മുഖത്തു ദിവസവും വെളിച്ചെണ്ണ കൊണ്ടു മസാജ് ചെയ്യൂ

വരണ്ട ചര്‍മത്തിനുള്ള നല്ലൊരു പരിഹാരമാണ്

വരണ്ട ചര്‍മത്തിനുള്ള നല്ലൊരു പരിഹാരമാണ് വെളിച്ചെണ്ണ. നല്ലൊരു മോയിസ്ചറൈസര്‍ ഗുണം നല്‍കുന്ന ഒന്നാണിത്. ചര്‍മത്തിലേയ്ക്ക് എളുപ്പത്തില്‍ ആഴ്ന്നിറങ്ങി ഗുണം നല്‍കുന്ന ഒന്നാണിത്. ഇത് ചര്‍മകോശങ്ങള്‍ വരണ്ടു പോകാതെ സംരക്ഷിയ്ക്കുകയും ചെയ്യുന്നു.

ചര്‍മത്തിനു പ്രായക്കുറവു തോന്നിപ്പിയ്ക്കാനുള്ള നല്ലൊരു വഴിയാണ്

ചര്‍മത്തിനു പ്രായക്കുറവു തോന്നിപ്പിയ്ക്കാനുള്ള നല്ലൊരു വഴിയാണ് വെളിച്ചെണ്ണ. ഇത് സൂര്യപ്രകാശത്തിലെ അള്‍ട്രാവയലറ്റ് രശ്മികള്‍, അന്തരീക്ഷ മലിനീകരണം എന്നിവ കാരണമുള്ള ഓക്‌സിഡേഷന്‍ സ്‌ട്രെസ് കുറയ്ക്കുന്നു. ചര്‍മത്തിന് ഈര്‍പ്പം നല്‍കുന്നതു വഴിയും ചര്‍മത്തില്‍ ചുളിവുകള്‍ വീഴുന്നതു തടയാന്‍ സഹായിക്കുന്നു. ഇതെല്ലാം പ്രായക്കുറവിന് വഴിയൊരുക്കുന്ന ഘടകങ്ങളാണ്.

ചര്‍മത്തിനു നിറം

ചര്‍മത്തിനു നിറം നല്‍കുന്ന ഒന്നു കൂടിയാണ് വെളിച്ചെണ്ണ. ഇതിലെ കൊഴുപ്പുകളും വൈറ്റമിനുകളുമെല്ലാമാണ് ഈ ഗുണം നല്‍കുന്നത്. ഇത് ചര്‍മത്തിന് നിറം നല്‍കുന്നു. വെളിച്ചെണ്ണയില്‍ നാരങ്ങാനീര്, മഞ്ഞള്‍പ്പൊടി തുടങ്ങിയവയെല്ലാം കലര്‍ത്തി മുഖത്തു പുരട്ടുന്നത് ചര്‍മത്തിന് നിറം നല്‍കാനുളള നല്ലൊരു വഴിയാണ്. യാതൊരു പാര്‍ശ്വ ഫലങ്ങളുമില്ലാതെ ഇത് ചര്‍മത്തിന് നിറം നല്‍കും.

ചര്‍മത്തിലെ ചുളിവുകള്‍

വെളിച്ചെണ്ണ ചര്‍മത്തിലെ ചുളിവുകള്‍ അകറ്റുന്നതിനും ഏറെ നല്ലതാണ്. ഇത് ചര്‍മത്തിന് ഇലാസ്റ്റിസിറ്റി നല്‍കുന്ന കൊളാജന്‍ എന്ന ഘടകത്തിന്റെ ഉല്‍പാദനം വര്‍ദ്ധിപ്പിയ്ക്കുന്നു. ഇത് ചുളിവുകള്‍ അകറ്റാനും ചര്‍മം അയഞ്ഞു തൂങ്ങി പ്രായക്കൂടതല്‍ തോന്നുന്നതു തടയാനും സഹായിക്കും.

ആന്റി ബാക്ടീരിയല്‍, വൈറല്‍, ഫംഗല്‍

ചര്‍മത്തിലെ ചെറിയ സുഷിരങ്ങളില്‍ അഴുക്കും പൊടിയും കെട്ടിക്കിടന്ന് മുഖത്തുരു പോലുള്ള പ്രശ്‌നങ്ങള്‍ വരുന്നതു തടയാനുളള നല്ലൊരു വഴിയാണ് വെളിച്ചെണ്ണ. വെളിച്ചെണ്ണയ്ക്ക് ആന്റി ബാക്ടീരിയല്‍, വൈറല്‍, ഫംഗല്‍ ഗുണങ്ങള്‍ ധാരാളമുണ്ട്. ഇതെല്ലാം മുഖത്തുണ്ടാകുന്ന മുഖക്കുരുവും മറ്റ് അലര്‍ജിയുമെല്ലാം മാറ്റാന്‍ സഹായിക്കും.

മുഖത്തെ പാടുകള്‍ നീക്കാനുള്ള നല്ലൊരു വഴി

മുഖത്തെ പാടുകള്‍ നീക്കാനുള്ള നല്ലൊരു വഴി കൂടിയാണ് വെളിച്ചെണ്ണ. വെളിച്ചെണ്ണ മസാജ് ദിവസവും ചെയ്യുന്നത് രക്തപ്രവാഹം വര്‍ദ്ധിപ്പിച്ചാണ് ഈ ഗുണം നല്‍കുന്നത്. ചെറുതായി ചൂടാക്കി മുഖത്തു പുരട്ടി മസാജ് ചെയ്താല്‍ ഗുണം ഇരട്ടിയാകും. ജാതിയ്ക്കാപ്പൊടിയും വെളിച്ചെണ്ണയും കലര്‍ത്തി മുഖത്തു പുരട്ടുന്നത് ഏറെ നല്ലതാണ്. ഇത് അടുപ്പിച്ചു ചെയ്താല്‍ മുഖത്തെ പാടുകള്‍ നീക്കം ചെയ്യാന്‍ സാധിയ്ക്കും.

കറുത്ത കുത്തുകള്‍.

മുഖത്തുണ്ടാകുന്ന ഒരു പ്രധാന സൗന്ദര്യ പ്രശ്‌നമാണ് കറുത്ത കുത്തുകള്‍. ഇതിനുളള നല്ലൊരു പരിഹാരം കൂടിയാണിത്. വെളിച്ചെണ്ണ തനിയെ മുഖത്തു പുരട്ടാം. ഇതല്ലെങ്കില്‍ കറ്റാര്‍ വാഴ ജെല്‍ കൂടി കലര്‍ത്തി മുഖത്തു പുരട്ടുന്നത് ഗുണകരമാണ്. ഇത് മുഖത്തെ കറുത്ത കുത്തുകള്‍ നീക്കാന്‍ സഹായിക്കും.

കണ്ണിനു താഴെയുളള കരുവാളിപ്പ്

കണ്ണിനു താഴെയുളള കരുവാളിപ്പ് പലരേയും അലട്ടുന്ന പ്രധാന പ്രശ്‌നമാണ്. ഇതിനുളള നല്ലൊരു പരിഹാരമാണ് ദിവസവും വെളിച്ചെണ്ണ കൊണ്ട കണ്‍തടത്തിനു താഴെ മൃദുവായി മസാജ് ചെയ്യുകയെന്നത്. ഇത് അടുപ്പിച്ചു ചെയ്യുന്നത് ഡാര്‍ക് സള്‍ക്കിള്‍ ഒഴിവാാക്കാന്‍ സഹായിക്കും.

മൃദുത്വം

ചര്‍മത്തിലെ മൃതകോശങ്ങളെ അകറ്റാനുള്ള നല്ലൊരു വഴിയാണ് വെളിച്ചെണ്ണ. ഇതില്‍ അല്‍പം പഞ്ചസാര ചേര്‍ത്തു സ്‌ക്രബ് ചെയ്യുന്നത് ഗുണം നല്‍കും. ഇത് മൃുതകോശങ്ങള അകറ്റി ചര്‍മത്തിന് മൃദുത്വം നല്‍കുന്ന ഒന്നാണ്.

നല്ല വെളുപ്പുള്ള പല്ലിനും

നല്ല വെളുപ്പുള്ള പല്ലിനും വെളിച്ചെണ്ണ ഏറെ നല്ലതാണ്. കോക്കനട്ട് ഓയില്‍ പുള്ളിംഗ്, അതായത് വെളിച്ചെണ്ണ വായിലൊഴിച്ചു കവിള്‍ കൊണ്ട് അല്‍പം കഴിഞ്ഞു തുപ്പിക്കളയുന്നത് പല്ലിനു വെളുപ്പു നല്‍കും, മാത്രമല്ല, മോണരോഗങ്ങള്‍ ഒഴിവാക്കുകയും ചെയ്യും.

മുടിയുടെ ആരോഗ്യത്തിനും

മുടിയുടെ ആരോഗ്യത്തിനും വെളിച്ചെണ്ണ ഏറെ നല്ലതാണ്. മുടിയ്ക്ക് മൃദുത്വം നല്‍കും, താരന്‍ കളയും, പ്രോട്ടീന്‍ നഷ്ടം തടയുന്നതുകൊണ്ടുതന്നെ മുടിവളര്‍ച്ചയ്ക്ക് ആവശ്യമായ പ്രോട്ടീനും ലഭിയ്ക്കും.