ചര്‍മ്മം പെര്‍ഫക്ട് ആക്കും ആ മാര്‍ഗ്ഗം

മുഖത്തെ കറുത്ത കുത്തുകള്‍

ചന്ദനം, ബദാം, തേന്‍ , തൈര് എന്നിവ ചേര്‍ത്തിളക്കി കുഴമ്പ് രൂപത്തിലാക്കിയ മിശ്രിതം എല്ലാ ദിവസവും മുഖത്തും കഴുത്തിലും പുരട്ടുക. പത്ത് മിനുട്ടിന് ശേഷം കഴുകി കളയുക.

മുഖം വൃത്തിയാക്കാം

തൈരും തേനും ഒരു തുള്ളി നാരങ്ങ നീരും ചേര്‍ത്ത മിശ്രിതം മുഖത്ത് പുരട്ടുക. പത്ത് മിനുട്ടിന് ശേഷം കഴുകി കളയുക. മുഖം വൃത്തിയാക്കുന്നത് വൃത്താകൃതിയില്‍ തടവികൊണ്ടായിരിക്കണം.

മുഖത്തെ ചുളിവിന് പരിഹാരം

ബദാം, പാകമായ പപ്പായയുടെ കാമ്പ് എന്നിവ ചേര്‍ത്തിളക്കിയ മിശ്രിതം മുഖത്ത് പുരട്ടി കുറച്ച് നേരം കിടന്ന് വിശ്രമിക്കുക. 15-20 മിനുട്ടിന് ശേഷം സാവധാനം വെള്ളം കൊണ്ട് കഴുകി കളയുക.

ചുണ്ടിന്റെ ആരോഗ്യത്തിന്

ചുണ്ടിന്റെ ആരോഗ്യത്തിനും അഴകിനും ചുണ്ടില്‍ വൃത്താകൃതിയില്‍ പാല്‍പ്പാട പുരട്ടുക. ഒരു മിനുട്ടിന് ശേഷം റോട്ട് വാട്ടര്‍ ഉപയോഗിച്ച് കഴുകി കളയുക.

വരണ്ട ചര്‍മ്മത്തിന് പരിഹാരം

കടലമാവ്, അല്‍പം മഞ്ഞള്‍, തൈര് എന്നിവ ചേര്‍ത്തിളക്കിയ മിശ്രിതം എല്ലാ ദിവസവും മുഖത്ത് പുരട്ടുക. ഇത് ഉണങ്ങിയതിന് ശേഷം വൃത്താകൃതിയില്‍ തേച്ച് കഴുകുക.

അനാവശ്യ രോമങ്ങള്‍ നീക്കാന്‍

മുട്ടയുടെ വെള്ള, തക്കാളി, ബദാം എന്നിവ കൊണ്ടുണ്ടാക്കുന്ന ലേപനം മുഖത്ത് പുരട്ടി 10 മിനുട്ടിന് ശേഷം കഴുകി കളയുക.