മുഖത്തെ കരുവാളിപ്പിന് സ്ഥിര പരിഹാരം

കറ്റാര്‍ വാഴ

പല തരം ഗുണങ്ങള്‍ അടങ്ങിയ കറ്റാര്‍ വാഴ ചര്‍മത്തിനു സുഖം നല്‍കി കരുവാളിപ്പു മാറ്റാന്‍ സഹായിക്കുന്ന എളുപ്പ വഴിയാണ്.

. കരുവാളിപ്പുള്ളിടത്തു കറ്റാര്‍വാഴയുടെ ജെല്‍ പുരട്ടുക. ഇത് അര മണിക്കൂര്‍ ശേഷം കഴുകിക്കളയാം. പിന്നീട് മോയിസ്ചറൈസര്‍ പുരട്ടാം. ഇത് ദിവസവും ചെയ്യുന്നതും നല്ലതാണ്. കറ്റാര്‍ വാഴ വരണ്ട മുഖത്തിനുള്ള നല്ലൊരു പ്രതിവിധി കൂടിയാണ്. കറ്റാര്‍ വാഴയില്‍ നാരങ്ങാനീരു കലര്‍ത്തി പുരട്ടുന്നതും ഏറെ നല്ലതാണ്.

വെളിച്ചെണ്ണ

വെളിച്ചെണ്ണ ചര്‍മത്തിലുണ്ടാകുന്ന കരുവാളിപ്പിന് നല്ലൊരു വഴിയാണ്. ഇതു തനിയെ പുരട്ടി മസാജ് ചെയ്യാം നാരങ്ങാനീരു കലര്‍ത്തി മുഖത്തു പുരട്ടാം. ഏറെ ഗുണങ്ങള്‍ ചര്‍മത്തിന് നല്‍കുന്ന ഒന്നാണ് വെളിച്ചെണ്ണ, മഞ്ഞള്‍ കൂട്ട്. വെളിച്ചെണ്ണയില്‍ മഞ്ഞള്‍ കലര്‍ത്തി മുഖത്തു പുരട്ടാം. ഇതില്‍ അല്‍പം നാരങ്ങാനീരു കലര്‍ത്തുന്നതു ഗുണം വര്‍ദ്ധിപ്പിയ്ക്കും.

മഞ്ഞള്‍

മഞ്ഞള്‍, പ്രത്യേകിച്ചും കസ്തൂരി മഞ്ഞളോ പച്ച മഞ്ഞളോ മുഖത്തു പുരട്ടുന്നത് നല്ലതാണ്. ഇത് പാലിലോ തൈരിലോ അരച്ചു കലക്കി പുരട്ടാം. നാരങ്ങാനീരു കലര്‍ത്തിയും ഉപയോഗിയ്ക്കാം. തൈരില്‍ ലേശം മഞ്ഞള്‍പ്പൊടി കലര്‍ത്തി മുഖത്തു പുരട്ടുന്നതും ഏറെ നല്ലതാണ്. നല്ലൊരു ബ്ലീച്ചിംഗ് ഇഫക്ടും ഇതുകൊണ്ടു ലഭിയ്ക്കും. ഇത് മുഖത്തിന് നിറം നല്‍കും.

പുളിച്ച തൈര്

പുളിച്ച തൈര് മുഖത്തെ കരുവാളിപ്പിനുള്ള നല്ലൊരു പ്രകൃതിദത്ത വഴിയാണ് . ഇതിലെ ലാക്ടിക് ആസിഡാണ് ഈ ഗുണം നല്‍കുന്നത്. അല്‍പം പുളിച്ച തൈര് ഉപയോഗിയ്ക്കുന്നത് മുഖത്തിന് നല്ലൊരു ബ്ലീച്ചിംഗ് ഗുണം നല്‍കും. തൈരില്‍ ഒന്നോ രണ്ടോ തുള്ളി നാരങ്ങാനീരു ചേര്‍ക്കുന്നതും ഗുണം വര്‍ദ്ധിപ്പിയ്ക്കും.

പാല്‍പ്പൊടി, നാരങ്ങാ നീര്

പാല്‍പ്പൊടി കൊണ്ടു മുഖത്തെ കരുവാളിപ്പിന് പരിഹാരം കാണാം. 2 ടേബിള്‍ സ്പൂണ്‍ പാല്‍പ്പൊടി, 3 തുള്ളി ഗ്ലിസറിന്‍, , അല്‍പം നാരങ്ങാ നീര് എന്നിവ കൂട്ടിച്ചേര്‍ത്ത് മരത്തിന്റെ സ്പൂണ്‍ ഉപയോഗിച്ച് നല്ലതുപോലെ മിക്‌സ് ചെയ്യുക. ക്രീം പരുവമാകുമ്പോള്‍ അഞ്ച് മിനിട്ട് അനക്കാതെ വെയ്ക്കുക.മുഖം നല്ലതു പോലെ വൃത്തിയായി കഴുകുക. അതിനു ശേഷം ഈ ക്രീം രാത്രി മുഖത്ത് പുരട്ടി രാവിലെ തണുത്ത വെള്ളത്തില്‍ കഴുകിക്കളയുക.

കുക്കുമ്പര്‍

കുക്കുമ്പര്‍ കരുവാളിച്ച ചര്‍മത്തിനുള്ള നല്ലൊരു പരിഹാര വഴിയാണ്. ഇതിന് നല്ലൊരു ബ്ലീച്ചിംഗ് ഇഫക്ടുണ്ട്. ചര്‍മത്തിന് ഈര്‍പ്പം നല്‍കാനും ചര്‍മത്തെ സുഖപ്പെടുത്താനും ഇതു സഹായിക്കും. കരുവാളിപ്പ് അകറ്റും. വെയില്‍ കൊണ്ടുള്ള ടാന്‍ മാറാനും വാടിയ ചര്‍മത്തിന് പുതുമ നല്‍കാനുമെല്ലാം കുക്കുമ്പര്‍ ഏറെ നല്ലതാണ്. ഇത് അരച്ചു മുഖത്തു പുരട്ടാം. അല്ലെങ്കില്‍ ഇതിന്റെ നീരു മുഖത്തു പുരട്ടാം. വെള്ളരിക്കയുടെ നീരായാലും മതിയാകും. ഇതിന് ബ്ലീച്ചിംഗ് ഇഫക്ട് നല്‍കാന്‍ സാധിയ്ക്കും.

ഓറഞ്ച്

ഓറഞ്ച് മുഖത്തെ പാടുകളും കരുവാളിപ്പുമെല്ലാം മാറ്റാനുള്ള നല്ലൊരു വഴിയാണ്. ഓറഞ്ചിന്റെ നീരില്‍ ഒരു നുള്ളു മഞ്ഞള്‍പ്പൊടി കലക്കി മുഖത്തു പുരട്ടി അല്‍പം കഴിയുമ്പോള്‍ കഴുകിക്കളയാം.

കുങ്കുമാദി തൈലം

ആയുര്‍വേദത്തില്‍ പറയുന്ന ഒന്നാണ് കുങ്കുമാദി തൈലം. സൗന്ദര്യ സംരക്ഷണത്തിന് ഏറെ ഗുണകരമായ ഒന്നാണിത്. ഒരു പിടി സൗന്ദര്യ പ്രശ്‌നങ്ങള്‍ക്കുളള നല്ലൊരു പരിഹാരമാണിത്.മുഖത്തെ കരുവാളിപ്പിനുള്ള നല്ലൊരു പരിഹാരമാണ് ആയുര്‍വേദ തൈലമായ കുങ്കുമാദി തൈലം അടുപ്പിച്ചു പുരട്ടുന്നത്. സണ്‍ടാന്‍, സ്വിമ്മിംഗ് പൂളില്‍ നീന്തുമ്പോള്‍ ഉള്ള ടാന്‍ എന്നിവ മാറാനുള്ള എളുപ്പ വഴി കൂടിയാണ് കുങ്കുമാദി തൈലം ഇത് അടുപ്പിച്ചു പുരട്ടുന്നത് ഇത്തരം പ്രശ്‌നങ്ങള്‍ക്കുള്ള നല്ലൊരു പ്രതിവിധിയാണ്. സ്വാഭാവിക ബ്ലീച്ച് ഗുണം നല്‍കുന്ന തികച്ചും പ്രകൃതിദത്ത ചേരുവകള്‍ അടങ്ങിയ ഒന്നാണിത്.

തക്കാളി ജ്യൂസ്, മോര്‌

തക്കാളി ജ്യൂസ്, മോര്‌ എന്നിവ മിക്സ് ചെയ്തുണ്ടാക്കുന്ന ക്രീം ഏറെ ഫലപ്രദമാണ്. നാല് ടേബിള്‍ സ്പൂണ്‍ മോര്‌ രണ്ട് ടേബിള്‍സ്പൂണ്‍ തക്കാളി ജ്യൂസുമായി മിക്സ് ചെയ്യുക. ഇത് ചര്‍മ്മത്തില്‍ തേച്ച് പിടിപ്പിക്കുക. മോര് നല്ലൊരു ബ്ലീച്ചംഗ് ഏജന്റിന്റെ ഗുണം ചെയ്യും. ഇതിലെ ലാക്ടിക് ആസിഡ് ആണ് ഈ ഗുണം നല്‍കുന്നത്. തക്കാളിയ്ക്കും ബ്ലീച്ചിംഗ് ഗുണങ്ങളുണ്ട്.

ഉരുളക്കിഴങ്ങ്

മുഖത്തെ കരുവാളിപ്പിനുള്ള നല്ലൊരു പരിഹാരമാണ് ഉരുളക്കിഴങ്ങ് നീര് . ഇത് മുഖത്തു പുരട്ടാം. ഇതില്‍ നാരങ്ങാനീരും തേനും ചേര്‍ത്തു പുരട്ടുന്നതും ഏറെ നല്ലതാണ്.