മുഖക്കുരു അകറ്റാന്‍ നാരങ്ങ

നാരങ്ങനീര്

നാരങ്ങനീരിലെ ആസിഡ് ഘടകം മുഖക്കുരുവും കാരയും അകറ്റാന്‍ ഏറെ സഹായിക്കും. നാരങ്ങ നീര് മുഖക്കുരുവിലും പാടുകളിലും തേയ്ക്കുക. അല്പസമയം കഴിഞ്ഞ് ഇത് നന്നായി കഴുകിക്കളയുക.

നാരങ്ങനീരും തേനും

മുഖക്കുരുവും അതിന്‍റെ പാടുകളും അകറ്റാന്‍ ഫലപ്രദമായ മാര്‍ഗ്ഗമാണ് നാരങ്ങനീരും തേനും. തേനും നാരങ്ങനീരും കൂട്ടിക്കലര്‍ത്തി മുഖത്ത് തേയ്ക്കുക. മുഖക്കുരുവുള്ള ഭാഗങ്ങളില്‍ കൂടുതല്‍ ശ്രദ്ധ നല്കുക. അല്പസമയം കഴിഞ്ഞ് കഴുകിക്കളയുക.

നാരങ്ങനീരും ഓറഞ്ച് ജ്യൂസും

മുഖക്കുരുവും പാടുകളും അകറ്റാന്‍ മികച്ച കഴിവുള്ളതാണ് ഇത്. ഓറഞ്ച് ജ്യൂസും നാരങ്ങ നീരും കൂട്ടിക്കലര്‍ത്തി മുഖത്ത് മുഴുവന്‍ തേയ്ക്കുക. അല്പസമയം കഴിഞ്ഞ് കഴുകിക്കളയാം.

പാലും നാരങ്ങനീരും

പാലും നാരങ്ങനീരും തുല്യ അളവിലെടുത്ത് കൂട്ടിക്കലര്‍ത്തി ചര്‍മ്മത്തില്‍, പ്രത്യേകിച്ച് മുഖക്കുരു ഉള്ള ഭാഗങ്ങളില്‍ തേയ്ക്കുക. അല്പസമയം കഴിഞ്ഞ് ഇത് കഴുകിക്കളയുക. ഇത് ചര്‍മ്മത്തിന് നനവ് നല്കുകയും മുഖക്കുരുവും പാടുകളും നീക്കുകയും ചെയ്യും.

നാരങ്ങനീരും വെള്ളരിക്ക ജ്യൂസും

നാരങ്ങനീരും വെള്ളരിക്ക ജ്യൂസും തുല്യ അളവിലെടുത്ത് ചര്‍മ്മത്തില്‍ തേയ്ക്കുക. അല്പസമയം കഴിഞ്ഞ് കഴുകിക്കളയാം. ഇത് മുഖക്കുരവും പാടുകളും നീക്കം ചെയ്യുകയും പ്രശ്നത്തിന് ശമനം നല്കുകയും ചെയ്യും.

തുളസി

ചെറുനാരങ്ങാനീരിനൊപ്പം തുളസിനീരു കലര്‍ത്തി പുരട്ടുന്നതും മുഖക്കുരു നീക്കാന്‍ സഹായിക്കും.