ലഭിയ്ക്കും. മാത്രമല്ല, ഇതു പുരട്ടി കഴുകേണ്ട ആവശ്യവുമില്ല. പ്രകൃതിദത്തമായത്, അതായത് കറ്റാര്‍ വാഴ തന്നെ പൊളിച്ചു മുഖത്തു മസാജ് ചെയ്താല്‍ മതി. കഴുകേണ്ടതില്ല. വാങ്ങുന്ന ജെല്ലെങ്കില്‍ കൃത്രിമമില്ലാത്തതു നോക്കി വാങ്ങുക.