മുഖത്തുണ്ടാകുന്ന കരുവാളിപ്പിന് ഒരു രാത്രി പരിഹാരം

മുഖത്തെ കറുത്ത പാടുകളും കുത്തുകളും ഇല്ലാതാക്കി മുഖത്തിന് തിളക്കം വര്‍ദ്ധിപ്പിക്കാനുള്ള വീട്ടുമരുന്ന

Updated: Thursday, May 11, 2017, 16:30 [IST]

മുഖത്തുണ്ടാകുന്ന കരുവാളിപ്പും പാടുകളും പലപ്പോഴും പല വിധത്തിലുള്ള പ്രശ്‌നങ്ങള്‍ സൃഷ്ടിയ്ക്കുന്നുണ്ട്. അത് മാറുന്നതിനായി ബ്യൂട്ടിപാര്‍ലറിലും ചര്‍മ്മരോഗവിദഗ്ധനടുത്തും കയറിയിറങ്ങുന്നവര്‍ ചില്ലറയല്ല.

പലപ്പോഴും ഇതിന്റെ പാര്‍ശ്വഫലങ്ങള്‍ രംഗം ഒന്നു കൂടി വഷളാക്കുകയാണ് ചെയ്യുക. എന്നാല്‍ ഇനി വീട്ടില്‍ തന്നെ തയ്യാറാക്കാവുന്ന പരിഹാരം ഈ കരുവാളിപ്പിന് ഒരു രാത്രി കൊണ്ട് എന്നന്നേക്കുമായി വിട നല്‍കും. എങ്ങനെ വീട്ടില്‍ വെച്ച് തന്നെ ഈ പ്രശ്‌നത്തിന് പരിഹാരം കാണാം എന്ന് നോക്കാം.

ഹൈഡ്രജന്‍ പെറോക്‌സൈഡ്

ഹൈഡ്രജന്‍ പെറോക്‌സൈഡ് തന്നെയാണ് ഇവിടത്തെ താരം. ഇത് ചര്‍മ്മത്തിന്റെ കറുത്ത പാടുകളെ ഇല്ലാതാക്കുന്നു. മാത്രമല്ല മുഖത്തുണ്ടാകുന്ന കറുത്ത കുത്തുകളേയും ഇത് ഇല്ലാതാക്കുന്നു.

ആവശ്യമുള്ള സാധനങ്ങള്‍

നാല് തുള്ളി ഹൈഡ്രജന്‍ പെറോക്‌സൈഡ്, മൂന്ന് തുള്ളി ഗ്ലിസറിന്‍, രണ്ട് ടേബിള്‍ സ്പൂണ്‍ പാല്‍പ്പൊടി, അല്‍പം നാരങ്ങാ നീര് എന്നിവയാണ് ആവശ്യമുള്ള സാധനങ്ങള്‍.

തയ്യാറാക്കുന്ന വിധം

എല്ലാ മിശ്രിതങ്ങളും കൂടി കൂട്ടിച്ചേര്‍ത്ത് മരത്തിന്റെ സ്പൂണ്‍ ഉപയോഗിച്ച് നല്ലതുപോലെ മിക്‌സ് ചെയ്യുക. ക്രീം പരുവമാകുമ്പോള്‍ അഞ്ച് മിനിട്ട് അനക്കാതെ വെയ്ക്കുക.