ചര്‍മ്മത്തിലെ ചൊറിച്ചിലിന് നാടന്‍ പരിഹാരം ഉടന്‍

വെളിച്ചെണ്ണ

ചൊറിച്ചലിനുള്ള മികച്ച വീട്ടുവൈദ്യമാണ് വെളിച്ചെണ്ണ. ഇത് ചര്‍മത്തിനുണ്ടാകുന്ന അസ്വസ്ഥതകള്‍ക്ക് ആശ്വാസം പകരും. ചൊറിച്ചലുള്ള ഭാഗത്ത് വെളിച്ചെണ്ണ പുരട്ടുക. എന്നിട്ട് ചൂടുവെള്ളത്തില്‍ കുളിക്കുക. ദിവസവും ഇങ്ങനെ ചെയ്താല്‍ ചൊറിച്ചലിന് ഒരു ശമനമുണ്ടാകും.

തുളസി

തുളസി ഔഷധഗുണങ്ങളുള്ള ഒന്നാണ്. അതുകൊണ്ട് തന്നെ ഇവ ചൊറിച്ചിലിനെ ഫലപ്രദമായി തന്നെ ഇല്ലാതാക്കുന്നു. തുളസി ചെടിയുടെ ഇല പേസ്റ്റാക്കി പുരട്ടുക. ചര്‍മത്തില്‍ കയറി കൂടുന്ന അണുക്കളെയെല്ലാം ഇത് നശിപ്പിക്കും.

ആര്യവേപ്പ്

ചൊറിച്ചിലിനുള്ള മികച്ച ഔഷധ മരുന്നാണ് ആര്യവേപ്പ്. ഇത് ഫംഗസിനെയും അണുക്കളെയും കൊല്ലും. ചര്‍മത്തിന് തണുപ്പേക്കാനും സഹായിക്കും. വേപ്പിലയുടെ ഓയില്‍ ശരീരത്തില്‍ പുരട്ടുകയും ചെയ്യാം.

എള്ളെണ്ണ

എള്ളെണ്ണയും നിങ്ങളുടെ ചൊറിച്ചില്‍ അകറ്റും. ത്വക്ക് രോഗങ്ങള്‍ക്ക് മികച്ച മരുന്നാണിത്. ചൊറിച്ചലുള്ള ഭാഗത്ത് എള്ളെണ്ണ ഉപയോഗിച്ച് മസാജ് ചെയ്യുക.

കര്‍പ്പൂര തുളസി

ഒരു ആന്റിസ്‌പെറ്റിക് ആണ് കര്‍പ്പൂരതുളസി. ഇത് അണുക്കളെ നശിപ്പിക്കാന്‍ സഹായിക്കും. കര്‍പ്പൂരതുളസിയുടെ ഇല പേസ്റ്റാക്കിയെടുത്ത് പുരട്ടാം.

ചെറുനാരങ്ങ

വൈറ്റമിന്‍ സി ധാരാളം അടങ്ങിയ ചെറുനാരങ്ങ ചൊറിച്ചലിന് ശമനമുണ്ടാക്കും. ചൊറിച്ചല്‍ മൂലമുണ്ടാകുന്ന വേദനക്ക് ആശ്വാസം പകരും. ചെറുനാരങ്ങ നീര് ചര്‍മത്തില്‍ പുരട്ടുക.

ഉലുവ

ബാക്ടീരിയകളെ നശിപ്പിക്കാനുള്ള മറ്റൊരു മാര്‍ഗമാണിത്. ചര്‍മത്തിലുണ്ടാകുന്ന രോഗങ്ങളെ മറ്റാനുള്ള നല്ല മരുന്നാണ് ഉലുവ. ഉലുവ പേസ്റ്റാക്കി എടുത്ത് അതിലേക്ക് അല്‍പം തൈരും ചേര്‍ക്കുക. ചൊറിച്ചലുള്ള ഭാഗത്ത് പുരട്ടുക.

ബദാം ഓയില്‍

വരണ്ട ചര്‍മ്മത്തിന് പരിഹാരം കാണാന്‍ സഹായിക്കുന്നു. വരണ്ട ചര്‍മ്മത്തിലാണ് ചൊറിച്ചല്‍ കൂടുതല്‍ ഉണ്ടാകുന്നത്. ഇതിന് ബദാം ഓയില്‍ ഉപയോഗിക്കാം. ഇത് ചര്‍മത്തെ മൃദുവാക്കി മാറ്റാന്‍ സഹായിക്കും.

തേന്‍

ആന്റിസെപ്റ്റിക്കായി തേന്‍ പ്രവര്‍ത്തിക്കും. ബാക്ടീരിയകളെയും ഫംഗസിനെയും നശിപ്പിക്കും. തേനിന്റെ കൂടെ ചെറുനാരങ്ങ നീരും ഓലിവ് ഓയിലും ചേര്‍ത്ത് പുരട്ടാം. ഇത് ചര്‍മ്മത്തിന് വളരെയധികം സഹായിക്കുകയും ചൊറിച്ചില്‍ അകറ്റുകയും ചെയ്യുന്നു.

കറ്റാര്‍ വാഴ

കറ്റാര്‍ വാഴയുടെ പശ ചൊറിച്ചല്‍ അകറ്റുന്ന മറ്റൊരു ഉപാധിയാണ്. ഇത് ചര്‍മത്തില്‍ തണുപ്പ് നിലനിര്‍ത്തുന്നു. സൂര്യപ്രകാശം മൂലമുണ്ടാകുന്ന കുരുക്കളൊക്കെ മാറ്റും. ഇതുമൂലമുണ്ടാകുന്ന ചൊറിച്ചിലുകളും മാറ്റാം.

ഒലീവ് ഓയില്‍

ചര്‍മത്തില്‍ പിടിപ്പെടുന്ന മാലിന്യങ്ങളും കുരുക്കളും മാറ്റാന്‍ ഒലിവ് ഓയില്‍ സഹായിക്കും. ചൊറിച്ചല്‍ ഉള്ള ഭാഗത്ത് പുരട്ടുക. ഇത് ചൊറിച്ചിലിന് ആശ്വാസം നല്‍കാന്‍ സഹായിക്കുന്നു.

ബേക്കിംഗ് സോഡ

ബാക്ടീരിയകളെ കൊല്ലാന്‍ സഹായിക്കുന്ന ബേക്കിംഗ് സോഡയും ചൊറിച്ചിലിന് നല്ല മരുന്നാണ്. ബേക്കിംഗ് പൗഡര്‍ പേസ്റ്റാക്കി പുരട്ടുക. ഇത് ചൊറിച്ചിലിനെ നിമിഷ നേരം കൊണ്ട് ഇല്ലാതാക്കുന്നു.